ლევერკუზენის "ბაიერის" ყოფილმა სპორტულმა დირექტორმა, რაინერ კალმუნდმა, კაი ჰავერტცის "ბაიერნში" გადასვლაზე კომენტარი გააკეთა.
"კაი ჰავერტცი მიუნხენის "ბაიერნში" მომდევნო წელს გადავა და არა ახლა. ამ ზაფხულს ის სხვა კლუბში ნამდვილად არ გადავა.
"ბაიერს" სურს, რომ მისი თამაშით კიდევ რამდენიმე თვე დატკბეს, მაგრამ აშკარაა, რომ ის "ბაიერნში" წავა.
იმედი მაქვს, კაი გერმანიაში დარჩება და კარიერას მიუნხენურ გრანდში გააგრძელებს", - განაცხადა კალმუნდმა.
19 წლის გერმანელ სუპერ-ტალანტს შესანიშნავი სეზონი ჰქონდა და მისი გუნდი ჩემპიონთა ლიგის ზონაში მოხვდა.
"რეკორდმაისტერი" ჰავერტცს აკვირდება და შესაძლოა კაი მომდევნო წლის ზაფხულში გადაიბიროს.