...

ლაიფციგი 1:1 (4:5 პენ.) ბაიერნი - მატჩისშემდგომი კომენტარები

გერმანიის თასის დრამატული, ემოციური და ძალიან სანახაობრივი მეორე წრის მატჩის შემდეგ, "ლაიფციგისა" და მიუნხენის "ბაიერნის" წარმომადგენლებმა თამაში შეაფასეს.

კარლ-ჰაინც რუმენიგე: "ამ თამაშში იყო ყველაფერი, რასაც მაყურებელი ელოდა. დიდებული მატჩი გამოვიდა. საბოლოოდ, პენალტების სერიაში ცოტათი გაგვიმართლა და მომდევნო ეტაპზე გავედით. დამატებითი დროის პირველ ტაიმში ძალიან ბევრი საგოლე მომენტი გვქონდა და მატჩის ბედი სწორედ მაშინ უნდა გადაგვეწყვიტა. ორივე გუნდი დიდებული ბრძოლა შესთავაზა ერთმანეთს."

სვენ ულრაიხი: "ფლეი-ოფის მატჩები ყოველთვის ძალიან საინტერესოა. სამწუხაროდ, თამაშის ბედი სათამაშო 120 წუთში ვერ გადავწყვიტეთ. მოხარული ვარ, რომ გუნდს დავეხმარე. კომპლიმენტი ჩვენს მეკარეების მწვრთნელს, რომელიც პენალტებს ყოველთვის ძალიან კარგად აანალიზებს. სამწუხაროდ, მხოლოდ ერთი ბურთი მოვიგერიე, მაგრამ სწორედ ეს გამოდგა გადამწყვეტი, რადგან ბიჭებმა ყველა დარტყმა ზუსტად შეასრულეს."

არიენ რობენი: "ძალიან ნერვიული თამაში გამოვიდა. ეს ორი ძალიან მაღალი დონის გუნდის დაპირისპირება იყო. მაყურებელმა საკმაოდ ცხელი, ინტენსიური მატჩი იხილა. მოულოდნელად, რიცხობრივი უპირატესობის დროს გავუშვით გოლი, მაგრამ საბედნიეროდ, საპასუხო ბურთი მალევე გავიტანეთ. ამის შემდეგ ბევრი შანსი გვქონდა, მაგრამ არ გაგვიმართლა. ჰაინკესმა კარგად მოგვამზადა და ვიცოდით რაც გველოდა. პირველი ტაიმი ნორმალური იყო, მაგრამ ბურთის ფლობის მხრივ არა. დაცვაში მართლაც ნორმალურად ვითამაშეთ, მაგრამ შეტევაში იყო გარკვეული ხარვეზები, მათ შორის ბურთის დაკარგვის შემდეგ მის დაბრუნებაზე თამაშის დროს."

რალფ ჰაზენჰიუტლი ("ლაიფციგის" მთავარი მწვრთნელი): "ვფიქრობ, შეგვიძლია თავები მაღლა ავწიოთ, რადგან ამ საღამოს 120 წუთის განმავლობაში გმირულად ვიბრძოდით. ეს სრული სიგიჟე იყო - დიდი მატჩი, ძალიან კარგი სანახავი, რომლითაც ყველა სიამოვნებას მიიღებდა. 10 კაცით "ბაიერნის" წინააღმდეგ თამაში არანორმალურად რთულია."

ემილ ფორსბერგი ("ლაიფციგის" ნახევარმცველი): "რა თქმა უნდა, მარცხი მტკივნეულია, ვინაიდან კარგი თამაში ვაჩვენეთ. ჩვენ 60 წუთზე მეტი ხნის განმავლობაში უმცირესობაში ვიმყოფებოდით. ასეთ დროს კი "ბაიერნის" დონის მეტოქესთან ძალიან რთულია. თუმცა შეგვიძლია ვიამაყოთ, რადგან მოედანზე ყველაფერი დავდეთ და ბოლომდე ვიბრძოლეთ. ცხოვრება გრძელდება. "ბაიერნს" შაბათს კიდევ ერთხელ შევხვდებით და ჩვენ მათი დამარცხება გვინდა!"

პიტერ გულაჩი ("ლაიფციგის" მეკარე): "ჩვენ 120 წუთის განმავლობაში საოცრად ვიბრძოლეთ და ცოტათი სამწუხარო იყო, რომ საბოლოოდ, ამის საფასურად ვერაფერი მივიღეთ. ვფიქრობ, დავამტკიცეთ, რომ ძლიერი მენტალიტეტი გვაქვს. ეს არანორმალური გუნდური ასპარეზობა იყო. ეს "ლაიფციგისთვის" მხოლოდ მესამე მატჩი იყო "ბაიერნთან" და ჩვენ ფრეს მივაღწიეთ. შაბათს კი მათთან მეოთხე პაექრობის დრო იქნება და თუ ასე ვითამაშებთ, მინიმუმ ქულის მოპოვების შანსი გვექნება. პირველ ტაიმში უმაღლეს დონეზე ვიასპარეზეთ."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა