იოზუა კიმიხთან ახალი კონტრაქტის გაფორმების შემთხვევაში მიუნხენის "ბაიერნი" კიდევ ერთ მნიშვნელოვან პრობლემას გადაჭრის.
გერმანული გამოცემების ინფორმაციით, იმ შემთხვევაში, თუ იოზუა "რეკორდმაისტერთან" შეთანხმებას მიაღწევს, მაშინ გუნდში ლეონ გორეცკაც დარჩება.
მოგეხსენებათ, ორივე ფეხბურთელს კლუბთან კონტრაქტი 2023 წელს ეწურება. კიმიხთან მოლაპარაკებები უკვე დასკვნით ფაზაშია შესული და სავარაუდოდ, ის მალევე გახანგრძლივდება, გორეცკასთან კი საქმე უფრო რთულადაა.
წყაროს ცნობით, ფეხბურთელებს ერთმანეთთან ძალიან კარგი ურთიერთობა აქვთ და სწორედ ეს გახლავთ მიზეზი იმისა, რომ ლეონი თანაგუნდელის პასუხს ელოდება.