...

გერმანიის ნაკრებმა კამერუნი დამაჯერებლად დაამარცხა

კონფედერაციათა თასის ჯგუფური ეტაპი გერმანიის ნაკრებმა გამარჯვებით დაასრულა და კამერუნი 3:1 დაამარცხა.

კამერუნის ნაკრებმა საკმაოდ თამამად დაიწყო და საწყის წუთებში ბურთს სწორედ აფრიკელები ფლობდნენ. "ბუნდესნაკრები" კი აშკარად ვერ პოულობდა თამაშს, ამიტომ უწევდა დაბალ ტემპში მოქმედება, არც ისე აქტიური პრესინგითა და ნაკლები სიმწვავით შეტევაში. თითქმის მთელმა 45 წუთმა რეალური საგოლე მომენტის გარეშე ჩაიარა, მაგრამ პირველი ნახევრის ბოლოს მარკ-ანდრე ტერ შტეგენმა გერმანია გოლისგან იხსნა, როდესაც მაბუაკუს ჩაწოდების შემდეგ კარისკენ საყრდენი ნახევარმცველი ანგისა ურტყამდა, მაგრამ "ბარსელონას" გოლკიპერმა ჩინებული რეაქცია გამოავლინა. საბოლოოდ მშვიდი 0:0 და გუნდები შესვენებაზე საყაიმო შედეგით გავიდნენ.

მეორე ტაიმი გერმანიის ნაკრებმა სულ სხვა განწყობით დაიწყო და შეტევაში აქტიურად გადავიდა. მეორე ნახევრის დებიუტში დემირბაიმ და დრაქსლერმა ლამაზი კომბინაცია გაითამაშეს, რომელიც "ბუნდესთიმის" მე-10 ნომრის შესანიშნავი დარტყმით დასრულდა. ამის შემდეგ გოლის გატანა ტიმო ვერნერსა და იოზუა კიმიხს შეეძლოთ, მაგრამ არ გაუმართლათ. 66-ე წუთზე კი კიმიხის ჩინებული ჩაწოდების შემდეგ ვერნერმა არაორდინალური თავური დარტყმა განახორციელა და ტურნირზე თავისი პირველი გოლი გაიტანა. დაახლოებით 10 წუთში ვინსენ აბუბაქარმა ერთი ბურთი გაქვითა, მაგრამ გერმანელების უპირატესობა საკმაოდ დიდი იყო. 3 წუთში ვერნერმა ჰენრიხსის პასით დუბლი გაიფორმა და საბოლოო ანგარიში დააფიქსირა. "ლაიფციგის" 21 წლის თავდამსხმელს მესამეს გატანაც შეეძლო, მაგრამ არ გამოუვიდა.


მსოფლიო ჩემპიონებმა ჯგუფი 7 ქულით მოიგეს და ნახევარფინალში მექსიკის ეროვნულ გუნდს დაუპირისპირდებიან. მატჩი 29 ივნისს სოჭში გაიმართება.

გერმანია 3:1 კამერუნი

გოლები: 1:0 - დემირბაი (48'), 2:0 - ვერნერი (66'), 2:1 - აბუბაქარი (78'), 3:1 - ვერნერი (81').
გაფრთხილება: პლატენჰარდტი (90+2').
გაძევება: მაბუკა (64').

გერმანია: ტერ შტეგენი - კიმიხი, გინტერი, რუდიგერი, ზიულე, პლატენჰარდტი - ჩანი, რუდი (ჰენრიხსი 74') - დემირბაი (ბრანდტი 78'), ტიმო ვერნერი, დრაქსლერი (იუნესი 80').

კამერუნი: ონდოა - მაბუკა, ნგადეუ, ტეიკუ, ფაი - მანჯიეკი (ნგამელუ 58'), სიანი, ანგისა - ბასოგოგი (ეკამბი 82'), აბუბაქარი, მუკანჯო (გუიოტა 70').скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა