კინგსლი კომანმა შესაძლოა მიუნხენის ბაიერნი ამ ზაფხულს დატოვოს. ფეხბურთელის აგენტი პინი ზაჰავი უკვე ესაუბრა ინგლისური გუნდის წარმომადგენლებს - ინფორმაციას Sport1.de ავრცელებს.
25 წლის ფეხბურთელთან ახალი კონტრაქტი ბაიერნს ჯერ არ გაუფორმებია, თუმცა გერმანულ კლუბს ფეხბურთელის შენარჩუნება სურს. ბოლოს, როცა მოლაპარაკება კონტრაქტის განახლებაზე მიდგა, მხარეებს შორის დიდი უთანხმოება წარმოიშვა - მიზეზი ფრანგი ფეხბურთელის ახალი ხელფასი იყო.
როცა იუნაიტედმა ჯეიდონ სანჩოს ტრანსფერი დახურა, კომანის შეძენაზე უარი თქვა, რადგან ის სარეზერვო ვარიანტად მიიჩნეოდა.
ამ ეტაპზე, ფავორიტი ლივერპულია, მერსისაიდელები ყველაზე აქტიურად მუშაობენ ფრანგი ფეხბურთელის ტრანსფერზე, ამასთან მათი გარემოცვაც ადასტურებს, რომ ახალგაზრდა ფეხბურთელის გადაბირებით დაინტერესებულნი არიან.
ბუნდესლიგის გასულ სეზონში კინგსლი კომანმა 29 მატჩში მიიღო მონაწილეობა, სადაც თავი 5 გოლითა და 10 საგოლე გადაცემით გამოიჩინა.
ფეხბურთელს ბაიერნთან კონტრაქტი 2023 წლის 30 ივნისამდე აკავშირებს, transfermarkt-ზე მისი ფასი 65 მილიონი ევროა.