კოვაჩი გოლების შემდეგ ზედმეტად დავიხიეთ უკან

მიუნხენის "ბაიერნის" მთავარმა მწვრთნელმა, ნიკო კოვაჩმა, ბრემენის "ვერდერთან" გერმანიის თასის 1/2 ფინალური შეხვედრა შეაფასა.

"ორივე გუნდმა დიდებულად ითამაშა. თუ საგოლე მომენტების რაოდენობას გავითვალისწინებთ, ჩვენ გამარჯვება დავიმსახურეთ.

პირველ ტაიმში თავს საკმაოდ მაღლა ვიცავდით და ბრემენელებს ბევრი არაფრის უფლება მივეცით.

დაახლოებით ერთი საათის გასვლის შემდეგ ჩვენ ნელ-ნელა სიღრმეში ჩავჯექით და მეტოქეს შეტევების უფლება მივეცით, რაც ჩვენი გეგმა არ ყოფილა.

ვიცოდი, რომ შანსების შემთხვევაში "ვერდერი" ამ ფანტასტიკური ატმოსფეროს ფონზე აუცილებლად გაიტანდა. მათი გოლების დროს ზედმეტად პასიურები ვიყავით", - განაცხადა 47 წლის ხორვატმა სპეციალისტმა.

"რეკორდმაისტერმა" ბრემენში 3:2 იმარჯვა და გერმანიის თასის ფინალში გავიდა. იქ კი 25 მაისს "ლაიფციგს" დაუპირისპირდება.