...

"გნაბრის წასვლა ურჩვენია" - რუმენიგეს ინტერვიუ

მიუნხენური გრანდის აღმასრულებელმა დირექტორმა, კარლ-ჰაინც რუმენიგემ, კორენტინ ტოლისოს პრეზენტაციაზე ჟურნალისტებთან ღიად ისაუბრა და რამდენიმე აქტუალურ თემას შეეხო.

გთავაზობთ ლეგენდარული გერმანელის ინტერვიუს და თემებს, რაზეც კალემ დღეს ისაუბრა.

დუგლას კოშტას ტრანსფერზე: "ამ მომენტისათვის ტურინის "იუვენტუსთან" ვაწარმოებთ მოლაპარაკებებს, მაგრამ მისი ტრანსფერისთვის ჯერ არ ვართ მზად. მოლაპარაკების პროცესი პოზიტიურად მიმდინარეობს, უბრალოდ შეთანხმებისთვის ჯერ არ მიგვიღწევია. მოთამაშემ თავისი წასვლის სურვილი უკვე გაგვიზიარა და ჩვენც ამის შესაბამისად ვიქცევით. თუმცა ჯერ უნდა გავაანალიზოთ გვიღირს თუ არა მისი გაშვება."

სამომავლო სატრანსფერო გეგმებზე: "სატრანსფერო ფანჯარა კიდევ 6 კვირის განმავლობაში იქნება ღია. ჩვენ ბოლო დღემდე ვიმუშავებთ და ვეცდებით შემადგენლობის გაძლიერებას. მაგალითად, 2014 წელს, ხავი მარტინესის მოულოდნელი ტრავმის გამო, სწრაფად მოვახდინეთ რეაგირება და ხაბი ალონსო მოვიყვანეთ. თუმცა მინდა გაიგოთ, რომ ჩვენს გეგმებზე ვერ ვისაუბრებ. ჭორებზე კომენტარის გაკეთება კი ნამდვილად არ მსურს."

სერჟ გნაბრიზე: "უკვე ცნობილია, რომ სერჟს ურჩევნია ერთი წლით სხვაგან იჯარის წესით იასპარეზოს. ის გასანათხოვრებლად მზად არის, მაგრამ სიტუაცია ჯერ კიდევ დაულაგებელია, ამიტომ წინასწარ ვერავერს ვიტყვით."

რენატუ სანჩეშზე: "მას კარგი პირველი წელი არ ჰქონია. ახლა მნიშვნელოვანია, რომ მან მუშაობა და ბრძოლა გააგრძელოს. ვფიქრობ, სადებიუტო სეზონში ორივე მხარემ დააკლო. თუმცა ახალ სეზონში რენატუ აუცილებლად მიიღებს იმ წუთებს, რომლებიც სჭირდება და დანარჩენი მხოლოდ მასზე იქნება დამოკიდებული."

კინგსლი კომანზე: "მან საკუთარი შესაძლებლობები გასულ სეზონში ვერ დაამტკიცა. თუმცა ჩვენ გვჯერა, რომ ის ძალიან კარგი მოთამაშეა, წინააღმდეგ შემთხვევაში, კინგსლის კონტრაქტს არ გამოვისყიდიდით. მისი გვჯერა."

აზიურ ტურნეზე: "სპორტული და ეკომონიკური სიტუაციები ერთმანეთში არ უნდა აგვერიოს. ჩვენ გლობალიზაციის სტრატეგია გვაქვს, გვინდა, რომ ჩვენი კლუბი ფანებსა და პარტნიორებს მთელი მსოფლიოს მასშტაბით გავაცნოთ. არც სპორტული მხარეა ძალიან ცუდი, რადგან ძლიერი საერთაშორისო გუნდების წინააღმდეგ ვიასპარეზებთ. ახალ მოთამაშეებს მოგზაურობის პერიოდში გუნდში უკეთესად ინტეგრირების შესაძლებლობა ექნებათ. ეს ტურნე სპორტული თვალსაზრისითაც მიმზიდველია. ბიჭებს ექნებათ შანსი, რომ დღეში ორჯერაც კი ივარჯიშონ. ორგანიზაცია კი საკმაოდ მაღალ დონეზეა. მადრიდის "რეალმა" გასულ წელს აზიაში იმოგზაურა და სამ კვირაში სეზონი ჩინებულად დაიწყო. აზიიდან დაბრუნების შემდეგ ბუნდესლიგის დაწყებამდე ჩვენც 3 კვირა გვექნება."

არტურო ვიდალზე: "მას ორწლიანი კონტრაქტი აკავშირებს ჩვენთან. თუ მაინცდამაინც რაიმე გაღელვებთ, მაშინ სეზონის ბოლო თვეებს დაელოდეთ."

რობერტ ლევანდოვსკის ირგვლივ ატეხილ აჟიოტაჟზე: "მის ერთ-ერთ წარმომადგენელ მარკო ბარტელთან მქონდა კონტაქტი და ვკითხე თუ რა იყო პრობლემა. შესაძლოა ბუნდესლიგის ბოლო მატჩში "ფრაიბურგთან" რობერტს მართლაც არ ჰქონდა საკმარისი მხარდაჭერა. მჯერა, რომ თანაგუნდელები ცდილობდნენ დახმარებას, მაგრამ უბრალოდ არ გამოუვიდათ. თუმცა ვფიქრობ ეს არ არის პრობლემა. კარლო ანჩელოტიმ პირადად მითხრა, რომ გუნდს ლევანდოვსკის ბომბარდირობის თაობაზე ესაუბრე, უბრალოდ იმ დღეს ობამეიანგმა ორი გოლი გაიტანა, რობერტმა კი - ვერცერთი. არაუშავს."

ლეონ გორეცკაზე: "სერიოზულად არაფერი მაქვს სათქმელი. მას თავის კლუბთან კონტრაქტი აკავშირებს, ამიტომ ბევრს არ ვილაპარაკებ. მოთამაშემ თავად უნდა გადაწყვიტოს თუ რა სურს. ის "შალკეს" ფეხბურთელია და გადაწყვიტა, რომ იქ კიდევ 1 წელიწადი დარჩეს."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
რუმენიგე
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა