...

პრევიუ: ვერდერი - ბაიერნი

დღეს მიუნხენის "ბაიერნი" გერმანიის ბუნდესლიგის მეორე ტურის მატჩს გამართავს და სტუმრად ბრემენის "ვერდერს" დაუპირისპირდება.

ჩემპიონატი: გერმანიის ბუნდესლიგა, II ტური
თარიღი: 26 აგვისტო, 17:30 საათი
სტადიონი: "ვეზერ-შტადიონი", ბრემენი
მთავარი მსაჯი: ბასტიან დანკერტი
პირდაპირი ტრანსლიაცია: Setanta georgia+

გუნდების წინასამატჩო მდგომარეობა


ბრემენის "ვერდერმა" ბუნდესლიგის ახალი სეზონი ზინჰაიმში დაიწყო და "ჰოფენჰაიმთან" რთულ ორთაბრძოლაში 0:1 დამარცხდა. ბრემენელებმა გოლი ბოლოსკენ გაუშვეს, მაგრამ რომ არა ჩეხი გოლკიპერი პავლენკა "ვერდერი" ბურთს საკუთარ კარში უფრო ადრეც მიიღებდა. მოსამზადებელი ეტაპის დროს ალექსანდრ ნურის გუნდმა ამსტერდამის "აიაქსი" და "ვესტ ჰემიც" კი დაამარცხა, მაგრამ სეზონი არც ისე კარგად დაიწყო. თუმცა დღეს ბრემენელები საკუთარ მოედანზე პირველ მატჩს ჩაატარებენ და ძალიან მოტივირებულები იქნებიან. ტომას დელაინი და ფინ ბარტელსი, გუნდის წამყვანი მოთამაშეები, "ბაიერნს" რთულ ბრძოლას დაპირდნენ და ვნახოთ რამდენად გამართლდება მათი მუქარა. ბრემენულ კლუბს ერთ-ერთი ლიდერი და კაპიტანი, ზლატკო იუნუზოვიჩი, კვლავ ვერ ეხმარება. გარდა ამისა, ლაზარეთშია ფინელი ცენტრალური მცველი, ნიკოლას მოისანდერიც. "ჰოფენჰაიმთან" პირველ შეხვედრაში კი დაზიანება ფლორიან კაინცმა მიიღო და შესაძლოა მოედნის ცენტრში მისი ადგილი გონდორფმა დაიკავოს. სხვა მხრივ კი ცვლილებები არ არის მოსალოდნელი.


მიუნხენის "ბაიერნმა" სეზონი გამარჯვებით გახსნა, მაგრამ ლევერკუზენის "ბაიერს" ძალიან ბევრის უფლება მისცა. "რეკორდმაისტერის" მეორე გოლკიპერმა, სვენ ულრაიხმა, 3 შესანიშნავი სეივი განახორციელა და მისმა გუნდმა 3:1 იმარჯვა. თავისი სადებიუტო გოლები მიუნხენური გრანდის მაისურით ნიკოლას ზიულემ და კორეტინ ტოლისომ გაიტანეს. მეორე ნახევარში კი პენალტით თავი რობერტ ლევანდოვსკიმ გამოიჩინა და ბუნდესლიგის 2017/18 წლების კამპანიაში საკუთარი ანგარიში გახსნა. ზიულემ და ტოლისომ მართლაც კარგად იასპარეზეს, სამაგიეროდ მატს ჰუმელსმა ჩაატარა ძალიან სუსტი მატჩი. იგი მეორე ანხევარში ანჩელოტიმ შეცვალა და როგორც გაირკვა, გერმანელს კუჭის პრობლემები აწუხებდა. "ბაიერნს" აუცილებლად მოსამატებელი აქვს და ეცდება, რომ ბრემენში უფრო საიმედოდ იმოქმედოს დაცვაში. გუნდის ლაზარეთიც ნელ-ნელა ცარიელდება და 4 თვიანი პაუზის შემდეგ დიდებულ მანუელ ნოიერს კვლავ საქმეში ვიხილავთ. 31 წლის გერმანელი სრულიად ჯანმრთელია და ანჩელოტიმაც დაადასტურა, რომ ხვალ ითამაშებს. გარდა ამისა, ხავი მარტინესი და ტიაგო ალკანტარაც მწყობრში არიან, მაგრამ შესაძლოა სათადარიგო სკამზე მოხვდნენ. არიენ რობენს, რომელმაც შაბათის ვარჯიში შეწყვიტა, არანაირი პრობლემა არ აღმოაჩნდა და ჰოლანდიელი "ვერდერის" წინააღმდეგ სასტარტო შემადგენლობაში იქნება. "ბაიერთან" არიენი მეორე ტაიმის მე-60 წუთზე შემოვიდა, ახლა კი თავიდანვე ჩაერთვება საქმეში.

მიუნხენური გრანდი ფავორიტია, მაგრამ "ვერდერი" ამბიციურად არის განწყობილი და შესაძლოა ბრემენელები მართლაც რაიმე ორიგინალურს ამზადებენ.

სავარაუდო შემადგენლობები


ვერდერს დააკლდებიან: მოისანდერი (კუნთი), იუნუზოვიჩი (ტერფი).

ბაიერნს დააკლდებიან: ბოატენგი (არ არის მზად), ბერნატი (ტერფი), ხამესი (ბარძაყი).

საინტერესო ფაქტები

  • ბრემენის "ვერდერი" გერმანიის ეროვნულ ჩემპიონატში თავის 1800-ე შეხვედრას ჩაატარებს, ხოლო საკუთარ მოედანზე მე-900 შეხვედრას. ბუნდესლიგაში უფრო მეტი თამაში მხოლოდ "ჰამბურგს" (1834) აქვს ჩატარებული. "ბაიერნისთვის" ეს 1774-ე შეხვედრა იქნება.

  • გასულ სეზონში "ვერდერმა" 8 საშინაო შეხვედრა წააგო, რაც საკლუბო ანტირეკორდია. ვნახოთ ახლა როგორ დაიწყებენ ბრემენელები შინ.

  • "ბაიერნს" ბრემენულ კლუბთან 15 მატჩიანი გამარჯვებათა სერია აქვს, საიდანაც 13 ბუნდესლიგაში გაიმართა, ორი კი - გერმანიის თასზე. 

  • "ბაიერნის" 13 მატჩიანი მოგებათა სერია "ვერდერთან" ეროვნულ ჩემპიონატში ბუნდესლიგის ისტორიაში ყველაზე ხანგრძლივი გამარჯვებათა სერიაა.

  • მიუნხენურ გრანდს "ვერდერის" წინააღმდეგ ჩატარებულ თამაშებში სულ 200 გოლი აქვს გატანილი და ამ მხრივ ბუნდესლიგაში საუკეთესოა.

  • ბრემენის "ვერდერმა" "რეკორდმაისტერი" ბოლოს 2008 წლის 20 სექტემბერს დაამარცხა. ტომას შააფის გუნდმა მიუნხენური კლუბი "ალიანს არენაზე" 5:2 გაანადგურა.

  • ფრანკ რიბერის "ვერდერის" წინააღმდეგ თამაში ძალიან კარგად აქვს დაცდილი. მისი დებიუტი ბუნდესლიგაში სწორედ "ვეზერ-შტადიონზე" შედგა და 2007 წელს ის მატჩი ფრანკმა გოლით აღნიშნა. საერთ ჯამში კი "ვერდერთან" ჩატარებულ 15 შეხვედრაში რიბერის 9 გოლი აქვს გატანილი და არცერთი მატჩი არ წაუგია (12 მოგება, 3 ფრე).

  • რიბერის ბუნდესლიგის კლუბებს შორის ყველაზე მეტჯერ სწორედ "ვერდერის" კარი აქვს აღებული - 9 ბურთი.

  • ბრემენელების წინააღმდეგ თამაში რობერტ ლევანდოვსკისაც უყვარს, რომელსაც ბუნდესლიგაში "ვერდერს" 8 თამაშში 10 გოლი გაუტანა.

მწვრთნელების წინასამატჩო კომენტარები
​​​
კარლო ანჩელოტი: ​"ბრემენში გასამართი მატჩი მნიშვნელოვანია. ჩვენ უნდა მოვიგოთ. გასულ წელს ამ სტადიონზე რთული მატჩი გვქონდა, კარგად ვერ ვითამაშეთ, ხოლო "ვერდერმა" ბოლომდე იბრძოლა. მანუ მწყობრშია და ითამაშებს. ულრაიხის თამაშით ძალიან კმაყოფილი ვარ, მაგრამ მანუ მსოფლიოში საუკეთესო მეკარეა."

ალექსანდრ ნური: ​"რა თქმა უნდა, შანსი გვაქვს, წინააღმდეგ შემთხვევაში, თამაშს აზრი არ ექნებოდა. ჩვენ ჭკვიანურად და ჩვენს სტილში უნდა ვითამაშოთ."​​​​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა