...

"მე საკუთარი გზით მივდივარ" - იოზუა კიმიხის ინტერვიუ

მიუნხენის "ბაიერნის" ოფიციალურმა ვებ-საიტმა გუნდის ახალგაზრდა მარჯვენა მცველთან, იოზუა კიმიხთან, ინტერვიუ ჩაწერა, რომელშიც 22 წლის გერმანელმა გუნდში საკუთარ როლსა და პირად მიზნებზე ისაუბრა.

იოზუა, დარჩით თუ არა იმედგაცრუებული გასულ კვირას გლაზგოს "სელტიკთან" მატჩის შემდეგ? ეს იყო პირველი მატჩი მიმდინარე სეზონში, რომელიც სრულიად ვერ ჩაატარეთ.
"არაუშავს თუ 10 წუთით დავისვენე. 3:0 ვიგებდით, თანაც მეორე ტაიმში ვიგრძენი, რომ ფეხები ცოტათი დამიმძიმდა. ყოველ სამ დღეში ერთხელ თამაში ჩემთვის ახალია, ამიტომ ტემპის აკრეფვა მჭირდება. ამას ეროვნული ნაკრებიც ემატება. უკვე ძალიან ბევრი თამაშის ჩატარება მომიწია და მოედანზეც საკმაოდ დიდი დრო გავატარე."

როდესაც მოედანზე დატოვეთ, მაყურებელი ფეხზე წამომდგარი გიკრავდათ ტაშს. გაიგეთ ფანების ოვაციები?
"დიახ. დიდებულია, როდესაც 3:0 იგებ და მაყურებელი მოედნიდან აპლოდისმენტებით გაცილებს. ამ დროს ხვდები, რომ ფანები თავს ბედნიერად გრძნობენ."

"ბაიერნის" ფანებმა სექტემბრის საუკეთესო მოთამაშედ დაგასახელეს, ხოლო უეფამ "სელტიკთან" მატჩის საუკეთესო ფეხბურთელად აგირჩიათ. რას ნიშნავს ეს თქვენთვის?
"რა თქმა უნდა, დიდებულია, როდესაც კლუბის გარეთ მოიპოვებ აღიარებს. ეს იმას ნიშნავს, რომ გუნდს კარგად ეხმარები და შედეგიანადაც მოქმედებ. თუმცა, ამავდროულად, მნიშვნელოვანია იგივე ტემპის შენარჩუნება."

როდესაც ფილიპ ლამმა კარიერის დასრულება გადაწყვიტა, მის შემცვლელად ეგრევე თქვენ მოიაზრებოდით. რას იტყვით მოლოდინზე, რომელის ლამის ღირსეულად შეცვლას უკავშირდება?
"ეს სიტუაცია ეროვნული ნაკრებიდან კარგად ვიცი და მესმის, რომ შედარებები გაგრძელდება. ერთი მხრივ, ეს ჩემთვის სასიამოვნოა, მაგრამ მეორე მხრივ, თავიდანვე ნათელი იყო, რომ ფილიპ ლამს სრულიად ვერ შევცვლიდი. ფილიპი გუნდის კაპიტანი იყო, რომელიც მუდმივად უმაღლეს დონეზე ასპარეზობდა და მას ყველა პატივს სცემდა. მე ჯერ 22 წლის ვარ და მისგან მხოლოდ სწავლა შემიძლია. თუმცა ვაპირებ, რომ საკუთარი გზით ვიარო."

არის კიდევ რომელიმე მარჯვენა მცველი, ფილიპ ლამის გარდა, რომლისგანაც რამეს ისწავლიდი?
"ჩემს თაობაში რამდენიმე მათგანია. მაგალითად, დანი ალვეში, რომელმაც ჩემი აზრით, ბოლო წლებში მარჯვენა მცველის სათამაშო სტილზე სერიოზული გავლენა იქონია. მან კონცეფცია საკუთარი აგრესიული თამაშით, დრიბლინგებით და მეტოქის კართან სახიფათო მოქმედებებით შეცვალა. აგრეთვე ვფიქრობ, რომ დანი კარვახალიც ძალიან კარგი მოთამაშეა."

კარიერის განმავლობაში ბევრ განსხვავებულ პოზიციაზე გაქვთ ნათამაშები: მარჯვენა მცველი, საყრდენი ნახევარმცველი, ცენტრალური მცველი...რა როლში წარმოგიდგენიათ საკუთარი თავი სამომავლოდ?
"ეს კითხვა საკუთარ თავს 4 წლის წინ დავუსვი, როდესაც "ლაიფციგში" ვიყავი და მაშინ ჩემი პასუხი იყო: "რა თქმა უნდა, საყრდენი ნახევარმცველი." თუმცა "ბაიერნში" თავდაპირველად ცენტრალურ მცველად, ხოლო გასულ წელს ეროვნულ ნაკრებში მარჯვენა მცველად მომიწია თამაში. ვფიქრობ, ჩემი მთავარი სიძლიერე სწორედ ეს არის - სხვადასხვა პოზიციებზე შემიძლია მოქმედება. თუმცა მინდა, რომ არსებობდეს ერთი კონკრეტული პოზიცია, რომელზეც იტყვიან, რომ ეს კიმიხის პოზიციაა."

როდესაც პირველად გადმოხვედით მიუნხენში თავდაპირველად დასთან ერთად ცხოვრობდით. კვლავ ერთ ბინაში ხართ?
"არა, ჩვენი თანაცხოვრება დასრულდა. ჩემი და ძირითადად სწავლით არის დაკავებული და ამჟამად მიუნხენში არ იმყოფება. მას თავისი პატარა ბინა აქვს. თუმცა თავიდან ეს გადაწყვეტილება ორივესთვის სასარგებლო იყო. ახალ ქალაქში გადასვლა მარტივი არ არის, ამიტომაც ერთმანეთს ყველაფერში ვეხმარებოდით. ეს ორივე ჩვენგანისთვის ძალიან მნიშვნელოვანი იყო."

ლაიფციგში იუსუფ პოულსენთან ერთად ცხოვრობდი. კვლავ გაქვს მასთან კონტაქტი?
"დიახ, რა თქმა უნდა. ჩვენ ერთად 2 წელი ვცხოვრობდით და შესანიშნავი ურთიერთობა ჩამოგვიყალიბდა. მიხარია, რომ რამდენიმე დღეში ერთმანეთს ორჯერ შევხვდებით, მიუხედავად იმისა, რომ მოედანზე მეგობრობას დავივიწყებთ."

"ლაიფციგმა" დორტმუნდში მოპოვებული გამარჯვებით სერიოზული განაცხადი გააკეთა. როგორ ფიქრობთ, სწორედ "ლაიფციგია" "ბაიერნის" მთავარი კონკურენტი ბუნდესლიგაში?
"ამ მომენტისათვის დორტმუნდის "ბორუსია" ჩვენზე წინ არის, ამიტომაც მთავარი კონკურენტიც ის გახლავთ. რაც შეეხება "ლაიფციგს", ვფიქრობ ჩემპიონთა ლიგაზე "პორტუსთან" გამარჯვება უფრო მომხიბვლელი იყო, ვიდრე "ბორუსიასთან." "პორტუს" წინააღმდეგ გუნდს დემე, ვერნერი და პოულსენი აკლდა, ემილ ფორსბერგს კი რამდენიმე მატჩი ჰქონდა მოტოვებული. ეს გამარჯვება იმის დასტური იყო, რომ გუნდს საკმაოდ მაღალი კლასი აქვს."

თქვენი მშობლიური კლუბი "ბოიზინგენის" თამაშებზე ხშირად დადიხართ...
"დიახ, ეს ჩემი მშობლიური ქალაქია. ჩვეულებისამებრ, იქ კვირაობით ჩემი მშობლები მიმყავს და ყოველთვის რამდენიმე თამაში ემთხვევა, რომელშიც მონაწილეობას ჩემი ძველი მეგობრები იღებენ. "ბოიზინგენს" სამი ასაკობრივი გუნდი ჰყავს და ვცდილობ, ყველას თამაშს დავესწრო. ჩემი მეგობრების ყურება ნამდვილად სასიამოვნო და სახალისოა, ამიტომაც იმედი მაქვს, იქ ხშირად მოვხვდები ხოლმე."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
იოზუა კიმიხი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა