მიუნხენის "ბაიერნის" ლეგენდარული გარემარბი, არიენ რობენი, შესაძლოა, ნიდერლანდების ეროვნულ ნაკრებში ვიხილოთ.
მოგეხსენებათ, ერთწლიანი პაუზის შემდეგ ვეტერანმა ფეხბურთელმა სულ ახლახანს განაახლა საფეხბურთო კარიერა და ის "გრონინგენის" ღირსებას იცავს.
ნიდერლანდების ეროვნული ნაკრების მთავარი მწვრთნელის, დუაიტ ლოდევეგეს განცხადებით, იმ შემთხვევაში, თუ რობენი კარიერის განახლების შემდეგ მაღალ დონეს აჩვენებს, მაშინ მას ნაკრებში დაუძახებენ.
შესაბამისად, არ არის გამორიცხული "ბაიერნის" ლეგენდა 2021 წლის ევროპის ჩემპიონატზე ვიხილოთ.