...

ბაიერნმა ჩელსი დაამარცხა

მიუნხენის "ბაიერნმა" ჩემპიონთა საერთაშორისო თასზე პირველი გამარჯვება მოიპოვა - სინგაპურში კარლო ანჩელოტის გუნდმა ლონდონის "ჩელსი" 3:2 დაამარცხა.

გამოცდილმა იტალიელმა სპეციალისტმა კვლავ 4-2-3-1 სქემით ითამაშა. პაპა კარლომ დავიდ ალაბა დაასვენა, ამიტომაც ხავი მარტინესს დაცვის ცენტრში მოუწია თამაში, მარცხენა ფლანგზე კი ახალგაზრდა მარკო ფრაიდლი დადგა, რომელმაც ტრავმირებული ხუან ბერნატი შეცვალა. მოედნის ცენტრში კი პორტუგალიელი რენატუ სანჩეში გამოჩნდა. სხვა მხრივ ყველაფერი უცვლელი იყო.

"მილანთან" გამანადგურებელი მარცხის (0:4) შემდეგ "ბაიერნი" ძალიან მონდომებული და მოტივირებული იყო, ამიტომ თავიდანვე სერიოზულად ჩაერთო საქმეში. უკვე მატჩის მე-6 წუთზე რაფინიამ შორეული დარტყმით გახსნა ანგარიში. 31 წლის ბრაზილიელმა ტიბო კურტუას შორეულ დაბალ კუთხეში ზუსტად ჩაუსვა - 0:1!


მალევე "ბაიერნმა" საკმაოდ კარგი კომბინაცია გაითამაშა. მარცხენა ფრთაზე ფრანკ რიბერიმ თავისუფალი სივრცე მიიღო, საჯარიმოში შეიჭრა, სესარ ასპილიკუეტა ჩამოიტოვა და ცენტრისკენ რბილად ჩაჰკიდა. 34 წლის ფრანგის კარგ გადაცემას თომას მიულერი გამოეხმაურა და მეორე ბურთი შეაგდო. ძალიან მალე გოლის გატანა უკვე ხამეს როდრიგესს შეეძლო. რენატუ სანჩეშმა მეტოქეს ბურთი საჯარიმოსთან მოპარა, რიბერის ჩაწოდების შემდეგ კი კოლუმბიელი სრულიად თავისუფალი აღმოჩნდა. ხამესმა ბურთი მიიღო და შორეულ მაღალ კუთხეში ლამაზად გაუშვა, მაგრამ ცოტათი ზედმეტი მოუვიდა. 27-ე წუთზე კი "ჩელსის" დაცვა კიდევ ერთხელ ჩავარდა. მიულერმა ბურთი ცენტრიდან წაიღო, წინ მყოფმა ლევანდოვსკიმ უკან დარჩენილი ორად-ორი მცველის ყურადღება მიიქცია, ხოლო ამასობაში თომასმა გაისწორა და დაახლოებით 25 მეტრიდან ულამაზესი გოლი გაიტანა - დუბლი და 0:3!


პირველი ტაიმის ბოლოს ინგლისელები გონს მოვიდნენ და "ბაიერნზე" სერიოზული ზეწოლა განახორციელეს. ტომ შტარკემ ჯერ ჟერემი ბოგას, შემდეგ კი მიჩი ბატშუაის აუღო, მაგრამ ბოლო წუთზე მარკოს ალონსოს უძლიერეს გასროლილს ვერაფერი მოუხერხა. ვიქტორ მოზესის ჩაწოდების შემდეგ ბურთი ნელა მიუვიდა ესპანელ მცველს, რომელმაც ბრწყინვალე ბურთი შეაგდო და პირველი ნახევარი 1:3 დასრულდა.

შესვენებაზე ანჩელოტიმ თამაშში მხოლოდ კრისტიან ფრიუხტლი და კინგსლი კომანი ჩართო. "ბაიერნი" კვლავ დიდ უპირატესობას ფლობდა, მაგრამ ამჯერად მომენტებს ვეღარ იყენებდა. ხამეს როდრიგესს ოთხი საგოლე მომენტი ჰქონდა, მაგრამ კოლუმბიელს ძალიან არ გაუმართლა. ჯერ ფრაიდლის ჩინებული ჩაწოდების შემდეგ დაარტყა თავით და სანტიმეტრები დააკლდა. შემდეგ რიბერის პასის შედეგად მარცხენა ფეხზე გაისწორა, მაგრამ დარტყმული გარი კეჰილმა ვარდნაში დაუბლოკა. მოგვიანებით იმავე რიბერისთან კედლის შემდეგ როდრიგესის დარტყმა შორეულ დაბალ კუთხეში ისევ ძალიან ცოტათი ასცდა მიზანს. ბოლოს კი ხამესს ხელი ტიბო კურტუამ შეუშალა. ლონდონელები კვლავ ბოლოსკენ გააქტიურდნენ და კუთხურის შემდეგ შექმნილი არეულობით ბატშუაიმ ისარგებლა, რომელმაც ჩამორჩენა მინიმუმამდე შეამცირა - 2:3.

"ბაიერნმა" "ჩელსი" დაამარცხა და გაცილებით უკეთ ითამაშა, ვიდრე "მილანის" წინააღმდეგ. სინგაპურში შესანიშნავად გამოიყურებოდნენ ხავი მარტინესი, კორენტინ ტოლისო და ფრანკ რიბერი, რომელიც დღეს ალბათ საუკეთესო იყო. კარგად წარმოაჩინა თავი ახალგაზრდა მარკო ფრაიდლმაც, თომას მიულერმა კი მორიგი დუბლით ქომაგების გული გაახარა. ახლა "რეკორდმაისტერს" კიდევ ერთი ამხანაგური მატჩი დარჩა, რომელსაც 27 ივნისს მილანის "ინტერის" წინააღმდეგ ჩაატარებს.

ჩელსი 2:3 ბაიერნი

გოლები: 0:1 - რაფინია (6'), 0:2 - მიულერი (12'), 0:3 - მიულერი (27'), 1:3 - ალონსო (45+3'), 2:3 - ბატშუაი (85').
გაფრთხილება: მოზესი.

ჩელსი: კურტუა (ედუარდო 76') - მოზესი, ასპილიკუეტა, კრისტენსენი (დავიდ ლუისი 63'), კეჰილი, ალონსო - კანტე, ფაბრეგასი (პაშალიჩი 86') - ვილიანი, ბატშუაი (ბეიკერი 86'), ბოგა (მორატა 63').

ბაიერნი: შტარკე (ფრიუხტლი 46') - რაფინია (გიოტცე 63'), ჰუმელსი, მარტინესი, ფრაიდლი - სანჩეში, ტოლისო (პანტოვიჩი 63') - ხამესი, მიულერი (ვინტცჰაიმერი 81'), რიბერი (დორში 81') - ლევანდოვსკი (კომანი 46').скачать dle 11.1смотреть фильмы бесплатно

თუ გსურთ, ყოველდღიურად მიიღოთ მაღალი ალბათობის სპორტული პროგნოზები, გამოიწერეთ ჩვენი სერვისი.

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა