...

"აქ საკუთარი ფესვები გავიდგი!" - რიბერის ინტერვიუ

34 წლის ლეგენდარული ფრანგი ფრანკ რიბერი ამ კვირაში მიუნხენურ გრანდში გატარებულ 10 წელიწადს აღნიშნავს.

რიბერი "ბაიერნს" 2007 წლის ივნისის დასაწყისში შეუერთდა და მას შემდეგ "რეკორდმაისტერის" განუყოფელი ნაწილია, რომელმაც მთელი ამ პერიოდის განმავლობაში ფანტასტიკური ფეხბურთი აჩვენა.

ფრანკმა უამრავი ტიტული მოიგო, ბევრი მნიშვნელოვანი გოლი გაიტანა, უამრავი საგოლე გადაცემა გააკეთა და გერმანული გრანდის ისტორიაში წარუშლელი კვალი დატოვა. 10 წელი დიდი დროა, მით უმეტეს, რიბერისთვის!

"რეკორდმაისტერის" პრესსამსახურმა ამ დღესასწაულისათვის რიბერისთან სპეციალური ინტერვიუ ჩაწერა, რომელშიც ფრანგმა კიდევ ერთხელ გაიხსენა "ბაიერნში" გატარებული ათწლეული.

ფრანკ, თქვენ დაპოსტეთ ვიდეო, რომელშიც თქვენი ოჯახი "ბაიერნში" გატარებული 10 წლის აღსანიშნავად ტორტს გჩუქნით.
"ეს მშვენიერი სიურპრიზი იყო! სახლში დავბრუნდი და არ ვიცოდი რა ხდებოდა. ძალიან ბედნიერი ვიყავი. ცოლი და შვილები ჩემი ცხოვრების მნიშვნელოვანი ნაწილია. ისინი ყოველთვის ჩემს გვერდით არიან, მაშინაც კი, როდესაც რაღაც კარგად ვერ მიდის."

აშკარაა, რომ მიუნხენში გატარებული 10 წლით ძალიან ამაყი ხართ.
"ჩემი ოჯახი აქ ძალიან ბედნიერია. მათ უყვართ ბავარია, უყვართ მიუნხენელი ხალხი. ათი წელი...ეს სიგიჟეა! როდესაც აქ ჩამოვედით, არ გვეგონა, რომ ამდენი ხანი დავრჩებოდით."

ამ 10 წლის განმავლობაში ბევრი რამ მოხდა. უკან რომ გაიხედოთ, პირველი რას გაიხსენებდით?
"2013 წელს ქალაქის ბალკონზე ტრებლის აღნიშვნას. მანამდე ჩემპიონთა ლიგის ორი ფინალი გვქონდა წაგებული, ამიტომ ძალიან მძიმე სიტუაციაში ვიყავით. თუმცა გამარჯვებამ უდიდესი ბედნიერება მოგვიტანა და ფანებთან ერთად დაუვიწყარი დღესასწაული მოვაწყეთ."

ამ პერიოდის განმავლობაში დიდ წარმატებებს მიაღწიეთ, მაგრამ აგრეთვე ძალიან ხშირად ხუმრობდით. ბევრი ოინი გაქვთ მოფიქრებული და რომელია თქვენი ფავორიტი?
"როდესაც ოლივერ კანს სახურავიდან წყალი გადავასხით თავზე. ეს ჩემი პირველი სეზონის დასასრული იყო."

არ გეშინოდათ ოლივერ კანის რეაქციის?
"როდესაც მიუნხენში "მარსელიდან" გადავიდე, ოლივერს უკვე ძალიან დიდ პატივს ვცემდი. იმ დროისათვის ის დიდი სახელი იყო, "ბაიერნის" ნამდვილი ლეგენდა. თუმცა ოლიც ხუმარაა, ძალიან მშვიდი და კარგი პიროვნებაა."

რომელიმე თანაგუნდელს თავად თქვენთვის თუ გაუკეთებია რაიმე ოინი?
"რამდენიმე მათგანს: დავიდ ალაბას, რაფინიას, დანიელ ვან ბუიტენს...ასეთი რაღაცეები გუნდური სულისკვეთებისათვის მხოლოდ დადებითია. ახლა ოინებს გაცილებით იშვიათად მივმართავ, მაგრამ როდესაც კარგ ხასიათზე ვიმყოფები, ეს გასახდელშიც და მოედანზეც იგრძნობა."

2007 წლის ზაფხულში "ბაიერნმა" ახალწვეულის რანგში წარგადგინათ. როგორი იყო თქვენი პირველადი შთაბეჭდილებები?
"თავიდანვე შევამჩნიე, რომ "ბაიერნი" სხვა დონეზე იყო. კლუბი კარგად არის ორგანიზებული და ჩემზე, ჩემს ოჯახზე კარგად იზრუნა. მიუხედავად იმისა, რომ გერმანული საერთოდ არ ვიცოდი და კომუნიკაცია მიჭირდა, თავიდანვე სახლში ვიგრძენი თავი."

რაოდენ მნიშვნელოვანი იყო გერმანულის შესწავლა?
"ძალიან მნიშვნელოვანი. ენის ცოდნა დიდი დახმარებაა. გერმანულად საუბარმა ყველაფერი გაამარტივა."

როგორ შეიცვალა "ბაიერნი" უკანასკნელი 10 წლის განმავლობაში?
"ჩემს სადებიუტო სეზონში ჩვენ არა ჩემპიონთა ლიგაზე, არამედ უეფას თასზე ვთამაშობდით. "ბაიერნი" მაშინაც დიდი კლუბი იყო, მაგრამ ახლა კიდევ უფრო დიდია. ძალიან მიხარია იმის გახსენება თუ რას მივაღწიეთ უკანასკნელი 10 წლის განმავლობაში. "ბაიერნის" მწვერვალზე ასვლაში საკუთარი წვლილი შევიტანე და ამავდროულად, კლუბმა ჩემს განვითარებაშიც დიდი როლი ითამაშა. ჩემი და "ბაიერნის" ურთიერთობა უბრალოდ განსაკუთრებულია!"

როდის მიხვდით, რომ ეს ურთიერთობა განსაკუთრებულია?
"ძალიან მალე - ორი თუ სამი თვის შემდეგ. ვფიქრობ, ჩემი და "ბაიერნის" კარგი შეწყობა მინდორზეც ჩანს."

თქვენ ქომაგების ფავორიტი მოთამაშეც გახდით
"ქომაგები ჩემთვის მნიშვნელოვანნი არიან. "ბაიერნი" დიდი ოჯახია, გულშემატკივარი კი მისი ნაწილია. მათ უხარიათ, როდესაც ჩვენ გვიხარია და ტირიან, როდესაც ჩვენ ვტირით. ისინი ჩვენთან ერთად ძალიან დიდ მანძილზე დადიან, ერთგულად გვამხნევებენ, ამიტომ მათთვის ავტოგრაფების მიცემა და მათთან ერთად ფოტოების გადაღება ძალიან სასიამოვნოა. ამის შემდეგ ისინი სახლში ბედნიერები მიდიან ისევე, როგორც ჩვენ."

კიდევ 7 მატჩი და თქვენ ჰასან სალიჰამიჯიჩს დაეწევით, რომელსაც ბუნდესლიგაში "ბაიერნის" ლეგიონერებს შორის ყველაზე მეტი მატჩი აქვს ჩატარებული. რას ნიშნავს ეს თქვენთვის?
"ძალიან მიხარია, რომ "ბაიერნის" მაისურით ამდენი თამაში ჩავატარე. თუმცა კიდევ მეტი შეხვედრის თამაში და მეტი ტიტულის მოგება მსურს. საოცარია, რომ ახლა გასახდელში ყველაზე ასაკოვანი მოთამაშე ვარ და ამავდროულად, კლუბის ისტორიაში ერთ-ერთი ყველაზე წარმატებულიც. ჩემი ოცნება ახდა!"

12 თამაში ბუნდესლიგაში და თქვენ ული ჰიონესსაც გადაასწრებთ...
"12! ახლავე უნდა ვუთხრა მწვრთნელს, რომ 12 მატჩის ჩატარება მჭირდება. შემდეგ კი ულისთან მივალ და ვეტყვი: "ბოდიში, ჩემო მეგობარო..." (იცინის.)

ახლა თქვენ ისეთი მოთამაშეების გვერდით მოგიხსენიებენ, როგორებიც ფრანც ბეკენბაუერი, ლოთარ მათეუსი, ფილიპ ლამი, ბასტიან შვაინშტაიგერი იყვნენ. რას ნიშნავს იყო "ბაიერნის" ლეგენდა?
"ეს ძალიან დიდ ბედნიერებას მანიჭებს, მით უმეტეს, რომ უცხოელი მოთამაშე ვარ. თუმცა აქ გატარებული დროის წყალობით უფრო მეტად გავხდი გერმანელი. ჩემი მენტალიტეტი და აგრეთვე ჩემი ოჯახი გერმანულია. აქ საკუთარი ფესვები ნამდვილად გავიდგით!"скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ფრანკ რიბერი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა