...

პრევიუ: გერმანია - ჩილე

გერმანია - ჩილე

ჩემპიონატი: კონფედერაციათა თასი, ჯგუფური ეტაპის II ტური
თარიღი: 22 ივნისი, 22:00 საათი
სტადიონი: "კაზან არენა", კაზანი
მთავარი მსაჯი: ალირეზა ფაღანი (ირანი)
პირდაპირი ტრანსლიაცია: საზოგადოებრივი მაუწყებელი

გუნდების წინასამატჩო მდგომარეობა


კონფედერაციათა თასის ჯგუფური ეტაპი გერმანიის ეროვნულმა ნაკრებმა არადამაჯერებლად დაიწყო და ავსტრალიასთან რთული ორთაბრძოლა გადაიტანა. იოახიმ ლიოვის გუნდმა აზიის ჩემპიონი 3:2 დაამარცხა და მეორე ტაიმში საკმაოდ უცნაურად გამოიყურებოდა. "ბუნდესნაკრების" ახალგაზრდა მოთამაშეებმა ბევრი შეცდომა დაუშვეს, რის გამოც ქომაგების კრიტიკა და იმედგაცრუება დაიმსახურეს. მიუნხენის "ბაიერნის" 22 წლის ტალანტმა, იოზუა კიმიხმა, ლეონ გორეცკას შესანიშნავი საგოლე გადაცემა გააკეთა, მაგრამ მისი თამაშიც შორს იყო ოპტიმალურისგან, რადგან იოზუამ უკანა ხაზზე რამდენიმე უხეში შეცდომა დაუშვა. მსოფლიო ჩემპიონების რიგებში მხოლოდ რამდენიმე ნათელი წერტილი იყო იულიან ბრანდტის, იულიან დრაქსლერისა და ლეონ გორეცკას სახით. აგრეთვე, შეცვლიდან შემოსულმა ტიმო ვერნერმაც ნორმალური შთაბეჭდილება დატოვა. საკუთარი შანსი ვერ გამოიყენა ლევერკუზენის "ბაიერის" გოლკიპერმა, ბერნდ ლენომ, რომელმაც ორივე გოლის დროს არადამაჯერებლად ითამაშა, მეორე გოლის ეპიზოდში კი საერთოდ ბურთი ხელიდან გაუვარდა და შედეგიანი დარტყმაც ამას მოჰყვა. ავსტრალიის ნაკრებთან შეხვედრაში გამოჩნდა, რომ ამ ფორმაციის გერმანიის ეროვნული გუნდისათვის ეს ტურნირი საკმაოდ რთული იქნება, მაგრამ ამავდროულად, მშვენიერი ტესტი ახალგაზრდა მოთამაშეებისთვის. ლიოვმა პრესკონფერენციაზე დაანონსა, რომ შემადგენლობის სრულიად შეცვლას არ აპირებს, მაგრამ 2-3 ცვლილება იქნება. იოგი ლიოვმა ისიც აღნიშნა, რომ კარში ამჯერად "ბარსელონას" მეკარე მარკ-ანდრე ტერ შტეგენი ჩადგება. აგრეთვე მოსალოდნელია, რომ სანდრო ვაგნერს უფრო ტექნიკური და მრავალფეროვანი ტიმო ვერნერი შეცვლის, მოედნის ცენტრში კი სებასტიან რუდის მაგივრად "ლივერპულის" ტექნიკური ნახევარმცველი ემრე ჩანი იასპარეზებს. თუმცა ეს მხოლოდ ვარაუდია და რა გადაწყვეტილებას მიიღებს "ბუნდესთიმის" მესაჭე, ამას მხოლოდ დღეს საღამოს გავიგებთ.


გერმანელების მსგავსად პირველ ტურში ჩილეს ნაკრებმაც არადამაჯერებლად ითამაშა და მეორე ტაიმი სუსტად ჩაატარა, მაგრამ კამერუნს გოლები სწორედ მეორე ნახევარში გაუტანა და შედეგსაც მიაღწია. სამხრეთ ამერიკის საუკეთესო ნაკრების რიგებში "ბაიერნის" საყრდენი ნახევარმცველი არტურო ვიდალი ასპარეზობს, რომელმაც კამერუნს პირველი ბურთი გაუტანა, შემდეგ კი თავი ედუარდო ვარგასმაც გამოიჩინა. მიუხედავად არადამაჯერებელი თამაშისა, ხუან ანტონიო პიცის გუნდი ძალიან ძლიერია და ტურნირის ერთ-ერთი მთავარი ფავორიტი გახლავთ. ლიოვმა ჩილეს ეროვნული გუნდი კონფედერაციათა თასის მთავარ ფავორიტადაც დაასახელა, რასაც თავისი მიზეზები აქვს. ჩილეს ძალიან ორგანიზებული გუნდი ჰყავს, რომელმაც კოპა ამერიკის გათამაშება ზედიზედ ორჯერ მოიგო და სერიოზულ ძალას წარმოადგენს. ჩილელებს სანჩესისა და ვიდალის სახით ორი გამორჩეული ვარსკვლავი ჰყავთ, მაგრამ მთლიანად გუნდი არის ერთ მუშტად შეკრული, თანაც საკმაოდ კარგად შეთამაშებული. ამ ყველაფრის გათვალისწინებით ჩილეს ნაკრებს საკმაოდ სერიოზული რესურსი აქვს და მათგან მორიგ წარმატებას ელიან. კამერუნის წინააღმდეგ პიცის შეგირდებმა საკუთარი პოტენციალი ვერ გამოავლინეს, მაგრამ გერმანიასთან მატჩში სამხრეთ ამერიკელების მოტივაცია სულ სხვანაირი იქნება. "ბუნდესნაკრების" წინააღმდეგ სანჩესი უკვე პირველივე წუთებიდან დაიწყებს, პირველ ტურში ის ჯერ სათადარიგო სკამზე დაჯდა, რადგან მცირე დაზიანება აწუხებდა.

კაზანში ერთმანეთს მსოფლიოსა და სამხრეთ ამერიკის საუკეთესო გუნდები დაუპირისპირდებიან, რაც თავისთავად სერიოზული განაცხადია. გერმანია-ჩილეს მატჩი უდიდეს ინტერესს იწვევს და იმედია, ქომაგების მოლოდინი გამართლდება. "ბუნდესთიმს" ურთულესი ბრძოლა ელოდება, რომლის მოგებაც უაღრესად რთული მისიაა.

სავარაუდო შემადგენლობები

გერმანია: ​ტერ შტეგენი - კიმიხი, ზიულე, მუსტაფი, ექტორი - ჩანი, გორეცკა - ბრანდტი, შტინდლი, დრაქსლერი - ტიმო ვერნერი.

ჩილე: ​ერერა - ისლა, მედელი, ხარა, ბოსეჟური - ვიდალი, მარსელო დიასი, არანგისი - ფუენსალიდა, ედუ ვარგასი, სანჩესი.​​​​​​

საინტერესო ფაქტები

  • მიუნხენის "ბაიერნის" საყრდენი ნახევარმცველი არტურო ვიდალი საკუთარ თანაგუნდელ იოზუა კიმიხს დაუპირისპირდება. ეს ორი მოთამაშე "რეკორდმაისტერის" მაისურით უკვე ორი წელია ასპარეზობს ერთად. 

  • ამ გუნდების წინა ოფიციალური შეხვედრები მსოფლიო ჩემპიონატის ეგიდით გაიმართა, თანაც შორეულ წარსულში. 1962 წლის მუნდიალზე მასპინძელი ჩილე გერმანელებმა ჯგუფურ ეტაპზე 2:0 დაამარცხეს, შემდეგ 1974 წელს 1:0 მოუგეს, 1982 წელს კი "ბუნდესნაკრებმა" სამხეთ ამერიკული გუნდი 4:1 გაანადგურა.

  • მას შემდეგ ამ ორი ქვეყნის ეროვნული ნაკრები ერთმანეთს მხოლოდ ერთხელ შეხვდა. 2014 წლის მარტში იოახიმ ლიოვის გერმანიამ ხორხე სამპაოლის ჩილე ამხანაგურ შეხვედრაში 1:0 დაამარცხა. ერთადერთი ბურთი იოზილის პასით მარიო გიოტცემ გაიტანა.

  • კონფედერაციათა თასზე გერმანიის ეროვნული ნაკრების ბოლო 9 შეხვედრაში სულ 39 ბურთი გავიდა, რაც მატჩში საშუალოდ 4.3 ბურთის ტოლია. "ბუნდესთიმმა" ამ თამაშებში თავად 20 გოლი გაიტანა, 19 კი გაუშვა.

  • გერმანელები კონფედერაციათა თასზე მესამედ ასპარეზობენ, ჩილეს ნაკრები კი ტურნირის დებიუტანტია.

  • გამარჯვების შემთხვევაში ნებისმიერი გუნდი კონფედერაციათა თასის ნახევარფინალური ეტაპის საგზურს გაიფორმებს.

მწვრთნელების წინასამატჩო კომენტარები

იოახიმ ლიოვი: ​"ჩილეს წინააღმდეგ რადიკალურად განსხვავებული თამაში იქნება. ვფიქრობ, ჩილეს ყველაზე ორგანიზებული და მრავალფეროვანი გუნდი ჰყავს ტურნირზე. ისინი საოცრად არაპროგნოზირებადები არიან. ​​​მეტოქის თითქმის ყოველ მოთამაშეს შეუძლია გოლის გატანა და ყველა ძალიან მონდომებულია. ჩილეს ისეთი მოძრავი და მრავალფეროვანი გუნდი ჰყავს, რომ ძალიან რთულია გამოიცნო ვინ სად ითამაშებს.

ვეცდები, რომ სათამაშო პრაქტიკა თითქმის ყველას მივცე, მაგრამ ეს რთული იქნება. საქმე იმაშია, რომ გუნდს ბირთვიც ესაჭიროება. ექტორი, კიმიხი, მუსტაფი და დრაქსლერი აუცილებლად პირველივე წუთებიდან დაიწყებენ. ვფიქრობ, რამდენიმე ცვლილება იქნება. კარში კი მარკ-ანდრე ტერ შტეგენი ჩადგება."

ხუან ანტონიო პიცი: ​"მნიშვნელობა არ აქვს ოფიციალურ მატჩს ვატარებთ თუ ამხანაგურს, მაღალი დონის ეროვნულ გუნდს ვხვდებით თუ შედარებით სუსტს, ჩვენი მთავარი მიზანი ყოველთვის ერთნაირი - კარგი ფეხბურთის ჩვენება და მოგება. შესაძლოა ბევრი ამბობდეს, რომ ჩილე ფავორიტია, მაგრამ ამას მნიშვნელობას არ ვანიჭებთ.

ვფიქრობ, შეგვიძლია, რომ მეტოქეს საქმე სერიოზულად გავურთულოთ. ჩვენ კარგი შეტევითი ხაზი გვყავს, რომელსაც ბევრის გაკეთება შეუძლია. გერმანიას ძლიერი გუნდი ჰყავს, მაგრამ ჩილეს დიდი ბრძოლის შეთავაზება შეუძლია."​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა