ESPN დე ლიგტი ბარსელონას უახლოვდება

მიუნხენური გრანდი ამსტერდამის "აიაქსისა" და ჰოლანდიის ეროვნული ნაკრების ცენტრალური მცველის, მატიის დე ლიგტის, გადაბირების შანსს კარგავს.

ცნობილი ამერიკული გამოცემა "ESPN" იტყობინება, რომ 19 წლის ჰოლანდიელი სუპერ-ტალანტისთვის ბრძოლაში ფავორიტი კატალონიის "ბარსელონაა".

ესპანური კლუბის ხელმძღვანელობა აქტიურ მოლაპარაკებებს აწარმოებს და დე ლიგტის ტრანსფერთან ახლოსაა.

მატიის დე ლიგტით მიუნხენის "ბაიერნი" სერიოზულად არის დაინტერესებული, მაგრამ თავად ჰოლანდიელს "ბარსელონასკენ" მიუწევს გული.