...

"გამარჯვება! გამარჯვება! გამარჯვება!" - რიბერის ინტერვიუს მეორე ნაწილი

მიუნხენური კლუბის ოფიციალურმა ვებ-გვერდმა 34 წლის ლეგენდარული ფრანგი ვინგერის, ფრანკ რიბერის, ინტერვიუს მეორე ნაწილი გაავრცელა, რომელშიც ფრანკიმ უფრო სამომავლო გეგმებზე ისაუბრა.

მოგეხსენებათ ფრანკ რიბერი "რეკორდმაისტერში" გატარებული 10 წლის თავს აღნიშნავს და ზაფხულიდან "ბაიერნის" მაისურით მეათე სეზონს დაიწყებს, რაც ფენომენალური მაჩვენებელია.

ფრანკ, როგორი იყო ვარჯიშის პირველი დღეეები ხანგრძლივი პაუზის შემდეგ?
"კარგი და ჯერ კიდევ ბევრი ფეხბურთელი არ დაბრუნებულა. თუმცა "ბაიერნის" ახალგაზრდა მოთამაშეებიც საკმაოდ კარგად ირჯებიან. მათ კარგი სათამაშო კლასი აქვთ. ჩინეთის ტურის შემდეგ ჩვენ უკვე ყველანი ერთად ვიქნებით და სეზონის პირველი თამაშისათვის მზადებას უფრო სრულყოფილად დავიწყებთ."

როგორი იქნება "ბაიერნი" გასახდელსა და მოედანზე ფილიპ ლამისა და ხაბი ალონსოს გარეშე?
"სიმართლე გითხრათ, მათი არყოფნა ჯერ არ გვიგვძვრნია, რადგან გუნდთან ერთად სხვებიც არ არიან. თუმცა დარწმუნებული ვარ როდესაც ყველა დაბრუნდება ჩვენ ხშირად ვიკითხავთ: სად არის ფილიპი? სად არის ხაბი?"

"ბაიერნში" პირველი ვარჯიშის დროს თქვენ აღნიშნეთ, რომ "ფეხბურთი ჩემთვის სიამოვნებაა და არა ბედი." რას იტყვით ახლა, 10 წლის შემდეგ?
"ახლა მართლაც, რომ განსხვავებული ვარ. მე 34 წლის ვარ და ჩემი სხუელი შეიცვალა. მოთელვებსა და მასაჟებს არ ვიყავი მიჩვეული, მაგრამ ახლა ეს ყოველი ვარჯიშის შემდეგ მჭირდება. აგრეთვე, მუშაობის დაწყებამდე 20 წუთი აუცილებლად ვხურდები. ჩემი სხეული ამაზე არის დამოკიდებული, ამიტომ სხვა გზა არ მაქვს."

როდესაც მიუნხენში მოხვედით, ვილი სანიოლი ჯერ კიდევ თამაშობდა. ახლა ვილი დაბრუნდა, როგორც მთავარი მწვრთნელის ასისტენტი. როგორი იყო შეხვედრა ამხელა პაუზის შემდეგ?
"მშვენიერი. ვილის კარგი გამოცდილება აქვს, "ბაიერნს" ჩინებულად იცნობს და რაც მთავარია, ფეხბურთი ძალიან კარგად ესმის. მიხარია, რომ ის დაბრუნდა."

მომდევნო ორშაბათიდან "ბაიერნში" ფრანგული კლანი გაიზრდება, როდესაც გუნდს კორენტინ ტოლისო შეუერთდება. რას გვეტყოდით მის შესახებ?
"მას ჯერ არ ვიცნობ, საუბარი არ გვქონია. თუმცა ვიცი, რომ ის კარგი მოთამაშეა. კორენტინი ჯერ კიდევ ახალგაზრდაა, ახლა კი კარიერაში საკმაოდ დიდი ნაბიჯი გადადგა. ვეცდები, რომ მიუნხენში ფეხის მოკიდება გავუადვილო."

რა ელის მას "ბაიერნში?"
"განსაკუთრებული მენტალიტეტი, განსხვავებული საფრანგეთისგან. მან ეს ყველაფერი სწრაფად უნდა აითვისოს. აგრეთვე, გუნდსაც სწრაფად უნდა მოერგოს და მინდორზე საკუთარი შესაძლებლობები დაამტკიცოს."

რატომ არის "ბაიერნის" მენტალიტეტი ასეთი განსაკუთრებული?
"როდესაც "ბაიერნში" მოდიხარ, უნდა გესმოდეს, რომ აქ მხოლოდ გამარჯვებას მოგთხოვენ. ყოველთვის კონცენტრირებული უნდა იყო, ქომაგებისათვისა და კლუბისათვის ყოველთვის მაქსიმუმი უნდა გააკეთო, ყველაფერი გაიღო! მხოლოდ ერთ რამეზე უნდა იფიქრო: გამარჯვება! გამარჯვება! გამარჯვება! ყოველ თამაშში! როდესაც შუაკვირას თამაშს იგებ, ეს უნდა დაივიწყო, რადგან შაბათს მორიგი შეხვედრა უნდა მოიგო."

თქვენ "ბაიერნთან" ერთად ყველაფერი მოიგეთ და ევროპის წლის საუკეთესო ფეხბურთელადაც დასახელდით. კიდევ რა ამბიცია გაქვთ?
"უბრალოდ მინდა, რომ მინდორზე ყოფნით სიამოვნება მივიღო. მინდა, რომ კარგი სეზონი ჩავატარო და ბუნდესლიგისა და გერმანიის თასის ტიტულები კვლავ მოვიგო. ჩემპიონთა ლიგის მეორედ მოგება კი ნამდვილი ოცნებაა."

საიდან გაქვთ წარმატების მიღწევის ამოუწურავი სურვილი?
"ეს ჩემს ბუნებაშია. ყოველთვის მოწყურებული ვარ. როდესაც ვარჯიშსა ან მოედანზე ვარ, ყოველთვის მოგება მინდა. არასოდეს ვიტყვი, რომ ბუნდესლიგა 7-ჯერ მოვიგე, გერმანიის თასი 5-ჯერ მოვიგე და ახლა უკვე არაფერს აქვს მნიშვნელობა. არა, არ მინდა ვიგრძნო, რომ სადმე 100%-თ არ დავიხარჯე."

შეგიძლიათ, რომ ამ სეზონში გერმანიის ჩემპიონის ტიტული მერვედ მოიპოვოთ და ოლივერ კანის, ფილიპ ლამის, ბასტიან შვაინშტაიგერის, მეჰმეტ შოლის რეკორდი გაიმეოროთ.
(იცინის)"ეს მშვენიერი იქნება და ამ წარმატებას აუცილებლად უნდა მივაღწიო."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ფრანკ რიბერი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა