...

მარტინესი: "ხამესს ინტეგრირებაში ვეხმარები"

მიუნხენის "ბაიერნის" უკანა ხაზელმა, ხავი მარტინესმა, მიუნხენურ გამოცემა "TZ-Online-თან" მოკლე ინტერვიუ ჩაწერა.

28 წლის ესპანელმა აზიური ტურნე შეაფასა, გაიხსენა ლეგენდარული იუპ ჰაინკესი და აგრეთვე ხამეს როდრიგესთან ახლო ურთიერთობაზეც ისაუბრა.

მისტერ მარტინეს, "ბაიერნმა" აზიის ტურზე შანხაი და შენჟენი უკვე უკან მოიტოვა. როგორ მოგეწონათ ჩინეთი?

"თავს ძალიან კომფორტულად ვგრძნობთ. ეს კარგი ადგილია სავარჯიშოდ. შესაძლოა ამინდი ცოტათი თბილია, მაგრამ კონდინციები იდეალურია. ფანების საქციელი კი ნამდვილი სიგიჟეა. ჩინეთით ძალიან კმაყოფილები ვართ."

კარლ-ჰაინც რუმენიგემ კარლო ანჩელოტი იუპ ჰაინკესს შეადარა და აღნიშნა, რომ იტალიელი უფრო მკაცრი და მომთხოვნი გახდა. მართლაც არიან ისინი ერთმანეთის მსგავსი?

"დიახ, პარალელების გავლება მართლაც შესაძლებელია. მათ ერთმანეთის მსგავსი მიდგომა და საფეხბურთო ფილოსოფია აქვთ."

და ადამიანური თვალსაზრისით?

"იუპი უფრო ხშირად ბრაზობდა, ვიდრე კარლო (იცინის). სერიოზულად კი შემიძლია გითხრათ, რომ ორივე მშვიდი, გაწონასწორებული მწვრთნელია. ისინი ისე გექცევიან, რომ თითქოს შენი მშობლები არიან. ეს კი მოთამაშეებისთვის დიდებულია. ჩვენ თავს ისე ვგრძნობთ, როგორც ნამდვილი ოჯახი."

თქვენ ჰაინკესის ერთ-ერთი სასურველი მოთამაშე იყავით. გაქვთ მასთან რაიმე განსაკუთრებული ურთიერთობა?

დიახ, რა თქმა უნდა. 2012 წელს მან გააკეთა ყველაფერი იმისათვის, რომ ბილბაოს "ატლეტიკიდან" მიუნხენში აღმოვჩენილიყავი. სამუდამოდ მისი მადლობელი ვიქნები. რომ არა ის, აქ არ ვიქნებოდი. მადლობა, იუპ!"

ხამეს როდრიგესმა 1 კვირის წინ "ბაიერნის" მაისურით თავისი სადებიუტო მატჩი ჩაატარა. როგორ ეხმარებით მას ინტეგრირებაში?

"ის გერმანულად არ საუბრობს, მისი ინგლისური კი არც ისე კარგია. ჩვენ ესპანურად ვსაუბრობთ და ამიტომაც მას ვეხმარები. მახსოვს, როდესაც აქ მოვედი, ერთი სიტყვაც კი არ მესმოდა და კლაუდიო პისარო ძალიან დამეხმარა. ახლა იგივეს ვაკეთებ ხამესთან."

როდის შეხვდით მას?

"მის წინააღმდეგ მაქვს ნათამაშები და მადრიდში ვნახე რამდენიმეჯერ. ის მოთამაშეებთან კარგ ურთიერთობას ამყარებს."

რას იტყოდით ხამესის შესაძლებლობებზე მინდორზე?

"ხამესი მსოფლიოში ერთ-ერთი საუკეთესო მოთამაშეა! ის ბურთთან ერთად ბრწყინვალედ თამაშობს. შეგვიძლია ვიამაყოთ, რომ ხამესი ახლა ჩვენს ღირსებას იცავს."

მან მადრიდის "რეალთან" ერთად ბოლო 4 წელიწადში 3 ჩემპიონთა ლიგის ტიტული მოიგო. "სამეფო კლუბი" "ბაიერნზე" ერთი თავით მაღლა დგას?

"რეალი" და "ბარსელონა" ყოველთვის მწერვალზე, უმაღლეს დონეზე არიან. ისინი მომდევნო სეზონშიც ფავორიტთა შორის იქნებიან. თუმცა ამაზე საუბარი ჯერ კიდევ ნაადრევია. ჩვენ ახლა მოსამზადებელ ეტაპზე ვართ და გერმანიის სუპერთასის მატჩზე ვფიქრობთ."

თქვენ გასულ წელს მამა გახდით. როგორ შეცვალა თქვენი ცხოვრება ლუკამ?

"ეს უბრალოდ დიდებულია. ლუკა ჩემს ცხოვრებაში საუკეთესო პიროვნებაა. მისი მიუნხენში დატოვება და ჩინეთში გამგზავრება ჩემთვის ძალიან რთული იყო. ის უკვე ძალიან მენატრება და სახლში ყოველდღე ვრეკავ."скачать dle 11.1смотреть фильмы бесплатно

თუ გსურთ, ყოველდღიურად მიიღოთ მაღალი ალბათობის სპორტული პროგნოზები, გამოიწერეთ ჩვენი სერვისი.

ასევე იხილეთ თემაზე:
ხავი მარტინესი ხამეს როდრიგესი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა