მიუნხენის "ბაიერნისა" და დორტმუნდის "ბორუსიას" შეხვედრის 68-ე წუთზე ჟერომ ბოატენგმა დაზიანება მიიღო, რის გამოც სასწრაფოდ შესაცვლელი შეიქნა.
მატჩის დასრულების შემდეგ ჰანს ფლიკმა ვეტერანი მცველის ტრავმის სიმძიმეზე ისაუბრა:
"ჟერომს ვესაუბრე და მითხრა, რომ მუხლი გადაუბრუნდა. ამჟამად მეტის თქმა შეუძლებელია. უფრო ზუსტად გამოკვლევების შემდეგ გავიგებთ." - აცხადებს ფლიკი.
როგორც წესი, მსგავსი ტიპის დაზიანების აღდგენას 2-4 კვირა სჭირდება. თუმცა, თუ ოპერაცია გახდა საჭირო არის საშიშროება იმისა, რომ ბოატენგს მთელი დარჩენილი სეზონი გაუცდეს.