ბუნდესლიგის მოგების შემდეგ კოვაჩმა თავის მომავალზე გააკეთა კომენტარი

მიუნხენის "ბაიერნის" მთავარმა მწვრთნელმა, ნიკო კოვაჩმა, გერმანიის ბუნდესლიგის მოგების შემდეგ თავის მომავალზე კომენტარი გააკეთა.

"დარწმუნებული ვარ, სამუშაოს გავაგრძელებ. ეს სანდო ინფორმაცია.

საკუთარო ქომაგების თვალწინ ტიტულის მოგება მართლაც საოცარი შეგრძნება და მომენტი იყო. მეც ადამიანი ვარ და ბუნებრივია, საკმაოდ ემოციური მომენტი იყო.

მინდა, რომ მთელ სტადიონს მადლობა გადავუხადო", - განაცხადა 47 წლის ხორვატმა სპეციალისტმა.

ნიკო კოვაჩმა სადებიუტო სეზონში გერმანიის სუპერთასის შემდეგ უკვე მეორე ტიტული მოიგო და 25 მაისს "ბაიერნი" გერმანიის თასის ფინალში "ლაიფციგს" შეხვდება.

ჩემპიონთა ლიგაზე მიუნხენური კლუბი 1/8 ფინალურ სტადიაზე "ლივერპულთან" გამოვარდა.