...

აუგსბურგი 1:3 ბაიერნი - მატჩის ანალიზი

მიუნხენის "ბაიერნმა" დღეს მორიგი ბავარიული დერბი მოიგო და ყველა ტურნირზე ერთად ზედიზედ მეოთხე გამარჯვება მოიპოვა. კარლო ანჩელოტის გუნდმა ქომაგების განწყობა უფრო აამაღლა და ჩემპიონთა ლიგის მეოთხე ტურის შეხვედრას კარგ ფორმაში ხვდება.

ახლა კი გთავაზობთ დღევანდელი შეხვედრის დეტალურ ანალიზს.

მატჩის მსვლელობა
ბავარიული დერბი საკმაოდ მაღალ ტემპში დაიწყო და "აუგსბურგმაც" თამამად შეუტია. პირველი ზუსტი დარტყმა სწორედ მათ განახორციელეს. მეხუთე წუთზე დაახლოებით 30-35 მეტრიდან კაპიტანმა, პოლ ვერჰაეგმა, გაისროლა, მაგრამ მანუელ ნოიერი მზად იყო. "ბაიერნმა" კი ვიდალი-ალაბა-ლევანდოვსკის ლამაზი კომბინაციით უპასუხა, რომელიც პოლონელის არაზუსტი დარტყმით დასრულდა. ამას კი ორწუთიანი ინტერვალი მოჰყვა, როდესაც ამოქმედდა "რობანდოვსკი". 20-ე წუთზე ფილიპ ლამმა მარჯვნივ არიენ რობენი ჩართო შეტევაში, რომელმაც ლევანდოვსკის საჯარიმოში შეატანა ბურთი, რობერტმა კი ყველაფერი იდეალურად გააკეთა - 1:0. ზუსტად ორ წუთში რობენმა პოლონელი ფორვარდი კვლავ ერთი-ერთზე დატოვა, მაგრამ ლევიმ დუგლას კოშტაზე გააკეთა პასი, რომელიც ჩაიჭრა. თუმცა, ბურთ კვლავ რობერტს მიუვიდა, რომელმაც ცენტრში არიენ რობენს დაუგორა და ჰოლანდიელმა შეტევა გოლით მაინც დააგვირგვინა. მალევე მოედანი დაზიანების გამო ხავი მარტინესმა დატოვა, რომელიც მატს ჰუმელსმა შეცვალა. "რეკორდმაისტერმა" შეტევები გააგრძელა და რობენის პასით ლევანდოვსკის გატანა კვლავ შეეძლო, მაგრამ მისი თავური მიზანს ასცდა. "აუგსბურგი" ტაიმის ბოლოს გააქტიურდა და ხაბი ალონსოს შეცდომის წყალობით მომენტიც შექმნა. ესპანელმა საყრდენმა საჯარიმოს ზახთან ბურთი ჟა-ჩოელ კოოს ჩააბარა, მაგრამ კორეელს დარტყმა არ გამოუვიდა და მანუმ ბურთი მარტივად აიღო. საბოლოოდ, პირველი ტაიმი "ბაიერნმა" ისე, როგორც გერმანიის თასზე, 2:0 მოიგო.
მეორე ნახევარი კი მასპინძლების უხეში შეცდომით დაიწყო, რასაც "ბაიერნის" მორიგი გოლი მოჰყვა. რობენმა კვლავ ლევანდოვსკის გაატანა, რომელმაც "აუგსბურგის" მცველი და მეკარე მარტივად მოატყუა და დუბლი გაიფორმა. დირკ შუსტერის გუნდმა სიტაუციის გამოსწორება სცადა, მაგრამ "ბაიერნი" თავს კარგად იცავდა. ლევანდოვსკის ჰეთ-თრიქის გაფორმებაც შეეძლო, მაგრამ მეკარესთან პირისპირ დარჩენილს ჰიტცმა აჯობა. მასპინძლებმა კი თავისი გოლი სტუმართა დაცვაში არსებული არეულობის შედეგად გაიტანეს. ბაიერმა ბურთი საჯარიმოსკან ასწია, ჰუმელსს საჰაერო დუელი ჟა ჩოელ კოომ მოუგო, შემდეგ კი რიკოშეტის შედეგად ბურთი ბაიერს მიუვიდა, რომელმაც კართან მარტო დარჩენილ კოოს დაუგორა და ამ უკანასკნელმაც გაიტანა. ამას კი ჰუმელსის სამი მომენტი მოჰყვა. მატსს სამივეჯერ კუთხურიდან შეეძლო გატანა, მაგრამ ორჯერ ჰიტცმა საოცარი სეივი გააკეთა, ერთხელ კი თავად გერმანელმა ააცილა. "ბაიერნმა" უპირატესობა მარტივად შეინარჩუნა და ბუნდესლიგაში ცხრა ტურის შემდეგ 23 ქულა დააგროვა. მთავარი მდევარი კი კვლავ "ლაიფციგია", რომელმაც ასევე მოიგო დღეს და კვლავ ორი ქულით უკანაა.

"მფრინავი ჰოლანდიელი"
ბოლო პერიოდში მუდმივად იმაზე მიდის ლაპარაკი, რომ მიუნხენის "ბაიერნს" ახალი ძალა სჭირდება, რომელმაც ფრენკ რიბერი და არიენ რობენი უნდა შეცვალოს. თუმცა, ჯერჯერობით, ორივე ვეტერანი ჩინებულ ფორმაშია და საკმაოდ მაღალი კლასის თამაშს აჩვენებს. დღეს ეს 32 წლის ჰოლანდიელმა დაამტკიცა, რომელმაც ფენომენალური თამაში აჩვენა. რობენმა ორი საგოლე პასი გააკეთა და ერთი ბურთი თავად გაიტანა, მაგრამ ყველაზე მნიშვნელოვანი მისი ჩვეული დრიბლინგები და ცენტრში შეჭრები იყო, რომლებსაც მშვენიერი გადაცემებით აგვირგვინებდა. თუ წლების წინ არიენი ათიდან ათივე შემთხვევაში კარისკენ ისროდა, ამჯერად ის უფრო გუნდური მოთამაშეა და ასაკთან ერთად უფრო სასარგებლოც. რობენს სისწრაფეც არ აკლია, ხოლო საშემსრულებლო ოსტატობა უბერებელია. დღევანდელი დერბი კიდევ ერთი ნათელი დასტური იყო იმისა, რომ რიბერისა და რობენის ეპოქა ჯერ არ დასრულებულა. მათ "ბაიერნისთვის" დახმარების გაწევა ჯერ კიდევ შეუძლიათ.

ანჩელოტის მორიგი დაცვითი ცვლილებები
ეს ორი ბავარიული დერბი ერთმანეთს არამხოლოდ ანგარიშით, არამედ კარლო ანჩელოტის მიერ განხორციელებული ცვლილებებითაც ჰგავს. იტალიელმა სპეციალისტმა ორივე შეხვედრში მინდორზე ორი მცველი და ერთი საყრდენი ნახევარმცველი შეიყვანა. მატს ჰუმელსის გამოყვანა იძულებითი იყო, ვინაიდან ხავი მარტინესი დაიმტვრა. ჰოლგერ ბადშტუბერის შეყვანაც გამართლებულია, რადგან გერმანელს სათამაშო პრაქტიკა ნამდვილად სჭირდება, თანაც მან მორიგ მძიმე ტრავმა გადაიტანა და მთელი კლუბი მხარს უჭერს. თუმცა, მათ გარდა მოედანზე ჯოშუა კიმიხი შევიდა, თანაც მან არიენ რობენი შეცვალა. აშკარაა, რომ იტალიელი სპეციალისტი ექსპერიმენტებს მიმართავს, მაგრამ ცვლილებები, რომელსაც "ბაიერნი" აკეთებს, ქმნის შთაბეჭდილებას, რომ გუნდი აძლიერებს დაცვას და თამაშობს შედეგის შენარჩუნებაზე. ყველაზე საინტერესო კი ის არის, რომ სათადარიგო სკამზე რენატო სანჩეში და ტომას მიულერი დარჩნენ. თუმცა, ანჩელოტიმ თავისი საქმე კარგად იცის, უბრალოდ აღსანიშნავია, რომ ბოლო ორ შეხვედრაში "ბაიერნის" ცვლილებები უკანა ხაზის გაძლიერებას ემსახურებოდა.

ფილიპ ლამი კვლავ ცენტრში
დღევანდელ შეხვედრაში ერთი საინტერესო გადაადგილებაც შედგა. ჯოშუა კიმიხის მოედანზე გამოსვლის შემდეგ, "ბაიერნის" კაპიტანმა და მარჯვენა მცველმა, ფილიპ ლამმა, მოედნის ცენტრში შეიწია და ისე, როგორც გვარდიოლას პირველ წლებში, საყრდენის პოზიციაზე იასპარეზა. მისი ადგილი კი კიმიხმა დაიკავა. შესაძლოა, ჯოშუას მინდორზე გაყვანაც სწორედ ლამის ცენტრში გადაწევის მიზნით მოხდა. ფილიპმა თავისთვის უკვე კარგად ნაცნობი ამპლუა კვლავ ჩინებულად მოირგო, ბურთი ძალიან კარგად დაიჭირა და შეტევაშიც ნაყოფიერად მოქმედებდა. მატჩის მიწურულს კაპიტანს ერთი კარგი მომენტიც ჰქონდა, მაგრამ მისი დარტყმული კარს ცოტათი ასცდა. საბოლოო ჯამში, ანჩელოტის ამ ექსპრიმენტმა გაამართლა და არ არის გამორიცხული, რომ იტალიელი ამაში მომავლის პერსპექტივას ხედავდეს. ალონსომ დღეს რამდენიმე უხეში შეცდომა დაუშვა და შესაძლოა გუნდს ცენტრში ფილიპ ლამი მართლაც დასჭირდეს. მარჯვენა ფრთაზე კი ისე, როგორც ეროვნულ ნაკრებში, ჯოშუა კიმიხი იმოქმედებს.

მომდევნო სანაკრებო პაუზამდე მიუნხენური გრანდი კიდევ ორ თამაშს ჩაატარებს და იმედია, "ბაიერნის" გამარჯვებათა სერია გაგრძელდება. კარლო ანჩელოტი კვლავ ჩამოყალიბების პროცესშია, მაგრამ "რეკორდმაისტერი" ახლა უფრო აქტიურად და აგრესიულად უტევს, ფლანგებს ბრწყინვალედ იყენებს. სამომავლოდ კი აუცილებელია დაცვის ცენტრის სტაბილურად შეკვრა, რადგან ანჩელოტი მუდმივ როტაციას მიმართავს და ცენტრში ოპტიმალური ტრიოს შეკვრა. შეტევაში ასე თუ ისე ყველაფერი გასაგებია, თანაც კარლოს დიდი არჩევანი აქვს და შეუძლია მეტოქის მიხედვით შეარჩიოს შემადგენლობა. скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
Mapa T.Dig
Mapa T.Dig | 12 აპრილი 2017 05:59
Strictly off the record, I think the director is going to get married soon.
Ремонт холодильников Dako Дако в Москве цена
Badly written, but. Have you ever run a marathon?
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა