...

"მიუნხენში ბედნიერი ვარ" - ხამესის ინტერვიუ

მიუნხენის "ბაიერნის" შემტევმა ნახევარმცველმა, ხამეს როდრიგესმა, რამდენიმე დღის წინ მიუნხენურ გამოცემა "TZ-Online-თან" ჩაწერა ინტერვიუ და გერმანიაში აკლიმატიზაციაზე ისაურა.

26 წლის კოლუმბიელი გერმანულმა გრანდმა ამ ზაფხულს მადრიდის "რეალიდან" ორწლიანი იჯარის წესით დაიმატა და ხამესი ჯერ კიდევ ოპტიმალურ ფორმის ძიებაშია, მაგრამ რამდენიმე კარგი მატჩის ჩატარება უკვე მოასწრო.

ხამეს, გილოცავთ მეორე გოლს "ბაიერნის" მაისურით.
"მადლობა. საკუთარი ქომაგების თვალწინ "ალიანს არენაზე" პირველი გოლის გატანა დიდებული შეგრძნება იყო. მჯერა, რომ ეს პირველ რიგში გუნდის კარგი თამაშის დამსახურება იყო. "ლაიფციგთან" თამაშში რამდენიმე რეალური საგოლე მომენტი შევქმენით და სამი ქულის მოპოვების საკითხი ეჭვქვეშ არ დაგვიყენებია."

მოდი თქვენზე ვისაუბროთ. თქვენს აკლიმატიზაციაზე მიუნხენში უკვე ბევრი ითქვა. თავად როგორ შეაფასებდით "ბაიერნში" გატარებულ საწყის ორ თვეს?
"ლაიფციგთან" სათასო თამაშამდე ზურგის პრობლემები მქონდა, მაგრამ ახლა თავს ჩინებულად ვგრძნობ. ვცდილობ, რომ ყოველდღიურად ინტენსიურად და კარგად ვივარჯიშო, რათა ფორმა შევინარჩუნო. რა თქმა უნდა, მიუნხენურ ცხოვრების წესს, რომელიც ჩემთვის ახალია, ჯერ კიდევ უნდა მივეჩვიო, მაგრამ სიტუაცია დღითიდღე უმჯობესდება. აქ თავს კარგად ვგრძნობ."

ზოგიერთმა მედიამ გაავრცელა, რომ მთავარი პრობლემა არის ენა. მოდი განგვიმარტეთ.
"რა თქმა უნდა, აქ ჩემთვის სრულიად ახალი ცხოვრება დაიწყო. "ბაიერნის" სათამაშო სტილი და ფილოსოფიაც ჯერ ბოლომდე არ მაქვს გააზრებული. გერმანიაში უფრო ცივა, ვიდრე იმ ქვეყნებში, რომლებშიც აქამდე ვყოფილვარ, მაგრამ მადლობა ღმერთს, რომ ჩემთვის მთავარი ფეხბურთია და მერე სხვა დანარჩენი. ვაკეთებ იმას, რაც მიყვარს, ამიტომ მიუნხენში სრულიად ბედნიერი ვარ. ახლა დატვირთული პერიოდია და მზად ვარ, რომ საკუთარი შესაძლებლობები ბოლომდე გამოვავლინო."

იუპ ჰაინკესი თქვენზე თბილად საუბრობს. თქვენ თავად რას იტყოდით მასზე, ახალ მწვრთნელზე. როგორი ურთიერთობა გაქვთ იუპთან, ესპანურად ხომ ისიც საუბრობს?
"მასთან ძალიან კარგი ურთიერთობა მაქვს. ჰაინკესი ძალიან გამოცდილი მწვრთნელია, რომელიც გუნდში ექსტრაორდინალურ სიმშვიდესა და კონცენტრაციას ამყარებს. აშკარაა, რომ მას ძალიან ბევრი რამ აქვს ნანახი. ისე, როგორც სხვა სპეციალისტებთან მუშაობისას, ახლაც ვცდილობ, რომ ვისწავლო და რაც შეიძლება მეტი მივიღო. ვცდილობ, ყველაფერი გავითვალისწინო, ავითვისო და მისი ხელმძღვანელობით გავიზარდო, როგორც მოთამაშე. ის ფაქტი, რომ ჰაინკესი ესპანურად საუბრობს, ყველაფერს ამარტივებს."

გეწყინათ კარლო ანჩელოტის წასვლა? ამას მოჰყვა ჭორები, რომ მიუნხენში დარჩენას არ აპირებთ და "რეალში" ბრუნდებით.
"ამან გული ნამდვილად დამწყვიტა, მაგრამ ფეხბურთში აუცილებლად წინ უნდა იარო, ვინაიდან ყველაფერი სწრაფად იცვლება. ჩვენ, ყველამ, ვინც საფეხბურთო სამყაროში ვცხოვრობთ, ვიცით, რომ მსგავსი რაღაცეები უნდა მივიღოთ. ყოველთვის მზად უნდა იყო, რომ შესაძლოა აი ახლა რაღაც შეიცვალოს. მხოლოდ იმის თქმა შემიძლია, რომ კარლოს დიდი მადლობელი ვარ, ვინაიდან მისი ხელმძღვანელობით ძალიან ბევრი რამ ვისწავლე."

რა როლში გხედავთ თქვენ ჰაინკესი?
"ვფიქრობ, ახალი მთავარი მწვრთნელის ხელმძღვანელობით ბევრი არაფერი შეიცვლება. მე შემიძლია თამაში როგორც მარცხენა ფრთაზე, ისე ცენტრში და ორივე პოზიციაზე ერთნაირად სახიფათო ვარ."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ხამეს როდრიგესი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა