გერმანიის ბუნდესლიგა სტარტს 13 აგვისტოს "ბაიერნისა" და "მონხენგლადბახის ბორუსიას" დაპირისპირებით აიღებს, როგორც მოგეხსენებათ, "რეკორდმაისტერმა" მთავარი მწვრთნელი, ჰანსი ფლიკი, გაუშვა, რომელიც გერმანიის ნაკრებს ჩაიბარებს, ხოლო მიუნხენურ კლუბს მომავალი სეზონიდან იულიან ნაგელსმანი უთავკაცებს.
ძალიან საინტერესოა თუ როგორ შემადგენლობას ათამაშებს ხოლმე გერმანელი სპეციალისტი, "ბაიერნში" მისი საყვარელი თერთმეტეული ასე გამოიყურება: მეკარე: მანუელ ნოიერი, მცველები: ალფონსო დევისი, ლუკა ერნანდესი, დაიოტ უპამეკანო და ბენჟამინ პავარი. ცენტრში იოზუა კიმიხი, ლეონ გორეცკა და მათზე ოდნავ წინ ტომას მიულერი იმოქმედებს. შეტევაში კი მარჯვნიდან სერჟ გნაბრი, ცენტრში რობერტ ლევანდოვსკი და მარცხნიდან ლეროი სანე იქნება.
შეგახსენებთ, "ბაიერნმა" გადახალისებული შემადგენლობით "კიოლნის" წინააღმდეგ ამხანაგური მატჩი ჩაატარა და 3-2 დამარცხდა.