ბოატენგი: "პირველი შეხვედრის დროს ფლიკი მოვიდა და ეს მითხრა"

მიუნხენის "ბაიერნის" ცენტრალურმა მცველმა, ჟერომ ბოატენგმა საინტერესო განცხადება გააკეთა.

"მე მთლიანად ფოკუსირებული ვარ გასულ სეზონში მოგებული 5 ტიტულის შენარჩუნებაზე. როდესაც დრო მოვა, სიამაყით გავიხსენებ ამ პერიოდსა და მიღწევებს."

"თავს ძალიან კარგად ვგრძნობ და ვფიქრობ, რომ ჯერ კიდევ ვინარჩუნებ მაღალ ფორმას. ამაში ყველაზე დიდი წვლილი, რა თქმა უნდა, ჰანს ფლიკსა და ჩემს თანაგუნდელებს მიუძღვით, რომლებიც გვერდში მიდგანან."

"პრესაში წავიკითხე რომ თითქოს კონტრაქტს არ ვახანგრძლივებ და წასვლა გადაწყვეტილი მაქვს და ამან ძალიან გამაკვირვა, რადგან მტკნარი სიცრუეა. თუმცა, ახლა ამ თემაზე ნაკლებად ვფიქრობ."

"დავიდზე მხოლოდ ერთი რამის თქმა შემიძლია. ის დიდებული ადამიანი და პიროვნებაა და როგორც პრესაში ახასიათებენ, თითქოს ის ფულზე დახარბებულია, ეს არ შეესაბამება სიმართლეს."

"ფლიკთან პირველი შეხვედრის დროს მან მითხრა: "ჟერომ, ვიცი რისი გაკეთება შეგიძლია. მთავარია ფორმაში ჩადგე." დეკემბერში მან მითხრა, რომ ჩემი გადასაწყვეტი იყო წასვლა-დარჩენის საკითხი, მაგრამ, მას ჩემი შენარჩუნება გაახარებდა."

"ჰანს ფლიკმა ჩემში დაინახა, რომ ჯერ კიდევ შემეძლო მაღალ დონეზე თამაში და ამან თავდაჯერება შემმატა. სულ ეს იყო რაც მჭირდებოდა."

"გერმანიის ნაკრებზე ჩემი პოზიცია არაერთხელ დამიფიქსირებია და ნაკრების პოზიციაც ნათელია. მწვრთნელის სურვილის შემთხვევაში მე არ გამოვრიცხავ დაბრუნებას, თუმცა, მთავარია შესაბამის ფორმაში ვიყო." - აცხადებს ბოატენგი.