"ჩვენს შორის არანაირი წყენა არ არსებობს.." - ფლიკმა ლეროი სანეზე ისაუბრა

მოგეხსენებათ, გერმანიის ეროვნული ნაკრების მწვრთნელად მიმდინარე ზაფხულში ბაიერნის ყოფილი თავკაცი, ჰანს ფლიკი დაინიშნა.

გერმანელმა სპეციალისტმა Bild-თან ინტერვიუში, ლეროი სანეზე ისაუბრა:

'როდესაც მწვრთნელი ხარ, შენ გადაწყვეტილებები უნდა მიიღო .. მე ყოველთვის ვუხსნიდი სანეს ჩემს მიერ მიღებულ გადაწყვეტილებებს და მას ეს ყოველთვის ესმოდა. არ არსებობს არანაირი წყენა - პირიქით, ჩვენ ერთმანეთს ძალიან ვაფასებთ.

მე ვიცი რა შესაძლებლობები აქვს სანეს, მაგრამ ის ამას მოედანზე ყოველთვის ვერ ავლენდა. თუმცა, სანემ ახლა ყველაფერი გვაჩვენა - გუშინ მან მარცხენა ფლანგზე ითამაშა და ლამაზი საგოლე გადაცემაც შეასრულა. ნაგელსმანთან კონტაქტზე ვრჩები, რადგან ამ ეტაპზე ლეროის მხარდაჭერა ძალიან მნიშვნელოვანია.

ის დიდი ხნის განმავლობაში ტრავმირებული იყო და ჩვენ გვესმის, რომ გარკვეული დროა საჭირო, რათა სასურველი ფორმა დაიბრუნოს. მას ბაიერნში და ნაკრებშიც, ჩვენი მხარდაჭერა აქვს.' - განაცხადა ფლიკმა.