...

პრევიუ: ჩილე - გერმანია

ჩილე - გერმანია

ჩემპიონატი: კონფედერაციათა თასი, ფინალი
თარიღი: 2 ივლისი, 22:00 საათი
სტადიონი: "სანქტ-პეტერბურგ არენა", სანქტ-პეტერბურგი
მთავარი მსაჯი: მილორად მაზიჩი (სერბეთი)
პირდაპირი ტრანსლიაცია: საზოგადოებრივი მაუწყებელი

გუნდების წინასამატჩო მდგომარეობა


გერმანიის ნაკრების თავკაცმა, იოახიმ ლიოვმა, ტურნირის დაწყებამდე აღნიშნა, რომ ჩილე კონფედერაციათა თასის ყველაზე ორგანიზებული გუნდი და გათამაშების მთავარი ფავორიტია. სამხრეთ ამერიკელებმა ჯგუფურ ეტაპზე არადამაჯერებლად იასპარეზეს, სამაგიეროდ, პორტუგალიასთან ნახევარფინალში ბრწყინვალედ იმოქმედეს და ფინალში დამსახურებულად გავიდნენ. ხუან ანტონიო პიცის გუნდს ძირითად და დამატებით დროში უპირატესობა ჰქონდა, უბრალოდ ჩილელებს ძალიან არ გაუმართლათ. ევროპის ჩემპიონები რამდენჯერმე სასწაულებრივ გადარჩნენ, მაგრამ პენალტების სერიაში უკვე ვეღარაფერმა უშველათ. კლაუდიო ბრავომ სამიდან სამი პენალტი მოიგერია და ჩილემ 3:0 იმარჯვა. კოპა ამერიკის ბოლო ორგზის გამარჯვებულმა დაამტკიცა, რომ "საფეხბურთო ლატარეაში" ბადალი არ ჰყავს, მაგრამ ამ კომპონენტში გერმანელებიც ძალიან ძლიერები არიან. ორი აზრი არ არსებობს, რომ ჩილე ღირსეული ფინალისტია, რომელსაც შემადგენლობაში ორი ექსტრაკლასის მოთამაშე ჰყავს: არტურო ვიდალი და ალექსის სანჩესი. ასეთი დონის ფეხბურთელები ლიოვმა შვებულებაში დატოვა, ამიტომ არ არის გასაკვირი, რომ ფავორიტად სწორედ ჩილელები მოვიაზროთ. ხუან ანტონიო პიცის გუნდი შემტევ, ლაღ და კარგ ფეხბურთს თამაშობს, რაც გერმანელებმა ჯგუფურ ეტაპზე უკვე გამოსცადეს საკუთარ თავზე. ძალიან დიდი ალბათობით ჩილე ზუსტად იმ სასტარტო თერთმეტეულით დაიწყებს გადამწყვეტ მატჩს, რომლითაც აქამდე მოვიდა.


გერმანიის ნაკრები კონფედერაციათა თასზე ექსპერიმენტალური შემადგენლობითაც შესანიშნავად ასპარეზობს და ნახევარფინალში საკმაოდ სიმპატიური მექსიკის ეროვნული გუნდი უშანსოდ გაანადგურა - 4:1. ნახევარფინალური მატჩის მთავარი გმირი კი "შალკეს" 22 წლის ნახევარმცველი ლეონ გორეცკა გახდა, რომელმაც დუბლი გაიფორმა და ჩინებულად იმოქმედა. აგრეთვე ბრწყინვალედ გამოიყურება "ლაიფციგის" თავდამსხმელი ტიმო ვერნერი, რომელმაც ბოლო 2 თამაშში 3 გოლი გაიტანა და გორეცკას ჩინებული საგოლე პასი გაუკეთა. აშკარაა, რომ ასეთი მრავალფეროვანი და მობილური ცენტრფორვარდი გერმანიის ნაკრებს ძალიან დიდი ხანია არ ჰყოლია, შესაძლოა იურგენ კლინსმანის შემდეგაც კი. ამასთანავე უნდა აღინიშნოს, რომ მექსიკელთა წინააღმდეგ ძალიან კარგი იყო ახალგაზრდა მარჯვენა მცველი ბენჟამინ ჰენრიხსი და საინტერესოა ფინალში ვინ იმოქმედებს ამ პოზიციაზე. სავარაუდოდ ლიოვი ჰენრიხსს კვლავ ჩააბარებს მარჯვენა ფრთას, ხოლო იოზუა კიმიხი ცენტრისკენ შეიწევს და სამი ცენტრალური მცველიდან მარჯვენა ცენტრალური მცველის როლს შეასრულებს. ჩილეს ნაკრების მსგავსად, არც "ბუნდესთიმის" შემადგენლობაშია მოსალოდნელი ცვლილებები, მაგრამ შესაძლოა ანტონიო რუდიგერის მაგივრად უფრო გამოცდილი და საიმედო შკოდრან მუსტაფი გავიდეს მოედანზე პირველივე წუთებიდან. ნებისმიერ შემთხვევაში, გერმანიის საოცრად მონდომებული და ახალგაზრდული ნაკრები ეცდება, რომ დაწყებული საქმე ბოლომდე მიიყვანოს და ეს გიჟური ექსპერიმენტი სრულყოფილებაში მოიყვანოს.

რა თქმა უნდა ფინალს ფავორიტი არ ჰყავს და ორივე გუნდს თანაბარი შანსი აქვს. იმედია სანქტ-პეტერბურგში კარგი სანახაობა იქნება. გერმანიისა და ჩილეს ეროვნული გუნდები პლანეტის უძლიერესი ნაკრების ვინაობას გაარკვევენ.

სავარაუდო შემადგენლობები

ჩილე: ბრავო - ისლა, ხარა, მედელი, ბოსეჟური - არანგისი, მარსელო დიასი, ვიდალი - პაბლო ერნანდესი, ედუ ვარგასი, სანჩესი.

გერმანია: ტერ შტეგენი - ჰენრიხსი, კიმიხი, გინტერი, რუდიგერი, ექტორი - რუდი, გორეცკა - დრაქსლერი, ვერნერი, შტინდლი.

საინტერესო ფაქტები

  • გერმანიისა და ჩილეს ეროვნული ნაკრებები კონფედერაციათა თასის ფინალში პირველად გავიდნენ. ჩილემ ამ ტურნირზე საერთოდ პირველად იასპარეზა.

  • "ბუნდესნაკრები" ტურნირის ყველაზე გამტანი გუნდია - 11 გოლი, ხოლო ჩილემ (პორტუგალიასთან ერთად) ყველაზე ცოტა ბურთი გაუშვა - 2.

  • გერმანიისა და ჩილეს ეროვნული გუნდები ერთმანეთს ჯგუფურ ეტაპზეც გადაეყარნენ და მატჩი ფრედ 1:1 დასრულდა. ალექსის სანჩესის სწრაფ გოლს პირველი ტაიმის ბოლოს ლარს შტინდლმა უპასუხა.
  • კონფედერაციის თასამდე ეს გუნდები ერთმანეთს მხოლოდ ერთხელ შეხვდნენ. 2014 წლის მარტში "ბუნდესთიმმა" შტუტგარტში ჩილე ამხანაგურ შეხვედრაში 1:0 დაამარცხა. იმ შემადგენლობიდან გერმანიის ნაკრებს ახლა ერთადერთი მოთამაშე (მატიას გინტერი) ჰყავს წაყვანილი ტურნირზე, ხოლო ჩილეს თითქმის მთელი გუნდი (ისლა, მედელი, ხარა, ბოსეჟური, არანგისი, ვიდალი, სანჩესი, ედუ ვარგასი).

  • გერმანის შეუძლია გახდეს მხოლოდ მეორე ევროპული ნაკრები, რომელსაც მსოფლიოსა და ევროპის ჩემპიონატებთან ერთად კონფედერაციის თასიც ექნება მოგებული. ეს პირველად ფრანგებმა მოახერხეს, როდესაც 2001 და 2003 წლებში ეს ტურნირი ზედიზედ ორჯერ მოიგეს.

  • ზოგადად, კონფედერაციათა თასი მხოლოდ ერთმა ევროპულმა ნაკრებმა მოიგო და ეს საფრანგეთია. 2005, 2009 და 2013 წლებში ეს გათამაშება ბრაზილიის ეროვნულმა გუნდმა მოიგო.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა