...

გერმანია ჩილეს დაუზავდა

რამდენიმე წუთის წინ კაზანში კონფედერაციათა თასის ჯგუფური ეტაპის მეორე ტური დასრულდა და გერმანიის ნაკრებმა ჩილესთან ფრედ 1:1 ითამაშა. შეხვედრის პირველი ტაიმი ძალიან სანახაობრივი გამოდგა, მაგრამ მეორე ნახევარში თითქმის არაფერი მომხდარა.

იოახიმ ლიოვმა საკმაოდ საინტერესო გადაწყვეტილება მიიღო და 5 მცველიანი ტაქტიკა დააყენა, თანაც გამოკვეთილი ცენტრალური თავდამსხმელის გარეშე. თუმცა ცხრუ ცხრიანის როლში ლარს შტინდლი მოგვევლინა, რომლისთვისაც ეს პოზიცია სულაც არ არის უცხო. ფლანგებიდან კი მას ლეონ გორეცკა და იულიან დრაქსლერი ეხმარებოდნენ. ნახევარდაცვის ცენტრში კი სებასტიან რუდის ემრე ჩანი შეუწყვილდება. აღსანიშნავია ისიც, რომ იოზუა კიმიხმა და "ბაიერნის" ორმა ახალწვეულმა, ნიკოლას ზიულემ და ზემოთხსენებულმა რუდიმ, ძირითად შემადგენლობაში დაიწყეს.

ჩილეს ეროვნულმა გუნდმა ძალიან აქტიურად, აგრესიულად დაიწყო, მაღალი პრესინგი გამოიყენა და ამან თავისი შედეგი გამოიღო. შკოდრან მუსტაფი ბურთის ამოტანის დროს შეცდა და ის ალექსის სანჩესს ჩააბარა. ალექსისმა არტურო ვიდალთან მშვენიერი კედელი გაითამაშა, საჯარიმოში შეიჭრა და მარცხენა ფეხით ძელიდან რიკოშეტის შედეგად ანგარიში გახსნა - 1:0! სამხრეთ ამერიკელებმა არანორმალური პრესინგი გააგრძელეს და გერმანელებს ძალიან უჭირდათ ბურთის ნორმალურად ამოტანა. ხუან ანტონიო პიცის გუნდს მეორე ბურთის გატანაც შეეძლო, მაგრამ ედუარდო ვარგასის ძლიერი დარტყმა საჯარიმოს გარედან ხარიხას მოხვდა.

დროთა განმავლობაში "ბუნდესნაკრებმა" სიტაუცია გამოასწორა, ჩილემაც პრესინგი ცოტათი შეამსუბუქა და მსოფლიო ჩემპიონებმა ტაიმის ბოლოს ულამაზესი კომბინაცია გაითამაშეს. გინტერი და კიმიხი პრესინგიდან კარგად გამოვიდნენ, მოედნის ცენტრში არსებული დიდი სივრცით კი ემრე ჩანმა ისარგებლა, რომელიც წინ დაიძრა, საჯარიმოს მიუახლოვდა და მარცხენა ფრთაზე იონას ექტორს იდეალური სიზუსტის გამჭოლი პასი გაუკეთა. გერმანელთა მარხცენა მცველმა ცენტრისკენ ეგრევე ჩააწოდა, სადაც ისე, როგორც ნამდვილ ფორვარდებს შეეფერებათ, შტინდლი საჭირო დროს საჭირო ადგილას აღმოჩნდა და კონფედერაციათა თასზე თავისი მორიგი გოლი გაიტანა.


დარჩენილ დროში შორიდან გერმანელების კარს სანჩესი დაემუქრა, მაგრამ ტერ შტეგენი საკმაოდ დამაჯერებლად მოქმედებდა და ამჯერადაც არ გასჭირვებია ბურთის მოგერიება. ალექსისმა და ვიდალმა მსოფლიო ჩემპიონებს ბევრი პრობლემა შეუქმნეს, მაგრამ გერმანიამ საპასუხო ბურთი მაინც გაიტანა და თამაშიც გამოასწორა. საწყის 45 წუთში თეთრების მაისურით ემრე ჩანი უნაკლოდ მოქმედებდა. "ბაიერნის" აღზრდილმა და ამჟამად "ლივერპულის" ნახევარმცველმა ორთაბრძოლების 100%(!) მოიგო და მისი პასების 91% გამოდგა ზუსტი, რაც უბრალოდ ფანტასტიკური მაჩვენებელია.

მეორე ნახევარი კი რადიკალურად განსხვავებული გამოდგა. გუნდები დადგნენ და მთელი 45 წუთი ისე მიილია, რომ არცერთი გუნდის კართან რეალური საგოლე მომენტი არ შექმნილა. "ბუნდესნაკრები" ბურთს აკონტროლებდა, მაგრამ შეტევაში უჭირდა. დრაქსლერმა და გორეცკამ თამაში აშკარად ვერ ჩაატარეს მოწოდების სიმაღლეზე, რის გამოც შტინდლი უკან იხევდა, მაგრამ მასაც ბევრი არაფერი გამოსდიოდა. მიდგომები ორივე გუნდს ჰქონდა, მაგრამ როგორც უკვე აღვნიშნეთ, რეალური ხიფათი არ შექმნილა. გუნდებმა ფრეზე მოაწერეს ხელი და ქულები გაიყვეს.

იოახიმ ლიოვმა მატჩი იმ თერთმეტეულით დაამთავრა, რომლითაც დაიწყო, რაც ძალიან უცნაურია. იოგიმ აღნიშნა, რომ ის ყველას მისცემდა შანსს, მაგრამ ფაქტია, რომ ამ შეხვედრაში მთელი სათადარიგო სკამი უქმედ დატოვა. რატომ? ამას ალბათ მოგვიანებით თავად ლიოვი მოგვახსენებს, რომელმაც ყველაზე უკეთ იცის როდის რა უნდა გააკეთოს.

"ბავარიელებიდან" ყველაზე კარგი შთაბეჭდილება 21 წლის ცენტრალურმა მცველმა, ნიკოლას ზიულემ, დატოვა, რომელმაც დაცვაში დამაჯერებლად იმოქმედა, საკუთარ საჯარიმოში თითქმის ყველა ორთაბრძოლა მოიგო, ერთ-ერთ ეპიზოდში ვიდალის გამჭოლი პასიც ჩაჭრა და მშვენიერი შთაბეჭდილება დატოვა. სებასტიან რუდიც კარგად გაისარჯა, მაგრამ იოზუა კიმიხი კვლავ ცოტათი ჩრდილში მოექცა, რადგან შეტევაში ვერ აქტიურობდა, ხოლო უკანა ხაზზე რამდენიმეჯერ ბოსეჟური გაეპარა. საერთო ჯამში, ეს მატჩი "ბაიერნის" ფეხბურთელებისათვის კარგი გამოდგა.

გერმანიისა და ჩილეს ნაკრებებმა 2 ტურის შემდეგ 4-4 ქულა დააგროვეს, მაგრამ პირველი სამხრეთ ამერიკული გუნდი იქნება. ჩილელებმა კამერუნი 2:0 დაამარცხეს, გერმანიამ ავსტრალია კი 3:2, ამიტომ ჩილეს ბურთების სხვაობაში +1 ქულა აქვს, რაც იმას ნიშნავს, რომ ყველაფერი ბოლო ტურში გადაწყდება. "ბუნდესნაკრების" მთავარი მიზანი კამერუნელთა კარში რაც შეიძლება მეტი გოლის გატანა იქნება.

გერმანია 1:1 ჩილე

გოლები: 0:1 სანჩესი (6'), 1:1 - შტინდლი (41').
გაფრთხილება: შტინდლი (20'), რუდი (60') - სანჩესი (64'), ბოსეჟური (79').

გერმანია: ტერ შტეგენი - კიმიხი, გინტერი, ზიულე, მუსტაფი, ექტორი - ჩანი, რუდი - გორეცკა, შტინდლი, დრაქსლერი.

ჩილე: ერერა - ისლა, მედელი (პაულო დიასი 71'), ხარა, ბოსეჟური - ვიდალი, მარსელო დიასი, არანგისი (ფ.სილვა 90') - სანჩესი, ედუ ვარგასი (მ.როდრიგესი 82'), პაბლო ერნანდესი.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა