...

ფრანც როტის გოლს 50 წელი შეუსრულდა

მიუნხენის "ბაიერნის" ლეგენდარულმა ნახევარმცველმა, ფრანც როტმა იგივე "ხარმა", გერმანული გრანდის მაისურით 322 მატჩი ჩაატარა და 72 გოლი გაიტანა, მაგრამ ყველაზე მნიშვნელოვანი ბურთი ზუსტად 50 წლის წინ, 1967 წლის 31 მაისს შეაგდო.

50 წლის წინ დიდებული ზლატკო ჩაიკოვსკის ხელმძღვანელობით "რეკორდმაისტერმა" უეფას თასების მფლობელთა თასის ფინალში გააღწია. გადამწყვეტი მატჩი ნიურნბერგში, 70 ათასი მაყურებლის თვალწინ გაიმართა. მიუნხენური კლუბი გლაზგოს "რეინჯერსს" დაუპირისპირდა. 108 წუთმა უგოლოდ განვლო და საბოლოოდ სიჩუმე "ბაიერნის" ახალწვეულმა, ფრანც როტმა, დაარღვია, რომელიც გუნდში პირველ სეზონს ატარებდა და აკრობატულ ნახტომში კლუბის ისტორიაში ერთ-ერთი ყველაზე მნიშვნელოვანი და დასამახსოვრებელი გოლი გაიტანა.

რატომ იყო ასეთი მნიშვნელოვანი "ხარის" ეს გოლი? იმიტომ, რომ ზუსტად 50 წლის წინ, 1967 წლის 31 მაისს, ფრანც როტის ბრწყინვალე გოლით მიუნხენის "ბაიერნმა" ისტორიაში პირველი საერთაშორისო ტიტული - უეფას თასების მფლობელთა თასი მოიპოვა.


მატჩის შემდეგ ბურთი შეხვედრის მთავარმა არბიტრმა, კონჩეტო ლე ბელომ, აიღო და თავის ოთახში წაიღო. ფრანც როტს კი სურდა, რომ ბურთი სამახსოვროდ თავად დარჩენოდა და მიუხედავად იმისა, რომ მას იტალიელმა მსაჯმა უკვე დაასწრო, მაინც არ დანებდა. "ბაიერნის" მენეჯერმა, რობერტ შვანმა, იგი გააფრთხილა: "ბურთს ვერასოდეს მოიპოვებ." თუმცა "ხარი" ასე იოლად არ თმობდა.

"ეს მარტივი არ იყო. შემდეგ მსაჯის ოთახში შევედი, ძალიან სასოწარკვეთილი ვიყავი, ვტიროდი და ვუთხარი: "გთხოვთ, ეს ყველაზე მნიშვნელოვანი გოლია, "ბაიერნში" თამაში სულ ახლახანს დავიწყე, პირველი წელია, ბურთის წაღება ძალიან მინდა." ვუთხარი, რომ ეს დიდებული მოგონება იქნებოდა. მან კი მიპასუხა, რომ პრობლემა არ იყო და ბურთს მივიღებდი." მანამ, სანამ ფრანც როტი დიდ ზეპ მაიერთან, ფრანც ბეკენბაუერთან, გერდ მიულერთან და სხვებთან ერთად ჩემპიონთა ლიგის ზედიზედ 3 ტიტულს მოიგებდა, მან "ბაიერნს" პირველი დიდი საერთაშორისო წარმატება მოუტანა.


"ხარის" გარდა ფრანც როტს "მისტერ ევროთასსაც" ეძახდნენ, რადგან მოგვიანებით ჩემპიონთა თასი ზედიზედ სამჯერ მოიგო, უფრო მეტიც - 1975 და 76 წლების ფინალებში მან გოლიც კი გაიტანა. როტმა ჯერ "ლიდს იუნაიტედს" (2:0) გაუტანა პირველი ბურთი, ხოლო შემდეგ "სტ.ეტიენს" (1:0) გამარჯვებით გოლი შეუგდო. მან სულ ოთხი ევროპული ტურნირის ფინალში ითამაშა, ოთხივე მოიგო და სამ მათგანში გადამწყვეტი გოლის გატანა მოახერხა. როტმა "ბაიერნის" რიგებში 12 წელიწადი (1966-78) დაჰყო და კლუბის ლეგენდის სახელი დამსახურებულად მოიპოვა.

1967 წლის გამარჯვება და "ხარის" ეს დიდებული აკრობატული გოლი კი "ბაიერნის" ისტორიის უმნიშვნელოვანესი ნაწილია, რომელსაც უკვე 50 წელი შეუსრულდა ანუ ნახევარი საუკუნე განვლო.

როტი ახლა 71 წლის არის, მის დიდებულ გოლს კი 50 წელი შეუსრულდა!

скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ფრანც როტი ბლოგი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა