მიუნხენის "ბაიერნის" აღმასრულებელი საბჭოს დირექტორმა, კარლ-ჰაინც რუმენიგემ სუპერლიგის შექმნაზე კომენტარი გააკეთა.
"მიუნხენის "ბაიერნს" მონაწილეობა არ მიუღია სუპერლიგის შექმნაში. ჩვენ მიგვაჩნია, რომ ამჟამინდელი სტრუქტურა ფეხბურთში გარანტიას იძლევა საიმედო საფუძვლისა."
"კლუბი მიესალმება ჩემპიონთა ლიგაზე ცვლილებების შემოღებას და გვჯერა, რომ ეს ფეხბურთის განვითარებას ხელს შეუწყობს. მოდიფიცირებული ჯგუფური ეტაპი მოგვცემს კიდევ უფრო მეტ საინტერესო და ამაღელვებელ მატჩს."
"არ ვფიქრობ, რომ სუპერლიგა იმ ფინანსურ პრობლემებს გადაჭრის, რაც ევროპულმა კლუბებმა კორონავირუსის პანდემიისგან მიიღეს."
"ყველა კლუბმა და ფეხბურთელმა ერთად უნდა მიიღოს ამ პრობლემის გადაჭრაში მონაწილეობა, რათა ფეხბურთი კიდევ უფრო მიმზიდველი გახდეს." - წერია განცხადებაში.