მიუნხენის "ბაიერნის" ხელმძღვანელობა ფრანკფურტის "აინტრახტის" სერბი სუპერ-ტალანტისთვის, ლუკა იოვიჩისთვის, ბრძოლას არ აპირებს.
ცნობილი გერმანული გამოცემა "SportBild" იტყობინება, რომ "რეკორდმაისტერის" თავკაცი, ნიკო კოვაჩი, იოვიჩის ტრანსფერს ითხოვს, მაგრამ კლუბის ბოსები უარზე არიან.
მიზეზი? მიუნხენური გრანდი ვერ გაუწევს კონკურენციას კატალონიის "ბარსელონასა" და მადრიდის "რეალს", რომლებიც ლუკას სერიოზულად უმიზნებენ და მზად არიან მისთვის დიდი თანხა გამოყონ.
"აინტრახტი" ამ ეტაპზე გუნდის ლიდერის სანაცვლოდ 70 მილიონ ევროს ითხოვს, მაგრამ დიდი ალბათობით, "ბარსა" და "რეალი" თამასას აწევენ, რაც "ბაიერნს" შეაფერხებს.
შედეგად, მიუნხენური კლუბი ლუკა იოვიჩის ტრანსფერზე ტყუილად რესურსის დახარჯვას არ აპირებს.