...

გერმანიამ მექსიკა გაანადგურა

გუშინ საღამოს გერმანიის ეროვნულმა ნაკრებმა კონფედერაციის ნახევარფინალურ შეხვედრაში მექსიკის ეროვნული გუნდი უშანსოდ დაამარცხა და ბრწყინვალე ფეხბურთი აჩვენა.

"ბუნდესნაკრებმა" სოჭში განსხვავებული შემადგენლობით დაიწყო. ჯგუფური ეტაპისგან განსხვავებით "ბაიერნის" 22 წლის ტალანტი იოზუა კიმიხი ცენტრალური მცველების სამეულს შეუერთდა, ხოლო მარჯვენა ფლანგი მთლიანად ახალგაზრდა ბენჟამინ ჰენრიხსმა ჩაიბარა. სხვა მხრივ კი იოახიმ ლიოვს არც არაფერი შეუცვლია.

მსოფლიო ჩემპიონებმა თავიდანვე ძალიან აქტიურად დაიწყეს და ანგარიში სწრაფად გახსნეს. ლეონ გორეცკამ მარჯვენა ფლანგზე ჰენრიხსს გადააწოდა, რომელმაც საჯარიმოს მისადგომებთან კვლავ ლეონს დაუბრუნა და გერმანელთა 8 ნომერმა შორეულ დაბალ კუთხეში ლამაზად ჩასვა - 1:0. გავიდა 2 წუთი და მეტოქის ნახევარზე ლარ შტინდლმა მექსიკელებს ბურთი აართვა და ტიმო ვერნერს გადააწოდა, რომელმაც შესანიშნავი გადაცემით გორეცკა გილერმო ოჩოასთან ერთი-ერთზე დატოვა და "შალკეს" ახალგაზრდა ნახევარმცველმა 2 წუთში დუბლი გაიფორმა - 2:0!


ამის შემდეგ გოლის გატანა თავად ვერნერსაც შეეძლო, რომელიც ოჩოასთან შეხვედრაზე ჰენრიხსმა დატოვა, მაგრამ 21 წლის ფორვარდს მექსიკელთა გოლკიპერმა აჯობა. პირველი ტაიმის ბოლოს უკვე ხუან კარლოს ოსორიოს შეგირდები გააქტიურდნენ და ორჯერ თამაშში მარკ-ანდრე ტერ შტეგენიც ჩაერთო. თუმცა საბოლოოდ აღარაფერი შეცვლილა - 2:0.

მეორე ნახევრის დებიუტში კი გერმანიამ მორიგი ლამაზი კომბინაცია გაითამაშა. დრაქსლერმა საჯარიმოში იონას ექტორს შეუყოლა, რომელმაც ცარიელი კარის წინ მყოფი ვერნერი მოძებნა და ტიმომ ტურნირზე თავისი მესამე ბურთი შეაგდო. მექსიკის ნაკრები ძალიან გააქტიურდა, მომენტებიც შექმნა, ერთ ეპიზოდში გერმანიის ნაკრები ხარიხამაც იხსნა, მაგრამ ჩრდილოეთ ამერიკელებმა მიზანს მხოლოდ 89-ე წუთზე მიაღწიეს, როდესაც საჯარიმო სწრაფად გაითამაშეს და მარკო ფაბიანმა შორიდან ფანტასტიკური დარტყმა განახორციელა. დრო აღაც იყო, მაგრამ "ბუნდესთიმმა" კონტრშეტევაზე მეოთხეც გაიტანა - თავისი ბურთი "აიაქსის" ახალგაზრდა შემტევმა, ამინ იუნესმაც, შეაგდო.

იოახიმ ლიოვის გუნდმა ფინალის საგზური დამაჯერებელი თამაშის ფონზე მოიპოვა და მექსიკა 4:1 დაამარცხა. ახლა კი "ბუნდესნაკრები" 2 ივლისს სანკტ-პეტერბურგში ჩილეს ეროვნულ გუნდს შეხვდება. მატჩი ჩვენი დროით 22:00 საათზე დაიწყება.

გერმანია 4:1 მექსიკა

გოლები: 1:0 - გორეცკა (6'), 2:0 - გორეცკა (8'), 3:0 - ვერნერი (59'), 3:1 - ფაბიანი (89'), 4:1 - იუნესი (91').
გაფრთხილება: ჩანი (72') - რაულ ხიმენესი (55').

გერმანია: ტერ შტეგენი - ჰენრიხსი, კიმიხი, რუდიგერი, გინტერი, ექტორი - გორეცკა (ჩანი 67'), რუდი - შტინდლი (ბრანდტი 79'), ვერნერი, დრაქსლერი (იუნესი 81').

მექსიკა: ოჩოა - ლაიუნი, არაუხო, ექტორ მორენო, ალანისი - ჯონათან დოს სანტოსი (რაფა მარკესი 67'), ექტორ ერერა - რაულ ხიმენესი, ჯოვანი დოს სანტოსი (ფაბიანი 63'), აკინო (ლოსანო 46') - ჩიჩარიტო.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა