მიუნხენის "ბაიერნის" ცენტრალური ნახევარმცველის, მაიკლ კუისენსის მომავალი ჯერ კიდევ ბუნდოვანია.
გამოცემა FootMercato-ს ინფორმაციით, ფრანგი ფეხბურთელი ამჯერად "ლიდსი იუნაიტედის" რადარზე გამოჩნდა. 21 წლის მოთამაშის ტრანსფერი პირადად მარსელო ბიელსას მოთხოვნაა.
წყაროს ცნობით, უახლოეს პერიოდში ბრიტანული კლუბის წარმომადგენლები პირველ შეთავაზებას გააკეთებენ ფეხბურთელის თაობაზე. დიდი ალბათობით, "ლიდსი" მას იჯარის წესით დაიმატებს.
როგორც ცნობილია, "ბაიერნის" დატოვება თავად კუისანსსაც სურს, რათა მეტი სათამაშო დრო, გამოცდილება მიიღოს და ამის შემდეგ დაბრუნდეს კლუბში.