...

ბაიერნი ლივერპულმა გაანადგურა

მიუნხენის "ბაიერნის" წარუმატებელი მოსამზადებელი ეტაპი გრძელდება - კარლო ანჩელოტის გუნდი ამჯერად აუდის თასის ნახევარფინალში განადგურდა.

"რეკორდმაისტერი" საკუთარ მოედანზე იურგენ კლოპის "ლივერპულთან" უშანსოდ დამარცხდა - 0:3. გერმანულმა გრანდმა ძალიან უსახური და სუსტი თამაში აჩვენა.

მატჩი მაღალ ტემპში დაიწყო და "ლივერპულმა" პირველივე შანსი გამოიყენა. კორენტინ ტოლისომ ცენტრში უყურადღებოდ ითამაშა და ბურთი დაკარგა. შედეგად, რობერტო ფირმინიომ ბურთი საჯარიმომდე ატარა, შემდეგ სადიო მანეს დაუგორა და სენეგალელმა სვენ ულრაიხს შანსები აღარ დაუტოვა - 0:1. "ბაიერნმა" ტერიტორიული უპირატესობა მოიპოვა, მაგრამ მერსესაიდელები საკმაოდ ორგანიზებულად მოქმედებდნენ და კონტრშეტევებზე ქმნიდნენ ხიფათს. ერთ-ერთ ეპიზოდში ინგლისური კლუბი მარცხენა ფლანგიდან წავიდა წინ და მორენოს პასის შემდეგ მოჰამად სალაჰის დარტყმული ულრაიხმა მოიგერია. მორიგი შანსი ალბერტო მორენოს ჰქონდა, რომელმაც კარგი საჯარიმო შეასრულა, მაგრამ მიუნხენური გუნდი კვლავ ულრაიხმა იხსნა.

საბოლოოდ, "ლივერპულმა" მიზანს მაინც მიაღწია. იურგენ კლოპის გუნდმა მორიგი კონტრიერიში დააგვირგვინა. მანეს დარტყმის შემდეგ ულრაიხმა ითამაშა ბურთზე, დამატებაზე კი სალაჰმა ყველას დაასწრო და თავით მეორე ბურთი გაიტანა. "ბაიერნს" მთელი 45 წუთი არაფერი შეუქმნია და მე-20 წუთზე ტიაგო ალკანტარა დაიმტვრა, რომელიც რენატუ სანჩეშმა შეცვალა.

მეორე ტაიმი "ლივერპულმა" უფრო დამაჯერებლად დაიწყო, "ბაიერნს" კი ბურთის დაჭერაც უჭირდა. გერმანულმა გრანდმა მეორე ნახევარიც რეალური საგოლე მომენტის გარეშე ჩაამთავრა, ერთადერთი ხამეს როდრიგესის დარტყმა შეიძლება გამოვყოთ, რომელიც მიზანს მცირედით ასცდა. ინგლისელებმა კი კიდევ ორი ბურთი გაიტანეს, მაგრამ აქედან ერთი საეჭვო ვითარებაში არ ჩაითვალა. ბოლოსკენ კი კოუტინიოს პასით მთელი "ბაიერნის" დაცვა მოიჭრა, დანიელ სტარიჯმა კი ეპიზოდი ლამაზი პარაშუტით დააგვირგვინა და საბოლოო ანგარიში დააფიქსირა - 0:3.

ხვალ ჩვენი დროით 19:45 საათზე მიუნხენური კლუბი "ნაპოლის" მესამე ადგილისთვის მატჩში დაუპირისპირდება. აუდის თასის ფინალი კი 22:45 საათზე გაიმართება. ტიტულს "ლივერპული" და მადრიდის "ატლეტიკო" გაითამაშებენ.

ბაიერნი 0:3 ლივერპული

გოლები: 0:1 - მანე (7'), 0:2 - სალაჰი (34'), 0:3 - სტარიჯი (83').
გაფრთხილება: სანჩეში (50'), ვიდალი (89') - ლალანა (89').

ბაიერნი: ულრაიხი - რაფინია, ჰუმელსი, მარტინესი, ალაბა (ფრაიდლი 79') - ტიაგო (სანჩეში 21'), ტოლისო (ვიდალი 72') - რიბერი, მიულერი, ხამესი (კომანი 62') - ლევანდოვსკი.

ლივერპული: კარიუსი - ალექსანდრ-არნოლდი (ფლანაგანი 79'), მატიპი (კლავანი 67'), ლოვრენი, მორენო - ჰენდერსონი (სტარიჯი 68'), ჩანი (ვიინალდუმი 46'), კოუტინიო (ვუდბარნი 79') - მანე (ლალანა 46'), ფირმინიო (კენტი 67'), სალაჰი (გრუიჩი 67').скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
აუდის თასი 2017
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა