მიუნხენის "ბაიერნის" გარემარბმა, სერჟ გნაბრიმ, თავის ყოფილ კლუბთან მოახლოვებული შეხვედრების წინ კომენტარი გააკეთა.
"მას შემდეგ რაც ინგლისიდან დავბრუნდი, "ვერდერი" გერმანიაში ჩემი პირველი გუნდი იყო. როდესაც ამ კლუბის ღირსებას ვიცავდი, უბრალოდ შეყვარებული ვიყავი მასზე.
ძალიან ბედნიერი ვარ ბრემენელების წარმატებული ასპარეზობის გამო და ერთი სული მაქვს როდის შევხვდები ძველ მეგობრებს.
თამაშის დროს გარისკვა მიყვარს - ასეთია ჩემი ბუნება. როგორც წესი, გადაწყვეტილების მიღებისას ბევრს არ ვფიქრობ", - განაცხადა 23 წლის გერმანელმა.
სერჟ გნაბრი ლონდონის "არსენალის" აღზრდილია და ბრემენის "ვერდერში" 2016/17 წლების სეზონი ჩინებულად ჩაატარა.
2017 წლის ზაფხულში მიუნხენელებმა გნაბრი გაიფორმეს და ერთი სეზონით "ჰოფენჰაიმში" გაუშვეს იჯარით.
"ბაიერნი" ბრემენულ კლუბს ჯერ ბუნდესლიგაში, 20 აპრილს, საკუთარ მოედანზე შეხვდება, ხოლო 4 დღეში გერმანიის თასის 1/2 ფინალში "ვერდერს" ესტუმრება.