...

ბაიერნი აზიაში ოპტიმალური შემადგენლობით წავა

მიუნხენის "ბაიერნი" რამდენიმე დღეში "ერლანგენის" წინააღმდეგ მორიგ ამხანაგურ მატჩს ჩაატარებს, 15 ივლისს ტელეკომის თასზე იასპარეზებს, ხოლო 16 ივლისს აზიაში გაემგზავრება, სადაც აუდის ზაფხულის ტურს გამართავს ჩინეთსა და სინგაპურში. მიუნხენელები აზიის კონტინენტზე 12 დღე დარჩებიან.

კარლო ანჩელოტის აზიაში საკმაოდ ძლიერი შემადგენლობა მიჰყავს, რომელიც 18 კაციანია. "ბაიერნის" განაცხადში სამი მსოფლიო ჩემპიონი: მატს ჰუმელსი, ჟერომ ბოატენგი და თომას მიულერი მოხვდნენ. აგრეთვე ლეგენდარული ფრანკ რიბერი და არიენ რობენი, რობერტ ლევანდოვსკი. შემადგენლობას 19 წლამდელთა გუნდის რამდენიმე წევრიც დაემატება.

მანუელ ნოიერი მიუნხენში დარჩება და რეაბილიტაციის პროცესს გააგრძელებს. 31 წლის გერმანელი აპრილიდან მოყოლებული ლაზარეთშია და ახლა ინდივიდუალური პროგრამით ვარჯიშობს, რათა მოედანზე რაც შეიძლება მალე დაბრუნდეს. მანუ ზებენერ შტრასზე დარჩება და დარბაზში ივარჯიშებს ხოლმე.

"ყველაფერი გეგმის მიხედვით მიდის. სეზონის პირველი თამაშისთვის, ლევერკუზენის "ბაიერის" წინააღმდეგ, მზად ვიქნები. ამისათვის ყოველდღიურად ძალიან ბევრს ვიმუშავებ", - აღნიშნა მტკიცედ ნოიერმა.

გარდა ამისა "ბაიერნი" თვის ბოლომდე დაასვენებს კონფედერაციის თასის გამარჯვებულებს (იოზუა კიმიხს, ნიკოლას ზიულესა და სებასტიან რუდის, აგრეთვე ფინალისტ არტურო ვიდალს) და ევროპის 21 წლამდელთა ჩემპიონ სერჟ გნაბრის.

სარეზერვო გოლკიპერი სვენ ულრაიხიც მიუნხენში დარჩება, რადგან მასაც ჯანმრთელობის პრობლემები აქვს და გამოჯანმრთელების პროცესს გადის. ეს კი იმას ნიშნავს, რომ "ბაიერნს" ტესტ-მატჩებში კვლავ ვეტერანი ტომ შტარკე დაეხმარება, რომელმაც პროფესიონალური კარიერა ზაფხულში დაასრულა.

"ბაიერნის" შემადგენლობა აუდის აზიური საზაფხული ტურისთვის ასე გამოიყურება:

მეკარეები: ტომ შტარკე, კრისტიან ფრიუხტლი.

მცველები: რაფინია, ხავი მარტინესი, მატს ჰუმელსი, მარკო ფრაიდლი, ჟერომ ბოატენგი, დავიდ ალაბა, ხუან ბერნატი.

ნახევარმცველები: ტიაგო ალკანტარა, რენატუ სანჩეში, კორენტინ ტოლისო, კინგსლი კომანი, დუგლას კოშტა, თომას მიულერი, ფრანკ რიბერი, არიენ რობენი.

თავდამსხმელი: რობერტ ლევანდოვსკი.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა