...

ბაიერნმა ტოლისო წარადგინა

დღეს ნაშუადღევს "ალიანს არენაზე" საგანგებო პრესკონფერენცია გაიმართა და მიუნხენის "ბაიერნმა" 22 წლის ფრანგი ცენტრალური ნახევარმცველი კორენტინ ტოლისო ოფიციალურად წარადგინა.

ტოლისო "რეკორდმაისტერმა" ლიონის "ოლიმპიკიდან" დაახლოებით 37 მილიონ ევროდ შეიძინა და მასთან 5 წლიანი კონტრაქტი გააფორმა. კორენტინი დღეს პირველად წარსდგა პრესისა და ქომაგების წინაშე წითელი მაისურით.

ტოლისო მიუნხენურ გრანდში 24 ნომრიანი მაისურით იასპარეზებს. მან ჟურნალისტების რამდენიმე კითხვას უპასუხა და როგორც გაირკვა, კორენტინი "ბაიერნს" ბავშვობიდან ქომაგობს.


მიუნხენურ კლუბში გადასვლაზე: "ბაიერნი მსოფლიოში ერთ-ერთი საუკეთესო კლუბია, რომელიც იდეალურად შემეფერება. ვფიქრობ, აქ თავის კარგად წარმოჩენა შემიძლია."

თავის ხასიათზე: "საკმაოდ კეთილშობილი პიროვნება ვარ, მით უმეტეს მაშინ, როდესაც კარგ ხასიათზე ვიმყოფები. მუშაობა ძალიან მიყვარს და იმედი მაქვს, თქვენ ყველანი მალე გამიცნობთ უკეთესად."

გერმანულად საუბარზე: "რამდენიმე სიტყვა ვიცი: მე, მადლობა, გამარჯობა." (იცინის). მინდა, რომ გერმანული ძალიან სწრაფად ვისწავლო. მოტივირებული ვარ, რადგან ვიცი, რომ ეს მნიშვნელოვანი ფაქტორია."

თავის საყვარელ პოზიციაზე: "საუკეთესოდ თავს 6-იანის ან 8-იანის პოზიციაზე ვგრძნობ, მათ შორის სხვაობა დიდი არ არის. თუმცა რვიანის როლში უფრო მეტ დროს წინ ვატარებ. თუმცა მე იქ ვითამაშებ, სადაც მწვრთნელი ჩათვლის საჭიროდ."

ბავშვობაში "ბაიერნის" მაისურით გადაღებულ ფოტოზე: "ეს ფოტო ეზოში გადავიღე, როდესაც ძალიან პატარა ვიყავი. მაისურზე მოთამაშის სახელი არ იყო დატანილი. ფორმა მამაჩემმა მაჩუქა, რადგან იცოდა, რომ ამ კლუბს კარგად შევეწყობოდი. თუმცა არ მახსოვს რამდენი წლის ვიყავი მაშინ."


ვილი სანიოლთან, ფრანკ რიბერისთან და კინგსლი კომანთან ურთიერთობაზე: "ვილი სანიოლს ტელეფონზე ვესაუბრე და მან კლუბის, ქალაქის შესახებ მომიყვა. აგრეთვე მთავარ მწვრთნელზე, რომელზეც ბევრი კარგი რამ მითხრა. ანჩელოტი ფრანგულად კარგად ლაპარაკობს, რაც რა თქმა უნდა, ძალიან დამეხმარება. კომანსა და რიბერისაც ვიცნობ. ის ფაქტი, რომ ფრანკი "ბაიერნში" ამდენი ხანი გაჩერდა, კლუბის დიდებაზეც მეტყველებს."

მაღალ სატრანსფერო ღირებულებაზე: "ეს ჩემთვის კარგი ზეწოლაა. ვეცდები, რომ მოლოდინი სრულიად გავამართლო. მინდა ყველას დავუმტკიცო, რომ ეს თანხა უაზროდ გადაყრილი არ ყოფილა."

თავის ზედმეტსახელზე ("ჯიბის დანა"): "ის მომწონდა, მაგრამ თავად არასოდეს მქონია ჯიბის დანა. მე ცენტრალური ნახევარმცველი ვარ, მაგრამ სხვა ამპლუაშიც მაქვს ნათამაშები. ზედმეტსახელიც აქედან მოდის."

პირად გეგმებზე: "ახლა სასტუმროში ვარ დაბინავებული, მაგრამ სახლს ვეძებ. ჩემთვის მნიშვნელოვანია, რომ მიუნხენში თავი სწრაფად დავიმკვიდრო. პირად ცხოვრებაზე საუბარი კი არ მიყვარს."

ადრეული ასაკიდან "ბაიერნისადმი" სიმპატიაზე: "ბაიერნი" ბევრი ახალგაზრდა ბიჭუნასთვის საოცნებო კლუბია. 15 წლის წინ "ბაიერნს" ძალიან წარმატებული პერიოდი ჰქონდა. მამაჩემი ფეხბურთის დიდი გულშემატკივარი იყო და მიუნხენელების ბევრ თამაშს უყურებდა. ეს სიყვარულიც აქედან მოდის."

კონკურენციაზე: "რა თქმა უნდა, თამაში მინდა და ეს ნორმალურია. თუმცა სხვებსაც სურთ რეგულარულად მინდორზე გასვლა. კონკურენცია საკმაოდ დაძაბულია, მაგრამ ესეც სავსებით ლოგიკურია. მე მზად ვარ ყველაფერი გავაკეთო იმისათვის, რომ ვითამაშო."

скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
კორენტინ ტოლისო რუმენიგე
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა