...

შალკე 0:3 ბაიერნი - მატჩისშემდგომი კომენტარები

გერმანიის ბუნდესლიგის მე-5 ტურში მიუნხენის "ბაიერნმა" გელზენკირხენში "შალკე" 3:0 დაამარცხა და გუშინდელი მატჩისშემდგომ პრესკონფერენციაზე მხარეებმა შეხვედრა შეაფასეს.

კარლო ანჩელოტი: "ჩვენ მთელი 90 წუთის განმავლობაში კარგად ვიასპარეზეთ. ჩვენ ინტენსიურად და დაცვაში კომპაქტრად ვითამაშეთ. ხამესმა კარგად ითამაშა, გუნდისთვის ბევრი იმუშავა, კარგი კომბინაციები გაითამაშა, მაგრამ ის ჯერ კიდევ არ არის 100%-თ გამოჯანმრთელებული. თუმცა ამ საღამოს ყველა ძალიან კარგი იყო, ამიტომ კონკრეტულად ერთი ფეხბურთელის გამორჩევა რთულია. თითოეული მათგანის გამო მოხარული ვარ."

სვენ ულრაიხი: "მოხარული ვარ, რომ კარი მშრალად შევინახე და ჩვენ სამი ქულა მოვიპოვეთ. "შალკესთან" გასვლაზე მარტივი არასოდეს არის, მაგრამ კარგი სამუშაო შევასრულეთ. "შალკე" კარგად თამაშობდა, ზეწოლას ახორციელებდა, ამიტომ მომენტებში ძალიან გაგვიჭირდა. დაცვიდან ბურთის შეტევაში გადატანის დროს რამდენიმე შეცდომა დავუშვით, განსაკუთრებით მეორე ტაიმში, როდესაც მეტოქეს შანსები ჰქონდა. თამაში უნდა გავაუმჯობესოთ, მაგრამ შეტევაში კარგად ვიასპარეზეთ. ბიჭებმა დიდებულად იმუშავეს და გამარჯვება დაიმსახურეს."

იოზუა კიმიხი: "ვფიქრობ, ბურთის დაცვიდან ამოტანის დროს ორივე გუნდმა ბევრი შეცდომა დაუშვა. ჩვენ ჯერ პენალტით დავსაჩუქრდით, შემდეგ კი მეორე გოლის დროს "შალკეს" მოთამაშეები შეცდნენ. თუმცა მეტოქეს შანსებს ჩვენც ვაძლევდით და ერთი გოლი რომ გაგვეშვა შესაძლოა ყველაფერი გართულებულიყო. თუმცა ვფიქრობ მეორე ტაიმში ბრწყინვალე სამუშაო შევასრულეთ, ვინაიდან მატჩს ვაკონტროლებდით და მეტოქესაც ბევრ შანსს აღარ ვაძლევდით. ჩემი აზრით, გამარჯვება დამსახურებულია."

დომენიკო ტედესკო ("შალკეს" მწვრთნელი): "ვცდილობდით, რომ მეტოქეს მივახლოვებოდით და პრესინგი გვეთამაშა, რაც კარგად გამოგვივიდა. მეტოქეს ბურთი რამდენიმეჯერ ავართვით და მომენტები გვქონდა, მაგრამ გამარჯვება უდავოდ დამსახურებულია, რადგან "ბაიერნი" ბურთს ძალიან მაღალ დონეზე აკონტროლებდა. ბიჭებმა ძალიან ბევრი ირბინეს, მთელი გრძნობით ითამაშეს, მაგრამ გოლის გატანა მაინც ვერ მოვახერხეთ."

რალფ ფიარმანი ("შალკეს" მეკარე): "კომპლიმენტი ჩემ გუნდს. ერთი-ერთზე ორთაბრძოლებში ძალიან კარგები ვიყავით, კარგი სამუშაო შევასრულეთ. პირველმა ბურთმა, რომელსაც მალე ჩვენი შეცდომის შედეგად მეორე გოლი მოჰყვა ცოტათი გაგვტეხა. იმის თქმა არ მინდა, რომ ეს ერთადერთ მიზეზი იყო, რადგან ანგარიშის შესამცირებლად შანსები გვქონდა. მატჩი შესაძლოა განსხვავებული სცენარით წარმართულიყო და ეს მტკივნეულია."

ლეონ გორეცკა ("შალკეს" ნახევარმცველი): "ვფიქრობ, პირველ ტაიმში ბევრი შეცდომა დავუშვით, ჯერ გოლების დროს, შემდეგ კი მომენტების გაფუჭების მხრივ. წინ ჩვენ რომ გავსულიყავით, მატჩი განსხვავებული იქნებოდა. ჩვენი მკაფიო შანსის შემდეგ "ბაიერნმა" პენალტი მოიპოვა. "შალკეს" უნდოდა, რომ საკუთარ მოედანზე რაღაცისთვის მიეღწია და ახლა ძალიან იმედგაცრუებულნი ვართ."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა