...

ფილიპ ლამის კარიერა ფოტოებში

გთავაზობთ ფილიპ ლამის კარიერულ ფოტოკოლაჟს, რომელიც მიუნხენის "ბაიერნის" ოფიციალურმა ვებ-გვერდმა მოამზადა.

"რეკორდმაისტერის" ლეგენდარულმა კაპიტანმა, რომელიც კარიერას სეზონის ბოლოს ასრულებს, კარიერისა და ცხოვრების გამორჩეულ, მნიშვნელოვან მომენტებზე თავად ისაუბრა.

მაშ ასე, თქვენს წინაშეა ჩვენი დიდი კაპიტნის კარიერა ფოტოებში და თითოეულ ფოტოს ლამის კომენტარი ახლავს თან.

"ეს დიდი ხნის წინ მოხდა. დაახლოებით 5 წლის ვიყავი, როდესაც მეგობართან ერთად "გერნს" შევუერთდი და 8 წლამდელთა გუნდში დავიწყე თამაში. პირველი თვეების განმავლობაში ყველა მატჩს ვაგებდით და შემდეგ ჩემს დაბადების დღეზე, 11 ნოემბერს, პირველი გოლი გავიტანე. თუმცა ვფიქრობ, ჩვენ აღსანიშნავი არც არაფერი გვქონდა, რადგან 10:1 წავაგეთ (იცინის). "ბაიერნში" კი 1995 წელს გადავედი."

"ეს 2002 წელს მოხდა, როდესაც 19 წლამდელებთან ერთად მეორე ტიტული მოვიგე. მთელი სეზონი რეზერვისტებში ვითამაშე. ფინალის წინ, მწვრთნელმა კურტ ნიდერმაიერმა 1 კვირიანი არდადეგები მომცა, მაგრამ ფინალური მატჩის შემდეგ სეზონისათვის მომზადება საკმაოდ ნაყოფიერად დავიწყეთ. იმ დროისთვის ტალანტების იდეალური თაობა გვყავდა. ამ გუნდში ბასტიან შვაინშტაიგერი, ანდი ოტლი, პიოტრ ტროხოვსკი და მიხაელ რენზინგი იყვნენ. უნტერჰახინგში გამართულ ფინალში "შტუტგარტი" 4:0 დავამარცხეთ. მარკუს ჰუსტერერის ტრავმის გამო შეხვედრაზე გუნდი კაპიტნის სამკლაურით გავიყვანე და დაჯილდოვების დროს თავი ოლივერ კანი მეგონა. ეს თითოეული ჩვენგანისთვის უდიდესი მომენტი იყო."

"ბაიერნთან" გრძელვადიანი კონტრაქტი მაკავშირებდა, მაგრამ პირველ გუნდთან ერთად რეგულარულად არ ვვარჯიშობდი, ამიტომაც "შტუტგარტში" იჯარით წასვლა გადავწყვიტე. წინ მორიგი ნაბიჯის გადადგმა მინდოდა და ეს ფელიქს მაგათის ხელმძღვანელობით გამომივიდა. იქ ძირითადის სტაბილური მოთამაშე გავხდი და გერმანიის ნაკრებში სადებიუტო მატჩიც ჩავატარე. 21 ნომრიან მაისურსაც სწორედ ამ პერიოდიდან ვატარებ. როდესაც გუნდში მივედი სულ რამდენიმე ნომერი იყო დარჩენილი და 21 პირველი რიცხვი გამოდგა, რომელიც მომეწონა."

"2005 წელს "ბაიერნში" დავბრუნდი, მაგრამ მუხლის ჯვარედინა იოგები მქონდა გაწყვეტილი და პირველი თამაში ნოემბრამდე არ ჩამიტარებია. სეზონის ბოლოს დუბლი მოვიგეთ და ქალაქის დიდი პარიენპლაცის ავიანზე ბუნდესლიგის ტიტული თავს ზემოთ პირველად აღვმართე. ეს ჩემი ოცნება იყო. უბრალოდ სენსაციური მომენტი!"

"2006 წლის მუნდიალი ჩემი პირველი მსოფლიო ჩემპიონატი იყო და ჩემს მშობლიურ ქალაქ მიუნხენში გამართულ გახსნით შეხვედრაში ტურნირის პირველი გოლი გავიტანე - ამაზე უკეთესს ვერც კი ვინატრებდი. თანაც ამას წინ ისეთი ისტორია ახლავს, რაც ჩემთვის ამ მომენტის განსაკუთრებულობას ზრდის. ხელის მოტეხილობის გამო მინდორზე აუცილებლად გიბსით უნდა გავსულიყავი და გაურკვეველი იყო მომცემდნენ თუ არა ამის უფლებას. თუმცა არგენტინელმა მსაჯმა, ორაციო ელიზონდო მწვანე ამინთო და ძალიან გამახარა."

"მე ბრწყინვალე ბავშვობა მქონდა, მაგრამ სამხრეთ აფრიკის ქალაქებში მოგზაურობისას გავიგე, რომ ყველა ბავშვი ასე არ არის. ამის შემდეგ ჩემთვის ნათელი გახდა, რომ მათ აუცილებლად უნდა დავხმარებოდი. მალევე ფილიპ ლამის ქველმოქმედების ცენტრი გავხსენი და ბავშვების, თინეიჯერების ცხოვრების გახალისებას შევუდექით. მთავარი აქცენტი კი სპორტსა და განათლებაზე გავაკეთეთ."

"ეს ჩემს კარიერაში ყველაზე ექსტრაორდინალური მომენტი იყო. კლუბის სატრანსფერო პოლიტიკა და კიდევ სხვა რაღაცეები ინტერვიუში გავაკრიტიკე, შემდეგ კი პასუხი კარლ-ჰაინც რუმენიგეს, ული ჰიონესსა და კარლ ჰიოფნერს გავეცი. ალბათ ყველას წარმოუდგენია, რომ ამ საუბარში უდიდესი პატივისცემით ჩავები და ყველაფერი ძალიან, ძალიან კარგად წარიმართა. ამ სიტუციამ პიროვნულად განმავითარა. იმ დროისთვის 26 წლის ვიყავი და "ბაიერნთან" გრძელვადიანი კონტრაქტი ახალი გაფორმებული მქონდა, ამიტომაც ჩემთვის მნიშვნელოვანი იყო, რომ კლუბი სწორი მიმართულებით წასულიყო და პროგრესის გზას დადგომოდა. უბრალოდ მინდოდა, რომ კლუბი განვითარებულიყო. ახლა კი შემიძლია ვთქვა, რომ "ბაიერნს" თავისი ფილოსოფია აქვს და ყველა პოზიციაზე ძლიერი ინდივიდუალისტი ჰყავს. ტოპ-კლუბში სწორედ ასეთი სიტუაცია უნდა იყოს. მთელი ეს სკანდალური დღეები ჩემთვის პიროვნულად ძალიან სასარგებლო გამოდგა და უფრო გამოცდილი გამხადა."

"ჩემი ბავშვის დაბადებასთან ერთად, ჩემი და კლაუდიას ქორწილი ჩემს ცხოვრებაში ერთ-ერთი ყველაზე ლამაზი მომენტია. ჩვენ გრანდიოზული დღესასწაული დავგეგმეთ, რომელიც 2010 წლის მსოფლიო ჩემპიონატისათვის მზადებას ხელს არანაირად არ უშლიდა. ამ ფესტივალმა და ქორწილმა აიინგში ჩაიარა, ყველა მეგობარი და ოჯახის წევრი ჩვენთან ერთად იყო, ამინდიც მშვენიერი გამოდგა - უბრალოდ ფანტასტიკური დღეები გავატარეთ. ეს დღე სამუდამოდ მემახსოვრება. ოჯახი ჩემთვის, ნებისმიერ შემთხვევაში, ძალიან მნიშვნელოვანი იყო. ჩემს მშობლებს ჩემთვის არასოდეს არაფერი დაუძალებიათ, მაგრამ მათ აზრს ყოველთვის ვითვალისწინებდი, ხოლო ისინი, თავისმხრივ, გადაწყვეტილების თავად მიღების საშუალებას მაძლევდნენ. სწორედ ამიტომ, ჩემი თითოეული ნაბიჯის უკან ჩემი ოჯახი დგას."

"როგორც მიუნხენელისათვის ოქტომბერფესტი ჩემთვის ძალიან მნიშვნელოვანია. ჩემი ოჯახი მიუნხენში ცხოვრობს და აქ ძალიან ბევრი მეგობარი მყავს. "ბაიერნი" კი ის კლუბია, სადაც თითქმის ჩემი მთელი კარიერა გავატარე. სწორედ ამიტომ, ეს დღესასწაული ჩემი ცხოვრების განუყოფელი ნაწილია."

"მშობლიური ფინალის წაგება თითოეული ჩვენგანისთვის ნამდვილი დრამა იყო. ეს კლუბისათვის და ქომაგებისათვის ძალიან მძიმე, სამწუხარო მომენტი იყო. ბასტი კი, რა თქმა უნდა, გაფუჭებული პენალტის შემდეგ განსაკუთრებით მძიმე მდგომარეობაში აღმოჩნდა. ის სრულიად განადგურებული იყო. ჩვენ ერთმანეთს ძალიან დიდი ხანი ვიცნობდით, ერთად ბევრი ტიტული გვქონდა მოგებული და ერთადაც ბევრი მნიშვნელოვანი ნაბიჯი გადაგვიდგამს. წლების განმავლობაში ნამდვილად ძალიან კარგი მეგობრები ვიყავით, ამიტომაც ამ რთულ სიტუაციაში მისი გამხნევება და დახმარება გადავწყვიტე, მიუხედავად იმისა, რომ მეც არანორმალურად იმედგაცრუებული ვიყავი."

"როგორც იქნა! ეს იყო ჩემი პირველი ფიქრები იმ მომენტში, როდესაც მსაჯმა უემბლიზე საბოლოოდ ჩასტვინა. ორი წაგებული ფინალის შემდეგ, ჩემპიონთა ლიგა მაინც მოვიგეთ! ეს არანორმალურად კარგი შეგრძნება იყო, რადგან ჩვენ ყველამ ძალიან ბევრი ვიმუშავეთ იმისათვის, რომ "ბაიერნისთვის" ასეთი დიდი წარმატება მოგვეტანა. ამ ტიტულის ხელში დაჭერა უბრალოდ გიჟური, უნიკალური მომენტი იყო!"

"ეს ფოტო მაშინ გადაიღეს, როდესაც ჩვენ ბერლინში მოვიგეთ და ტრებლი მოვიპოვეთ. ორი წლის განმავლობაში იუპ ჰაინკესთან ერთად მართლაც ბევრი ვიმუშავეთ. მე და ბასტის კი მასთან ძალიან ახლო, თბილი ურთიერთობა გვქონდა. იუპმა კლუბის წარმატებაში ძალიან დიდი წვლილი შეიტანა. ტრებლამდე კი 2012 წელს გუნდმა ყველა ტურნირზე მეორე ადგილი დაიკავა. მან გუნდი თავიდან ააწყო და ახალ დონეზე აიყვანა. ამ მომენტში კი ჩვენთვის ნათელი გახდა, რომ რაღაც დიდებულს მივაღწიეთ."

"ბაიერნი" გახდა პირველი გუნდი გერმანული ფეხბურთის ისტორიაში, რომელმაც ტრებლი მოიგო და ისტორია დაწერა - ჩვენი მიზანიც სწორედ ეს იყო. შეიძლება ზოგი ფიქრობს, რომ ლონდონში გამარჯვება შესაბამისად აღვნიშნეთ, მაგრამ ეს დიდ ხანს არ გაგრძელებულა, რადგან მალევე გადავერთეთ ბოლო მატჩზე. საბოლოო ჯამში, ჩვენ ტრებლის მოგებასა და ისტორიის გადაწერაზე ვიყავით კონცენტრირებულნი."

"მე-100 თამაში ეროვნულ ნაკრებში ჩემს მშობლიურ ქალაქსა და სტადიონზე - მორიგი მშვენიერი ისტორია ჩემს ცხოვრებაში, რომელშიც ყველაფერი იდეალური იყო. 100 თამაშის ჩატარებას ბევრი ვერ ახერხებს და ეს მართლაც საამაყო რიცხვია, რომელიც მიუთითებს, რომ წლების განმავლობაში ეროვნული გუნდის სტაბილური და ღირსეული მოთამაშე ვიყავი. ფრანც ბეკენბაუერთან გატოლება კი, რომელმაც ნაკრებში 103 თამაში ჩაატარა, ნამდვილად განსაკუთრებული მიღწევა იყო. იმითაც კმაყოფილი დავრჩი, რომ იმ დღეს მიხაელ ბალაკმა დამაჯილდოვა. მაშინ იმაზეც საუბრობდნენ, რომ ჩვენ ერთმანეთში უთანხმოება გვქონდა, მაგრამ ეს სიმართლეს არ შეესაბამებოდა. ბალაკი დიდად პატივსაცემი პერსონაა, რომელმაც გერმანული ფეხბურთისათვის ძალიან ბევრი გააკეთა. მე მის გამოსამშვიდობებელ მატჩზე ვიყავი და უკვე დიდი ხანია გვაქვს ურთიერთობა."

"სამი წელი პეპ გვარდიოლასთან ერთად მშვენიერი და წარმატებული პერიოდი იყო. ერთად მუშაობის დაწყებიდანვე ვიგრძენით, რომ ჩვენი საფეხბურთო იდეები ერთმანეთს ძალიან ჰგავდა და საკმაოდ კარგები ვიყავით. პეპს უბრალოდ დეტალები უყვარდა. მოთამაშეებისთვის მარტივი შესამჩნევი იყო, რომ ის მთელი დღე და ღამე ფეხბურთზე ფიქრობდა. მომდევნო მეტოქესთან შესახვედრად ის ყოველთვის ძალიან კარგად იყო მომზადებული და დიდ სიამოვნებას გვანიჭებდა. გვარდიოლასთან განსაკუთრებული ურთიერთობა ჩამომიყალიბდა, რომელიც რა თქმა უნდა, კარიერის დასრულების შემდეგაც გაგრძელდება."

"მსოფლიო ჩემპიონატის მოგება კაპიტნის რანგში - ეს კი ენით აუღწერელი მომენტია, რომელზეც ბავშვობიდან ვოცნებობდი. ის, რომ სანაკრებო კარიერას მუნდიალის შემდეგ დავასრულებდი, ეს ტურნირის დაწყებამდე იყო ცნობილი. მჯერა, რომ სწორედ ამის გამო ვგრძნობდი თავს უფრო ემოციურად. დრო მარიოს 114-ე წუთზე გატანილი გადამწყვეტი გოლიდან და კიდევ საათ-ნახევარი არასოდეს დამავიწყდება. მსაჯის საფინალო სასტვენის შემდეგ არანორმალური გრძნობები იფრქვეოდა. გრძნობა, რომელიც დიდი სამუშაოს შესრულებისა და დიდი მიზნის მიღწევის შემდეგ გეუფლება; გზა კვარცხლბეკისაკენ; მედალი კისერზე; ტიტულის აღმართვა; საჩემპიონო ფოტო; თანაგუნდელებთან და ფანებთან ერთად აღნიშვნა; ქვეყნის ფედერალურ პრეზიდენტთან და კანცლერთან ვიზიტი - ეს ჩემი ცხოვრების მომენტებია, რომელთაც სიტყვებით ვერასოდეს აღვწერ."

"კარიერის დასრულების გადაწყვეტილება იყო პროცესი, რომელიც დიდი ხნის წინ დაიწყო. მიუნხენის "ბაიერნი" ჩემი ნაბიჯის შესახებ გავაფრთხილე. საბოლოოდ კი ყველაფერი "ვოლფსბურგთან" თამაშის შემდეგ გასაჯაროვდა. 7 თებერვალს საკუთარი გადაწყვეტილება უკვე მედიის წინაშე გავაცხადე და ყველაფერს ნათელი მოვფინე."

"ძალიან დიდი იმედი მაქვს, რომ შაბათს მე და ხაბი კარგ თეთრ ლუდს შევსვამთ. ასეთი ფეხბურთელის გვერდით თამაში ნამდვილად ძალიან სასიამოვნო იყო. ხაბი სენსაციური მოთამაშეა, რომელსაც არანორმალური კარიერა ჰქონდა და კიდევ უფრო შთამბეჭდავი პიროვნებაა. მან აქ თავი სრულიად დაიმკვიდრა და მიუნხენში მოსვლის დღიდან უფრო მეტის გაგება სურდა. გერმანულიც ძალიან მალე შეისწავლა. არ ვიცი რამდენად ხშირად შევხვდებით ერთმანეთს, როდესაც ის ესპანეთში დაბრუნდება, მაგრამ ერთი რამ ზუსტად ვიცი: როდესაც ჩვენი შეხვედრის დრო მოვა, ეს ძალიან თბილი და მეგობრული იქნება. ის დიდებული სპორტსმენია და მოხარული ვარ, რომ გავიცანი."

"ეს კვლავ მშვენიერია. ჩვენი მთელი წელი, მთელი სეზონი ვმუშაობდით და საბოლოოდ, მორიგი ვერცხლის სინი. ბევრისთვის ეს ჩვეულებრივი ამბავია, მაგრამ მოთამაშეები ნებისმიერი გამარჯვებით უზომოდ ბედნიერები არიან. ამ წარმატების უკან ყოველდღიური დიდი მუშაობაა, რომელიც ყველაზე უკეთ ჩვენ გვესმის. მაშინ, როდესაც ბუნდესლიგას ჩემპიონატის დასრულებამდე მხოლოდ 3 ტურით ადრე იგებ, ეს იმას ნიშნავს, რომ იოლად არაფერი მოგიპოვებია. ეს გუნდისათვის დიდი წარმატებაა."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ფილიპ ლამი ბლოგი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა