...

პრევიუ: შალკე - ბაიერნი

გერმანიის ეროვნული ჩემპიონატის მე-5 ტური შუაკვირას გაიმართება და მიუნხენის "ბაიერნი" თავის მორიგ მატჩს დღეს საღამოს გელზენკირხენის "შალკეს" წინააღმდეგ ჩაატარებს.

შალკე - ბაიერნი

ჩემპიონატი: გერმანიის ბუნდესლიგა, V ტური
თარიღი: 19 სექტემბერი, 22:30 საათი
სტადიონი: "ველტინს-არენა", გელზენკირხენი
მთავარი მსაჯი: მარკო ფრიტცი
პირდაპირი ტრანსლიაცია: Setanta Georgia+

გუნდების წინასამატჩო მდგომარეობა

გელზენკირხენის "შალკემ" მიმდინარე სეზონი ცოტათი არასტაბილურად, მაგრამ კარგი შედეგებით დაიწყო. "ლურჯებმა" საწყის 4 ტურში 9 ქულა დააგროვეს და პირველ თამაშში საკუთარ მოედანზე ვიცე-ჩემპიონი "ლაიფციგი" საკმაოდ დამაჯერებლად დაამარცხეს (2:0). "შალკეს" ახალი თავკაცი 32 წლის გერმანელი სპეციალისტი დომენიკო ტედესკოა, რომელიც საკმაოდ ქარიზმატული ტიპაჟია და საკუთარ გუნდს 5-2-3 განლაგებით ათამაშებს. გელზენკირხენულმა კლუბმა გასულ უქმეებზე სტუმრად ბრემენის "ვერდერი" 2:1 დაამარცხა, მაგრამ არც ისე კარგი თამაში აჩვენა და სამი ქულა ლეონ გორეცკას ბოლო წუთებზე გატანილი ბურთით მოიპოვა. "შალკეს" საკმაოდ მრავალფეროვანი და კარგი შემადგენლობა ჰყავს, მაგრამ ტედესკო ახალ გუნდს აშენებს და სიტუაცია ჯერ კიდევ დასალაგებელია. გელზენკირხენული კლუბის შემადგენლობაში ნამდვილი აღმოჩენა 20 წლის ფრანგი შემტევი, ამინე ჰარიტია, რომელიც "შალკემ" ამ ზაფხულს "ნანტიდან" დაიმატა და ტედესკო ჰარიტს ძალიან ენდობა. ახალ კამპანიაში ბრწყინვალედ გამოიყურება ვეტერანი ნალდოც, რომელიც გუნდის დაცვის ლიდერია. დღევანდელ შეხვედრაში მასპინძლებს მხოლოდ ალექსანდრ შიოპფი დააკდლებათ, სხვა მხრივ ტედესკოს ყველა მწყობრში ჰყავს და ახალგაზრდა გერმანელი ოპტიმალურ თერთმეტეულს შეარჩევს.

მიუნხენის "ბაიერნმა" გასულ უქმეებზე სეზონის საუკეთესო თამაში აჩვენა და "მაინცი" საკუთარ მოედანზე 4:0 გაანადგურა. ხანგრძლივი პაუზის შემდეგ გუნდის ძირითადში ჟერომ ბოატენგი დაბრუნდა და საკმაოდ დამაჯერებლად იასპარეზა. თუმცა მთავარი გმირები შემტევი მოთამაშეები: რობენი, კომანი, მიულერი და ლევანდოვსკი იყვნენ. პოლონელმა ფორვარდმა და ჰოლანდიელმა ვინგერმა დუბლები გაიფორმეს, მიულერმა ორი ასისტი გააკეთა და კიდევ ორი ასისტი იოზუა კიმიხმა მიითვალა ანგარიშზე. 22 წლის გერმანელმა მარჯვენა მცველმა მიმდინარე სეზონი ფანტასტიკურად დაიწყო და იმედია, ასე გააგრძელებს. "რეკორდმაისტერმა" კი ზინჰაიმში წაგების შემდეგ ხასიათი გამოიკეთა და ბოლო ორი თამაში მშრალად დიდი ანგარიშით მოიგო. თუმცა ორშაბათის ვარჯიშზე მანუელ ნოიერმა კვლავ მარცხენა ფეხის ტერფი დაიზიანა და "შალკეს" წინააღმდეგ ვერ ითამაშებს. 31 წლის გერმანელმა შესაძლოა რამდენიმე თვეც კი გამოტოვოს, მაგრამ საბოლოო ინფორმაცია ჯერ არ არის ცნობილი. მანუს სვენ ულრაიხი ჩაანაცვლებს, ხოლო გუნდს თომას მიულერი უკაპიტნებს. მოსალოდნელია, რომ კარლო ანჩელოტი როტაციას კვლავ მიმართავს, მაგრამ არჩევანი ამჯერად ცოტათი შეზღუდულია. ნოიერის გარდა "ბაიერნს" არიენ რობენიც დააკლდება, რომელსაც გრიპი შეეყარა. სავარაუდოდ დღეს ძირითად შემადგენლობაში კორენტინ ტოლისო და ფრანკ რიბერი იქნებიან.

გელზენკირხენში თამაში მარტივი არ იქნება, მაგრამ "შალკე" ახლა არც ისე დამაჯერებლად გამოიყურება, ამიტომ "ბაიერნი" ვალდებულია მორიგი სამი ქულა მოიპოვოს და კარგი ფეხბურთი აჩვენოს.

სავარაუდო შემადგენლობები


შალკეს დააკლდებიან: შიოპფი (ზურგი).

ბაიერნს დააკლდებიან: ალაბა (ტერფი), ბერნატი (ტერფი), რობენი (გრიპი), ნოიერი (ტერფი).

საინტერესო ფაქტები

  • მიუნხენის "ბაიერნს" "შალკესთან" 13 მატჩიანი დაუმარცხებელი სერია აქვს. "ლურჯებმა" მიუნხენური კლუბი ბოლოს 2010 წლის დეკემბერში დაამარცხეს, როდესაც გუნდს ფელიქს მაგათი წვრთნიდა.

  • "შალკეს" საკუთარ მოედანზე ბუნდესლიგის ბოლო 9 თამაში არ წაუგია, მიმდინარე სეზონში კი ორივე საშინაო მატჩი ორი ბურთის სხვაობით მოიგო.

  • თუ "შალკე" კარლო ანჩელოტის გუნდს დაამარცხებს, დროებით ბუნდესლიგის ლიდერი გახდება. "ლურჯები" პირველ ადგილზე 2010 წლის აპრილის შემდეგ არ ყოფილან და მაშინაც ეს მხოლოდ 3 საათი გაგრძელდა.

  • "მაინცთან" დუბლის შემდეგ რობერტ ლევანდოვსკი მოქმედ მოთამაშეებს შორის ბუნდესლიგის საუკეთესო ბომბარდირია - 156 გოლი.

  • "ბაიერნმა" კუთხურიდან ბოლოს 2015 წლის თებერვალში გაუშვა გოლი. მაშინ მიუნხენელთა კარი სწორედ "შალკემ" აიღო.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა