ფლიკი: "ხვალ 1/8 ფინალის საგზურის განაღდებას ვეცდებით"

მიუნხენის "ბაიერნის" მთავარმა მწვრთნელმა, ჰანს ფლიკმა "ზალცბურგთან" მატჩამდე პრესკონფერენციაზე ისაუბრა.

"ხვალ ჩვენი მიზანი გამარჯვება და 1/8 ფინალში ადგილის განაღდება იქნება, თუმცა, ვიცით რომ მარტივი არ იქნება. "ზალცბურგმა" გასულ მატჩშიც გვაჩვენა რომ შეუძლია პრობლემების შექმნა."

"იმედი მაქვს ხვალ ლუკას ერნანდესი შეძლებს ჩვენს დახმარებას, თუნდაც, სათადარიგო სკამიდან. ბუნა სარი და კორენტინ ტოლისო კი არ გვეყოლებიან."

"ყოველთვის მნიშვნელოვანია მეტოქე წნეხის ქვეშ გყავდეს და შეტევის საშუალება არ მისცე. ხავი მარტინესისა და მარკ როკას სახით ჩვენ კარგი შემცვლელები გვყავს საყრდენ ზონაში."

"ნიკლასმა 8 დღე კარანტინში გაატარა და ამის შემდეგ განაახლა ვარჯიში. ის "ვერდერთან" სათამაშოდ სრულად მზად არ იყო და არ გავრისკე." - აცხადებს ფლიკი.