როგორც ჩანს, ტიაგო ალკანტარას ირგვლივ დაწყებული სატრანსფერო საგა უახლოეს დროში საბოლოოდ დასრულდება.
სანდო ბრიტანელი ჟურნალისტის, დევიდ ორნშტეინის ინფორმაციით, მიუნხენის "ბაიერნსა" და "ლივერპულს" შორის საბოლოო შეთანხმება შედგა და 29 წლის ნახევარმცველი მერსისაიდელთა რიგებში გადაბარგდება.
წყაროს ცნობით, ინგლისური გუნდი დათანხმდა 30 მილიონი ევროს გადახდას ტიაგოს სანაცვლოდ. ტრანსფერი კი სავარაუდოდ უახლოეს საათებში დადასტურდება.
შეგახსენებთ, რომ ესპანელი ნახევარმცველი უკვე დიდი ხანია რაც "ბაიერნიდან" წასვლას ითხოვს.