...

"ყველა მიზანს მივაღწიეთ" - რუმენიგეს ინტერვიუ

მიუნხენური გრანდის გენერალურმა დირექტორმა, კარლ-ჰაინც რუმენიგემ, "ბაიერნის" ოფიციალურ ვებ-საიტთან მორიგი საინტერესო ინტერვიუ ჩაწერა.

კალე რუმენიგემ ბოლო პერიოდის აქტუალურ თემებზე ისაუბრა, შეაფასა აზიის ტური, ახალწვეულების ინტეგრაციის პროცესი და კიდევ რამდენიმე საკითხი.

აუდის ზაფხულის ტურის შეჯამება: "სავარაუდოდ ეს მიუნხენის "ბაიერნის" ყველაზე ეფექტური, ლამაზი და საუკეთესო ტური იყო უკანასკნელი წლების განმავლობაში. ჩვენ აბსოლუტურად ყველა მიზანს მივაღწიეთ. მთავარი მოტივაცია "მეგობრების ნახვა" იყო. ეს კი იმას ნიშნავს, რომ აზიაში ჩვენს ქომაგებს ვესტუმრეთ. ჩვენი გუნდი გულშემატკივრებთან ახლო ურთიერთობას ამყარებს. ამავდროულად, მსოფლიოს მნიშვნელოვანი ნაწილის წარმომადგენლებთან ეკონომიკური და პოლიტიკური ურთიერთობები დავამყარეთ. დიდებული მოგზაურობა გამოდგა, სრულიად წარმატებული!"

პირადად თავის შთაბეჭდილებებზე: "საუკეთესო მოგონებები, როგორც სპორტული, ისე სოციალური თვალსაზრისით, შენჟენთან მაკავშირებს, სადაც  10 ათასი მოსწავლისათვის სკოლა გავხსენით."

ლეგენდების სამუშაოზე: "ჩვენ თან ჯოვანი ელბერი, ჰასან სალიჰამიჯიჩი და მიროსლავ კლოზე წავიყვანეთ, რათა მათ კლუბის მარკეტინგულ სამუშაოებზე ეზრუნათ. მიროს წაყვანა კი ჩვენი სპონტანური იდეა იყო. მან დიდებული სამუშაო შეასრულა და შემიძლია გითხრათ, რომ კლოზე აქ საკმაოდ პოპულარულია."

ახალწვეულების ინტეგრირებაზე: "გუნდი კოკო ტოლისოსა და ხამესს დიდებულად შეეწყო. ასეთი მოგზაურობის დროს ახალწვეულების ხასიათს კარგად იგებ, რადგან ყოველდღე მათთან ერთად გიწევს ყოფნა. ტოლისო დიდებული ბიჭია, რომელიც "ბაიერნს" მარტივად მოერგო. ბოლოსკენ კი პასუხს გავცემ იმ შედარებას, რომელსაც ხშირად განიხილავდნენ: მიულერი თუ ხამესი? ამ ტურნემ დაამტკიცა, რომ მიულერიც და ხამესიც!"

თომას მიულერზე: "ამ საკითხზე ერთსულოვნები ვართ: "ბაიერნისთვის" იდეალური მოთამაშე ნულიდან რომ ავაწყოთ სწორედ თომას მიულერს მივიღებთ. ის მშვიდი ყმაწვილია, რომელიც ჩვენთვის მნიშვნელოვანია როგორც მოედანზე, ისე მინდვრის მიღმა. ის ჩვენს კლუბს საუკეთესოდ წარმოაჩენს. თუ თომასი ასე გააგრძელებს, მას წინ წარმატებული სეზონი ელის."

რენატუ სანჩეშზე: "მან "ჩელსის" წინააღმდეგ საოცრად ითამაშა. შემიძლია გითხრათ, რომ კარგი თამაშის მერე ის საოცრად ბედნიერი და კმაყოფილი იყო. მისთვის ამ ტვირთის ტარება ცოტათი რთული იყო. მას წასვლა არ უნდა, უბრალოდ თამაში სურს. ამ მოსაზრებას კი ვეთანხმებით. ის ახალგაზრდაა, მხოლოდ 19 წლის და რეგულარული სათამაშო პრაქტიკა სჭირდება. ახლა კი უნდა მოვითმინოთ. პირველ რიგში ჩვენი მიზანი მისი მხოლოდ 1 წლიანი იჯარით გაშვებაა, რადგან რენატუს პოტენციალი "ბაიერნისთვის" მნიშვნელოვანია. თუმცა საბოლოო გადაწყვეტილება ჯერ კიდევ არ მიგვიღია."

ახალი სპორტული დირექტორის დანიშვნაზე: "ახლა ბევრს ვერაფერს გეტყვით, რადგან ული ჰიონესი მოლაპარაკებებს აწარმოებს და კლუბის მრჩეველთა საბჭოსაც უნდა გაესაუბროს. თუმცა შემიძლია გითხრათ, რომ ეს პროცესი დიდ დროს არ წაიღებს."

ხუან ბერნატის ტრავმაზე: "მთავარ მწვრთნელთან ერთად გადავწყვიტეთ, რომ მის შემცვლელს არ შევიძენთ. ამ პოზიციაზე თამაში მარკო ფრაიდლსაც შეუძლია, რაც იმას ნიშნავს, რომ მარცხენა ფრთაზე მშვენიერი ავსტრიული თანდემი გვყავს (ფრაიდლი და ალაბა)."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
რუმენიგე
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა