...

პრევიუ: ბაიერნი - ბაიერი

დღეს 18 აგვისტოა და როგორც იქნა მოლოდინი დასრულდა - ბუნდესლიგა იწყება. გერმანიის ეროვნული ჩემპიონატის 2017/18 წლების სეზონს მიუნხენის "ბაიერნი" საკუთარ მოედანზე გახსნის და ლევერკუზენის "ბაიერს" უმასპინძლებს.

ჩემპიონატი: ​გერმანიის ბუნდესლიგა, I ტური​​​
თარიღი: ​18 აგვისტო, 22:30 საათი​​​
სტადიონი: ​"ალიანს არენა", მიუნხენი​​​
მთავარი მსაჯი: ​ტობიას შტილერი​​​
პირდაპირი ტრანსლიაცია: ​Setanta georgia+​​​

გუნდების წინასამატჩო მდგომარეობა

მიუნხენის "ბაიერნმა" ამ ზაფხულს ერთ-ერთი უსუსტესი მოსამზადებელი ეტაპი ჩაატარა და საკმაოდ დიდი კრიტიკა დაიმსახურა. კარლო ანჩელოტის გუნდმა ორი მარტივი ამხანაგური თამაშით დაიწყო, რომლებიც გერმანიის სამოყვარულო გუნდებს მარტივად მოუგო. შემდეგ იყო ტელეკომის თასი, რომელზეც მიუნხენელებმა ასევე კარგი შთაბეჭდილება დატოვეს, მაგრამ აზიის ჰაერი აშკარად არ მოუხდათ. ამხანაგური ტურნირის მოგების შემდეგ "ბაიერნმა" აზიაში 4 სერიოზული ტესტ-მატჩი ჩაატარა, საიდანაც ორი უშანსოდ წააგო (0:4 "მილანთან" და 0:2 "ინტერთან"), ლონდონის "არსენალთან" პენალტების სერიაში წააგო, ხოლო ლონდონის "ჩელსი" 3:2 დაამარცხა. აგვისტოს სტარტზე "ბაიერნმა" აუდის თასზე იასპარეზა. ნახევარფინალში გერმანული გრანდი "ლივერპულთან" 0:3 განადგურდა, მესამე ადგილისთვის მატჩი კი "ნაპოლისთან" დათმო - 0:2. ოფიციალური თამაშების წინ "რეკორდმაისტერმა" 6 ამხანაგური თამაშიდან 5 წააგო, მხოლოდ 3 გოლი გაიტანა და თავად 14 ბურთი გაუშვა - ეს უბრალოდ კატასტროფული შედეგია. თუმცა 5 აგვისტოს "ბაიერნმა" გერმანიის სუპერთასისთვის შეხვედრაში უკეთ იასპარეზა და დორტმუნდის "ბორუსია" დრამატულ ორთაბრძოლაში პენალტების სერიით დაამარცხა. პაპა კარლომ სეზონი კვლავ ტიტულის მოპოვებით დაიწყო. ამას კი გერმანიის თასის პირველი წრის მატჩი მოჰყვა, რომელიც მიუნხენელებმა სტუმრად "ჩემნიცთან" 5:0 მოიგეს. ახლა კი ბუნდესლიგა იწყება და იმედია, "ბაიერნი" გერმანიის ჩემპიონატს ასევე გამარჯვებით დაიწყებს. ზაფხულში ყველაზე კარგი შთაბეჭდილება თომას მიულერმა დატოვა, რომელმაც ტელეკომის თასზე ბრწყინვალედ იასპარეზა. გარდა ამისა, ნამდვილი სიურპრიზი გამოდგა სებასტიან რუდის დამაჯერებელი და კარგი თამაში. 27 წლის გერმანელმა, რომელიც "ბაიერნმა" "ჰოფენჰაიმიდან" უფასოდ გადაიბირა, სუპერთასზე საუკეთესო ფეხბურთი აჩვენა და ორი საგოლე პასი გააკეთა. რუდი თამაშის სტილით ძალიან წააგავს ბასტიან შვაინშტაიგერს და სავარაუდოდ, დღევანდელ შეხვედრაში მოედნის ცენტრს კიდევ ერთ ახალწვეულ კორენტინ ტოლისოსთან ერთად გაამაგრებს.

მიუნხენურ გრანდს სერიოზული საკადრო პრობლემები აქვს. მანუელ ნოიერი უკვე გამოჯანმრთელდა, მაგრამ როგორც ჩანს 100%-თ მზად არ არის, ამიტომ კარს კვლავ სვენ ულრაიხი დაიცავს. გარდა ამისა, კარლო ანჩელოტი ჟერომ ბოატენგსაც დაასვენებს და მის ნაცვლად ახალწვეულ ნიკოლას ზიულეს დააყენებს, რადგან ხავი მარტინესიც ტრავმირებულია. ესპანელმა დაზიანება სუპერთასზე მიიღო. გარდა ამისა, კლუბს ტიაგო ალკანტარა, ხამეს როდრიგესი და ხუან ბერნატი დააკლდებიან. სამაგიეროდ, ბრუნდება ლეგენდარული არიენ რობენი, რომელმაც ტრავმა სრულიად მოიშუშა და "ბაიერის" წინააღმდეგ ძირითადში იქნება.


ლევერკუზენის "ბაიერში" ახლა საკმაოდ რთული ვითარებაა, რადგან კლუბმა სამი მნიშვნელოვანი მოთამაშე დაკარგა: დაცვის ლიდერი იომერ თოფრაქი, ჰაკან ჩალჰანოღლუ და საუკეთესო ბომბარდირი ჩიჩარიტო. სატრანსფერო ბაზარზე კი "ფარმაცეპტებმა" დიდად ვერ იაქტიურეს და მხოლოდ ორი მოთამაშე დაიმატეს: დორტმუნდის "ბორუსიას" უკანა ხაზელი სვენ ბენდერი და საყრდენი დომინიკ კორი "აუგსბურგიდან" იჯარით აიყვანეს. დღეს ორივე მათგანის დებიუტია მოსალოდნელი. მოსამზადებელი ეტაპი "ბაიერმაც" სუსტად ჩაატარა. ლევერკუზენულ კლუბს ახალი მთავარი მწვრთნელი ჰყავს - კლუბის ლეგენდა და წარსულში შესანიშნავი თავდამსხმელი ჰეიკო ჰერლიხი, რომლის გუნდმაც ქვედა ლიგის გერმანული კლუბები მარტივად დაამარცხა, მაგრამ უკანასკნელი 4 ამხანაგური მატჩიდან ორი ფრედ დაასრულა და ორი წააგო. "ბაიერი" "ზანდჰაუზენთან" (2:3) და "ლაციოსთან" (1:3) დამარცხდა, ბოლოს კი "სელტას" ფრედ 3:3 ეთამაშა. ამას გერმანიის თასის პირველი წრის მატჩი მოჰყვა, რომელიც ლევერკუზენელებმა მძიმედ ჩაატარეს. "ბაიერი" სტუმრად "კარლსრუეს" შეხვდა და ძირითადი დრო ფრედ 0:0 დასრულდა. თუმცა დამატებით დროში "ფარმაცეპტებმა" 3 ბურთი შეაგდეს და დამაჯერებლად იმარჯვეს. აღსანიშნავია, რომ თავის წარმოჩენა კლუბის ახალწვეულმა, დომინიკ კორმა, მოახერხა და მესამე გოლი ახალგაზრდა ლეონ ბაილიმ გაიტანა, რომელიც "ბაიერმა" ამ წლის ზამთარში შეიძინა. 45 წლის გერმანელი პატარა რევოლუციასა და ახალი გუნდის აშენებას გეგმავს, ამიტომ ამ სეზონში ლევერკუზენის "ბაიერის" მიზნები შედარებით მოკრძალებული იქნება. დღეს გუნდს ახალგაზრდა ხორვატი მცველი, ტიმ იედვაი, ვერ დაეხმარება. მთავარი დანაკლისი კი ახალგაზრდა გერმანელი ვინგერი, იულიან ბრანდტი, იქნება, რომელიც "ბაიერის" გამოკვეთილი ლიდერია და სამშაბათის ვარჯიშზე მიიღო კუნთის დაზიანება.

მიუნხენის "ბაიერნი" დღევანდელ შეხვედრაში აშკარა ფავორიტია და კარლო ანჩელოტის გუნდი მხოლოდ კარგი თამაშისათვის იბრძოლებს. "რეკორდმაისტერმა" ბუნდესლიგის ახალი სეზონი თავის სტილში უნდა გახსნას.

სავარაუდო შემადგენლობები


ბაიერნს ვერ დაეხმარებიან: ​ბოატენგი (ჯერ არ არის მზად), მარტინესი (ბარძაყი), ბერნატი (ტერფი), ხამესი (ბარძაყი), ტიაგო (საზარდული), ნოიერი (ჯერ არ არის მზად).

ბაიერს ვერ დაეხმარებიან: ​იედვაი (ბარძაყი), ბრანდტი (კუნთი).​​​​​​

საინტერესო ფაქტები

  • მას შემდეგ, რაც ახალ სეზონს მოქმედი ჩემპიონი ხსნის, ბუნდესლიგის ჩემპიონს პირველი ტურის შეხვედრა არასოდეს წაუგია: 12 მოგება, 3 ფრე.

  • "ბაიერნის" მოთამაშეებს გერმანიის ჩემპიონატის ახალ სეზონში პირველი გოლი 12-ჯერ აქვთ გატანილი, მათ შორის ბოლო ოთხი.

  • რობერტ ლევანდოვსკის ლევერკუზენის "ბაიერის" წინააღმდეგ გატანა ძალიან უჭირს. პოლონელმა ბუნდესლიგის 12 შეხვედრაში "ფარმაცევტების" კარი მხოლოდ ორჯერ აიღო, მაგრამ ორივეჯერ დორტმუნდის "ბორუსიას" მაისურით. "ბაიერნში" გადმოსვლის შემდეგ მას "ბაიერის" კარში ბურთი არ შეუგდია.

  • "ბაიერნი" და "ბაიერი" ბუნდესლიგის პირველ ტურში ერთმანეთს მეხუთედ უპირისპირდებიან. წინა ოთხი მატჩიდან სამი მიუნხენელებმა მოიგეს, ერთი კი ფრედ დასრულდა.

  • ლევერკუზენულ კლუბს "ალიანს არენაზე" ძალიან უჭირს. 38 ბუნდესლიგის თამაშიდან მიუნხენში "ბაიერნმა" 29 შეხვედრა მოიგო, 6 ფრედ დაასრულა და მხოლოდ 3 წააგო. უკანასკნელი გამარჯვება "ალიანს არენაზე" "ბაიერმა" 2012 წელს მოიპოვა (2:1). ეს მათი ერთადერთი გამარჯვებაა მიუნხენში ბოლო 27 წლის განმავლობაში.

  • 2007/08 წლების სეზონის შემდეგ "ბაიერნმა" პირველად ჩაამთავრა კამპანია საშინაო მარცხის გარეშე. ჩემპიონებს ახლა 22 მატჩიანი წაუგებელი სერია აქვთ შინ (17 მოგება, 5 ფრე, 68:11 ბურთების შეფარდება). მიუნხენელების ყველაზე გრძელი დაუმარცხებელი საშინაო სერია 26 თამაშს შეადგენს (2012 წლის ნოემბრიდან - 2014 წლის მარტამდე).
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
g22
g22 | 18 აგვისტო 2017 15:55
ასეთი კარგი სასტავი ბაიერნ ჰეინკესის მერ აგარ მოუგროვებია, მხოლოდ ნოიერის და ბოატენგის ტრამვა თორე, ესპანელები რო არცერთი არ ყავს ამაზე კაი არაფეია)) 5-6 გრმანელი მინიმუმ უნდა იყოს ძირითადში! რუდი მაგარი საყრდენია იმენა პროფესორია!)

ნოიერი, ჰუმელსი, ზიულე, ალაბა, კიმიხი(ბოატენგი)რუდი, ტოლისი(ვიდალი), რობენი, რიბერი(ხამესი), მიულერი(კომანი), ლევანდოვსკი... ამათ შორის უნდა გაკეთდეს არჩევანი არ ჭირდებათ არცერთი ესპანელი მხოლოდ ტიაგო შეიძლება ზამენისთვის
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა