...

პრევიუ: დ.ბორუსია - ბაიერნი

იუპ ჰაინკესის დაბრუნების შემდეგ დაახლოებით ერთი თვე გავიდა და ახლა 72 წლის გერმანელს მთავარი გამოცდა ელის - გასვლა დორტმუნდში და მთავარ კონკურენტთან უმნიშვნელოვანესი დაპირისპირება.

დორტმუნდის ბორუსია - ბაიერნი

ჩემპიონატი: გერმანიის ბუნდესლიგა, XI ტური
თარიღი: 4 ნოემბერი, 21:30 საათი
სტაიდონი: "სიგნალ-იდუნა-პარკი", დორტმუნდი
მთავარი მსაჯი: ტობიას შტილერი
პირდაპირი ტრანსლიაცია: Setanta Georgia+

გუნდების წინასამატჩო მდგომარეობა


სეზონის შესანიშნავი სტარტის შემდეგ დორტმუნდის "ბორუსიამ" საგრძნობლად მოუკლო და ყველა ტურნირზე ჩატარებული ბოლო 6 შეხვედრიდან მხოლოდ ერთი მოიგო, ისიც გერმანიის თასზე მესამე ბუნდესლიგის გუნდ "მაგდებურგთან". ეროვნული ჩემპიონატის ბოლო 3 ტურში დორტმუნდელებმა მხოლოდ ერთი ქულა მოიპოვეს და წინა ტურში ახალწვეულ "ჰანოვერთან" სტუმრად 2:4 დამარცხდნენ. ჩემპიონთა ლიგაზე კი "ბორუსიამ" აუტსაიდერ "აპოელს" ვერცერთი თამაში ვერ მოუგო და ფლეი-ოფში გასვლის შანსები პრაქტიკულად დაკარგა. სწორედ ამიტომ პიტერ ბოშის გუნდი ყველაფერს გააკეთებს იმისათვის, რომ სანაკრებო პაუზის წინ ხასიათი გამოისწოროს და გამარჯვების გზას დაუბრუნდეს - ამისათვის კი "ბაიერნთან" საშინაო მატჩი იდეალური საშუალებაა. "ყვითლების" ცუდი ფორმა პირველ რიგში დაცვაში ძალიან სუსტი თამაშის შედეგია, მაგრამ გუნდს შეტევაში მომენტების რეალიზაციის პრობლემაც აქვს. პიერ-ემერიკ ობამეიანგს უკვე 4 თამაშია არ გაუტანია გოლი. შუაკვირას, "აპოელთან" საშინაო შეხვედრაში, გუნდს რამდენიმე თვიანი პაუზის შემდეგ ევროპის ჩემპიონი რაფაელ გერეირო დაუბრუნდა, რომელმაც გოლიც გაიტანა და შესაძლოა მისი გამოჯანმრთელება ბოშისთვის იდეალური იყოს, ვინაიდან ახლა გუნდს სწორედ დაცვის ფლანგებზე აქვს პრობლემები, გერეირო კი შესანიშნავი მოთამაშეა, რომელსაც დაცვის მარცხენა ფრთაზე შეუძლია მოქმედება. "ბორუსიას" ახლა სერიოზული პრობლემები აქვს, მაგრამ ეს გუნდი მიუნხენის "ბაიერნის" წინააღმდეგ ყოველთვის საოცრად მოტივირებულია, მით უმეტეს, დორტმუნდში.


იუპ ჰაინკესი დაბრუნდა და სიტუაცია უკეთესობისკენ შეიცვალა - გუნდი უფრო ორგანიზებულად, კომპაქტურად მოქმედებს, შეტევაშიც ეფექტურად თამაშობს და მიუხედავად იმისა, რომ პრობლემები ჯერ კიდევ არის, შედეგი იდეალურია - 6-დან 6 გამარჯვება, აქედან ერთი პენალტების სერიაში გერმანიის თასზე "ლაიფციგთან". სამშაბათს მიუნხენურმა გრანდმა გლაზგოში საკმაოდ მძიმე ბრძოლა გადაიტანა, მაგრამ საბოლოოდ მაინც აიღო მნიშვნელოვანი სამი ქულა. "სელტიკმა" "ბაიერნს" სერიოზული პრობლემები შეუქმნა და გამოჩნდა, რომ დაცვის ხაზში ყველაფერი რიგზე არ არის, მაგრამ ისიც გასათვალისწინებელია, რომ შოტლანდიაში ჰაინკესმა მატს ჰუმელსი და იოზუა კიმიხი დაასვენა. გამარჯვების მომტანი გოლი ხავი მარტინესმა გაიტანა, რომელიც იუპის დაბრუნების შემდეგ მოედნის ცენტრში შესანიშნავად ირჯება და აშკარაა, რომ ის გუნდისთვის ახლა უფრო სასარგებლოა. "ბაიერნს" ცენტრშიც აქვს პრობლემები, ვინაიდან კორენტინ ტოლისო ჯერ აშკარად ვერ არის ოპტიმალურ კონდინციებში, ვერც არტურო ვიდალმა აკრიფა საუკეთესო ფორმა, სამაგიეროდ მარტინესია ჩინებული და მისი თანამემამულე ტიაგო ალკანტარა, რომლის თამაშის ყურებაც ერთი სიამოვნებაა. "სელტიკთან" მატჩი კუნთის პრობლემების გამო რობერტ ლევანდოვსკიმ გამოტოვა და პოლონელის არყოფნა გუნდს სერიოზულად დაეტყო, მაგრამ რობერტი დღევანდელი თამაშისთვის მზად არის. სამწუხაროდ, "ბაიერნს" ბოლო მომენტში იოზუა კიმიხი გამოაკლდა - 22 წლის გერმანელი დორტმუნდში გუნდს მუცლის პრობლემების გამო არ გაჰყვა. იოს გამოცდილი ბრაზილიელი რაფინია ჩაანაცვლებს, სხვა მხრივ კი გუნდს არანაირი დანაკლისი არ აქვს.

მიუნხენის "ბაიერნმა" ბოლო ერთ კვირაში სამი სერიოზული ბრძოლა გადაიტანა და ახლა მთავარი ორთაბრძოლის დროა - დორტმუნდში იუპ ჰაინკესი ეცდება, რომ თავისი დაბრუნების პირველი ეტაპი დააგვირგვინოს და მოიგოს ამ ეტპზე გუნდისთვის ყველაზე მნიშვნელოვანი მატჩი.

სავარაუდო შემადგენლობები

დ.ბორუსიას დააკლდებიანდურმი (ბარძაყი), პიშჩეკი (მუხლი), როისი (მუხლი), როდე (მენჯი).

ბაიერნს დააკლდებიან: კიმიხი (მუცელი), მიულერი (ბარძაყი), რიბერი (მუხლი), ბერნატი (ბოლომდე არ არის მზად), ნოიერი (ტერფი).

საინტერესო ფაქტები

  • ბუნდესლიგის ბოლო 4 ტურში მხოლოდ "ბაიერნმა" დააგროვა ქულათა მაქსიმუმი (12) - იუპ ჰაინკესი ბრწყინვალე შედეგებით დაბრუნდა!

  • გერმანიის ეროვნული ჩემპიონატის მე-10 ტურში მიუნხენური გრანდი სატურნირო ცხრილს სათავეში მიმდინარე სეზონში პირველად ჩაუდგა.

  • იუპ ჰაინკესი გახდა პირველი მწვრთნელი "ბაიერნის" ისტორიაში, რომელმაც თავისი პირველი სამი თამაში მშრალად მოიგო.

  • ჰაინკესი დორტმუნდის "ბორუსიას" ბოლოს 2013 წლის მაისში დაუპირისპირდა და ეს ჩემპიონთა ლიგის ფინალი იყო, რომელიც "ბაიერნმა" "უემბლიზე" 2:1 მოიგო.

  • ჰაინკესის "ბაიერნმა" ბოლო ოცი თამაშიდან ბუნდესლიგაში 19 მოიგო და ერთადერთი გამონაკლისი დორტმუნდში "ბორუსიასთან" ფრე (1:1) გახლავთ.

  • დორტმუნდის "ბორუსიამ" ბუნდესლიგაში ბოლო სამი მატჩი ვერ მოიგო და 9 ბურთი გაუშვა, რაც "ყვითლების" ყველაზე ცუდი სერიაა ეროვნულ ჩემპიონატში 2014/15 წლების სეზონის შემდეგ.

  • უკანასკნელი რვა წლის განმავლობაში "ბაიერნმა" ბუნდესლიგის 6, ხოლო დორტმუნდის "ბორუსიამ" 2 ტიტული მოიგო. გარდა ამისა, მათ გერმანიის თასისა და სუპერთასის 16 თასიდან 14 მოიპოვეს, რაც იმის დასტურია, რომ 2009 წლიდან მოყოლებული გერმანიაში ეს ორი გუნდი სრულიად დომინირებს.

  • პიერ-ემერიკ ობამეიანგი და რობერტ ლევანდოვსკი ბუნდესლიგის ბომბარდირთა სიას 10-10 გოლით ლიდერობენ. ვნახოთ დღეს ვინ გავა წინ.

მწვრთნელების წინასამატჩო კომენტარები

პიტერ ბოში: ​"შესაძლოა, ამ თამაშმა სულზე მოგვისწრო. გამარჯვების შემთხვევაში შეგვიძლია, რომ განწყობა რადიკალურად შევიცვალოთ. გარდა ამისა, მოგების შედეგად კვლავ პირველები ვიქნებით და ამისათვის ყველაფერს გავაკეთებთ.

ჩვენ ჭკვიანურად თამაში გვმართებს, ვინაიდან წინააღმდეგ შემთხვევაში, "ბაიერნთან" არანაირი შანსი არ გექნება."

იუპ ჰაინკესი: ​"ეს იქნება თამაში, რომელშიც თანამედროვე ფეხბურთის თითოეულ "ინგრედიენტს" ვიხილავთ. ​​​​​​დორტმუნდში დიდი ამბიციებით ჩავდივართ და გვინდა, რომ გამარჯვებათა სერია გავაგრძელოთ.


როდესაც ერთმანეთს ორი ასეთი კალიბრის გუნდი ხვდება, წარსულის შედეგები ეგრევე მივიწყებას უნდა მიეცეს. "ბორუსიას" ცუდ ფორმაზე საერთოდ არ უნდა ვიფიქროთ, რადგან ეს ხელს შეგვიშლის.

საკმაოდ ინტენსიურ და დაძაბულ შეხვედრას ველი. ჩემთვის ფავორიტი არ არსებობს. ვეცდებით, რომ წინა კვირებთან შედარებით ცოტათი განსხვავებულად ვიმოქმედოთ."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა