გერმანულმა გამოცემა BILD-მა "ბაიერნის" ფანებისთვის სასიხარულო ინფორმაცია დაადასტურა.
გუნდის ამომავალმა ვარსკვლავმა, ჯამალ მუსიალამ დღეს, შუადღისას ახალ კონტრაქტს მოაწერა ხელი.
წყაროს ცნობით, მუსიალა "რეკორდმაისტერის" რიგებში 2026 წლამდე დარჩება. მისი ანაზღაურება 5 მილიონი ევრო იქნება ყოველწლიურად.
შეგახსენებთ, რომ ფეხბურთელს 18 წელი თებერვალში შეუსრულდა და სწორედ ამის შემდეგ გახდა პროფესიონალური კონტრაქტის გაფორმება შესაძლებელი.