...

ბაიერნმა ერლანგენ-ბრიუკს 9 გოლი გაუტანა

მიუნხენის "ბაიერნმა" ზაფხულის მეორე-ტესტ მატჩი კიდევ უფრო სანახაობრივად ჩაატარა "ერლანგენ-ბრიუკი" 9:1 გააცამტვერა.

კარლო ანჩელოტიმ სასტარტო შემადგენლობაში რამდენიმე ცვლილება განახორციელა. დაცვის ხაზში ცნობილი სახეები: ხავი მარტინესი და ხუან ბერნატი გამოჩნდნენ. ახალგაზრდა მარკო ფრაიდლმა ცენტრში აიწია და მილოშ პანტოვიჩს შეუწყვილდა. მარჯვენა ფრთაზე კი იტალიელმა სპეციალისტმა კვლავ ტიურკალეზი გაამწესა. შეტევითი ხაზიც უცვლელი დარჩა, უბრალოდ ცენტრალური ფორვარდის პოზიციაზე 16 წლის კამერუნელი ფრანკ ევინა გამოჩნდა, რომელმაც ვინტცჰაიმერი შეცვალა.

"ბაიერნმა" ისევ აქტიურად დაიწყო და პირველი მომენტი უკვე მე-7 წუთზე შექმნა. კუთხურის გათამაშების შემდეგ საჯარიმოში პანტოვიჩმა ჩააწოდა კარგად, სადაც ევინამ მკერდით მიიღო ბურთი და ვარდნაში დაარტყა, მაგრამ მასპინძელთა გოლკიპერმა იყოჩაღა. მალევე ხუან ბერნატის იდეალური ჩაწოდების შემდეგ თავით მარტინესმა დაარტყა და ბურთი კარს ძალიან ცოტათი ასცდა. საბოლოოდ "ბაიერნმა" თავისას მაინც მიაღწია, როდესაც თომას მიულერმა ბურთი მეტოქეს მოპარა და ცარიელ კართან ევინას დაუგორა, რომელმაც ანგარიში გახსნა. აფრიკელ თავდამსხმელს მარტინესის მშვენიერი პასის შემდეგ დუბლის გაფორმებაც შეეძლო, მაგრამ მას ისევ "ერლანგენ-ბრიუკის" მეკარემ აჯობა.


თუმცა "რეკორდმაისტერმა" მეორე ბურთი მალევე გაიტანა. ტილმანმა საჯარიმოში ჩააწოდა, მარტინესმა თავით დაარტყა და მეკარემ აიღო. თუმცა ბურთი ვერ შეიმაგრა და დამატებაზე ევინა წავიდა, რომელსაც მცველმა დაასწრო, ამასობაში მარტინესმა ბურთი მოიპარა და საბოლოოდ შედეგიანი დარტყმა ფრაიდლმა განახორციელა - 2:0. რამდენიმე წუთში ტილმანმა საჯარიმოდან ბურთი კარგად ჩააგდო საჯარიმოში, ევინა ახტა და თავით დუბლი გაიფორმა. მოგვიანებით იმავე ტილმანმა კომანს საჯარიმოში ფანტასტიკური პასი გაუკეთა და 21 წლის ფრაგნმაც მომენტი გამოიყენა - 4:0! ტაიმის მიწურულს კინგსლიმ მეორე გოლიც შეაგდო. მასპინძლების მორიგ შეცდომას მიულერის ზუსტი პასი და კომანის ზუსტი დარტყმა მოჰყვა საჯარიმოს გარედან.

დარჩენილ დროში ფრანკ ევინას ჰეთ-თრიქის გაფორმებაც შეეძლო. მიულერმა ახალგაზრდა აფრიკელს მშვენიერი პასი გაუკეთა, ევინამაც გაისწორა, მაგრამ დარტყმის დროს მეკარემ დაასწრო.

მეორე ტაიმის დებიუტში მიულერის პასით ევინა კარგ პოზიციაზე აღმოჩნდა, მაგრამ ფეხი დაუცდა და ბურთი კარს გადააცილა. რამდენიმე წუთში მიუნხენელებმა კარგი კომბინაცია გაითამაშეს, რომელიც მიულერის პასით და მიხაელ შტაინის გოლით დაგვირგვინდა - 0:6. მე-60 წუთისთვის ანჩელოტიმ ყველა წამყვანი მოთამაშე დაასვენა და მოედანი სრულიად ახალგაზრდებს დაუთმო. თამაშში კარგად ჩაერთო 18 წლის მარცხენა მცველი დერიკ კიონი, რომლის სოლორეიდისა და პასის შემდეგ თავი მარკო ჰინგერლმა გამოიჩინა. მოგვიანებით ვინტცჰაიმერის დარტყმულს რაფაელ ობერმაიერმა დაამატა და ანგარიში 8:0 გახადა. ამის შემდეგ ერთი გოლი "ერლანგენის" მოთამაშეებმაც გაქვითეს, ბოლო სიტყვა კი ჰინგერლმა თქვა, რომელიც მეკარესთან პირისპირ დარჩა და დუბლი გაიფორმა.

აღსანიშნავია, რომ მინდორზე მთელი 90 წუთი დაჰყო მარკო ფრაიდლმა და 16 წლის შემტევმა, ფრანკ ევინამ. ევინამ კვლავ კარგი შთაბეჭდილება დატოვა ისევე, როგორც პანტოვიჩმა, ტიურკალეზიმ და ტიმოტი ტილმანმა, რომელიც პირველი ამხანაგური თამაშისგან განსხვავებით, საკმაოდ აქტიური და ნაყოფიერი იყო. მეორე ნაკადიდან კი საკმაოდ ნიჭიერი ნიკოლას ტარნატი, ობერმაიერი, ჰინგერლი და დერიკ ჰიონი გამოირჩეოდნენ. ვინტცჰაიმერმაც კარგად იმუშავა და საბოლოო ჯამში შეიძლება ითქვას, რომ "ბაიერნის" ახალგაზრდა ტალანტებმა კარლო ანჩელოტისათვის თავის მოსაწონებლად ბევრი რამ გააკეთეს. ვნახოთ მიეცემათ თუ არა მათ შანსი უკვე მოგვიანებით, ტელეკომის თასზე, რომელიც 15 ივლისს ანუ მომდევნო შაბათს გაიმართება. ნახევარფინალში "ბაიერნი" "ჰოფენჰაიმს" დაუპირისპირდება.

ბაიერნის შემადგენლობა: შტარკე (46. ჰოფმანი) - ტიურკალეზი (60. ობერმაიერი), მარტინესი (60. ფაინი), ჰუმელსი (46. მაი), ბერნატი (46. კიონი) - პანტოვიჩი (46. ტარნატი), ფრაიდლი - კომანი (60. ჰინგერლი), მიულერი (60. ვინტცჰაიმერი), ტილმანი (46. შტაინი) - ევინა.скачать dle 11.1смотреть фильмы бесплатно

თუ გსურთ, ყოველდღიურად მიიღოთ მაღალი ალბათობის სპორტული პროგნოზები, გამოიწერეთ ჩვენი სერვისი.

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა