...

პრევიუ: მ.ბორუსია - ბაიერნი

მიუნხენის "ბაიერნი" დღეს საღამოს "ბორუსია პარკს" ეწვევა და მიუნხენგლადბახის "ბორუსიასთან" საკმაოდ რთულ შეხვედრას გამართავს. იუპ ჰაინკესი თავის მშობლიურ არენაზე დაბრუნდება, სადაც ის ყველას უყვარს.

მ.ბორუსია - ბაიერნი

ჩემპიონატი: გერმანიის ბუნდესლიგა, XIII ტური
თარიღი: 25 ნოემბერი, 21:30 საათი
სტადიონი: "ბორუსია-პარკი", მიუნხენგლადბახი
მთავარი მსაჯი: მანუელ გრეფე
პირდაპირი ტრანსლიაცია: Setanta Georgia+

გუნდების წინასამატჩო მდგომარეობა

მიუნხენგლადბახის "ბორუსიამ" ბოლო პერიოდში საკმაოდ კარგი ფორმა აკრიფა და თუ ლევერკუზენის "ბაიერთან" მოულოდნელ გამანადგურებელ მარცხს (1:5) არ ჩავთვლით დიტე ჰეკინგის გუნდს ეროვნულ ჩემპიონატში ზედიზედ 5 ტურია არ წაუგია. გასულ უქმეებზე "მ.ბორუსიამ" ბერლინის "ჰერტასთან" სტუმრად ბრწყინვალე სანახობა დადგა და მეტოქე 4:2 დაამარცხა. ამ გამარჯვების შემდეგ მიუნხენგლადბახელებმა სატურნირო ცხრილში დორტმუნდის "ბორუსია" ჩამოიტოვეს და 21 ქულით მეოთხე პოზიციაზე გადაინაცვლეს. "ბორუსიას" საკმაოდ საინტერესო გუნდი ჰყავს, რომელიც მიმდინარე სეზონში შემტევ, ლაღ და გახსნილ ფეხბურთს თამაშობს. ჰეკინგის განკარგულებაში რამდენიმე საკმაოდ კარგი ფლანგის შემტევი მოთამაშეა: თორგან აზარი, ფაბიან ჯონსონი, ახალწვეული ვინჩენცო გრიფო, პატრიკ ჰერმანი, იონას ჰოფმანი. თავდასხმაში კი ლარს შტინდლისა და რაფაელის თანდემი კვლავ ჩინებულად გამოიყურება, თანაც მათ გამოცდილი პერუელი რაულ ბობადილიაც დაემატა. "მ.ბორუსიას" ძალიან კარგად მოერგო ახალგაზრდა შვეიცარიელი საყრდენი, დენის ზაქარია, რომელიც გუნდს ამ ზაფხულს "იანგ ბოიზიდან" შეუერთდა და ჰეკინგის გუნდის ერთ-ერთი წამყვანი ფიგურა გახდა. მიუნხენგლადბახელებს კვლავ ბრძოლისუნარიანი და კონკურენტუნარინი გუნდი ჰყავთ, რომელიც საკუთარ კედლებში ნებისმიერ მეტოქესთან მზად არის საბრძოლველად.

მიუნხენის "ბაიერნის" გამარჯვებათა სერია გრძელდება - იუპ ჰაინკესმა უკვე ცხრიდან ცხრა თამაში მოიგო, მაგრამ აღსანიშნავია ისიც, რომ ბრიუსელში მიუნხენელებს ძალიან გაუჭირდათ. "ანდერლეხტმა" პირველ ტაიმში გერმანულ გრანდი დაჯაბნა, მაგრამ სვენ ულრაიხის წყალობით "ბაიერნმა" გოლი არ გაუშვა, მეორე ტაიმში კი გამოცოცხლდა და საბოლოოდ 2:1 იმარჯვა. თუმცა იმ შეხვედრაში ტიაგო ალკანტარა და არიენ რობენი დაშავდნენ, რომლებიც დღევანდელ მატჩს გამოტოვებენ. ესპანელი ცენტრის დაზიანება სერიოზულია და მოსალოდნელია, რომ რამდენიმე თვეს გამოტოვებს, ხოლო ჰოლანდიელი გუნდს მალე დაუბრუნდება, უბრალოდ "მ.ბორუსიასთან" სათამაშოდ მზად არ აღმოჩნდა. ეს კი საკმაოდ სერიოზული პრობლემაა, ვინაიდან ახლა იუპ ჰაინკესის განკარგულებაში 100%-თ მზად მხოლოდ ორი შემტევი რჩება: ხამეს როდრიგესი და რობერტ ლევანდოვსკი. თომას მიულერი და ფრანკ რიბერი ამ კვირაში "ზებენერ შტრასზე" აქტიურად ვარჯიშობდნენ, მაგრამ იუპი არ გარისკავს და მათ მხოლოდ იმ შემთხვევაში გამოიყენებს თუ ბოლომდე იქნებიან გამოჯანმრთელებული. იგივე ითქმის ახალგაზრდა ფარნგ ვინგერზე, კინგსლი კომანზეც, მაგრამ მისი მდგომარეობა შედარებით უკეთესია და კინგსლი სათადარიგო სკამზე მაინც იჯდება. ჰაინკესმა პრესკონფერენციაზე უკვე დაანონსა, რომ მარტინესი, ტოლისო და ხამესი ძირითად შემადგენლობაში იქნებიან. მოსალოდნელია, რომ 72 წლის გერმანელი ცენტრს დატვირთავს და მარტინესი-ტოლისოსთან ერთად მოედანზე ვიდალი და სებასტიან რუდიც გავლენ. 30 წლის ჩილელს კი ძველი დროის გახსენება მოუწევს, როდესაც ლევერკუზენის "ბაიერში" ვინგერის როლს ასრულებდა და "ბაიერნს" შეტევით მოქმედებებში უნდა დაეხმაროს.

"რეკორდმაისტერს" საკმაოდ მძიმე საკადრო მდგომარეობა აქვს, მაგრამ ჰაინკესმა უკვე არაერთი არამოსაგები თამაში მოიგო, რაც იმედს გვაძლევს, რომ გუნდი "ბორუსია-პარკზეც" მხოლოდ გამარჯვებისთვის იბრძოლებს.

სავარაუდო შემადგენლობები


მ.ბორუსიას დააკლდებიან: დუკურე (ბოლომდე არ არის მზად), ჰოფმანი (მუხლი), შტრიობლი (კუნთი), ტრაორე (კუნთი), ბობადილია (ბოლომდე არ არის მზად).

ბაიერნს დააკლდებიან: რობენი (კუნთი), ტიაგო (ბარძაყი), მიულერი (ბოლომდე არ არის მზად), რიბერი (ბოლომდე არ არის მზად), ნოიერი (ტერფი).


საინტერესო ფაქტები
  • იუპ ჰაინკესი თავის მშობლიურ კლუბს უპირისპირდება - იუპი მიუნხენგლადბახის "ბორუსიას" ყველა დროის საუკეთესო ბომბარდირია. ის ამ კლუბის ღირსებას 12 წელი (1963-67 და 1970-78) იცავდა და 195 გოლის გატანა მოახერხა.

  • იუპმა სამწვრთნელო კარიერაც "მ.ბორუსიაში" 1979 წელს დაიწყო და გუნდს 8 წლის განმავლობაში წვრთნიდა, მაგრამ ტიტულის მოპოვება ვერ მოახერხა.

  • იუპ ჰაინკესსა და დიტერ ჰეკინგს, საერთო ჯამში, ბუნდესლიგაში 1009 მატჩი აქვთ ჩატარებული, რაც დანარჩენი 16 გუნდის თავკაცების თამაშების საერთო რაოდენობას (980) აღემატება.

  • იუპ ჰაინკესს გერმანიის ეროვნულ ჩემპიონატში 30 მატჩიანი დაუმარცხებელი სერია (26 მოგება, 4 ფრე) აქვს და ეს მისი პერსონალური რეკორდია.

  • "მ.ბორუსია" მიუნხენური გრანდისთვის ყველაზე უხერხული მოწინააღმდეგეა - ამ გუნდების ბოლო 15 დაპირისპირებიდან ბუნდესლიგაში "ბაიერნმა" მხოლოდ 6 მოიგო, 4 წააგო და 5 ფრედ დაასრულა.

  • "მ.ბორუსია" არამხოლოდ "ბაიერნისთვის", არამედ რობერტ ლევანდოვსკისთვისაც უხერხული მოწინააღმდეგეა - პოლონელს "ბორუსიას" კარში მხოლოდ ერთი გოლი აქვს გატანილი, მაგრამ ეს ჯერ კიდევ მასინ, როდესაც იგი დორტმუნდის "ბორუსიას" ღირსებას იცავდა.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბუნდესლიგა პრევიუ
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა