ოფიციალურად: ჯერომ ბოატენგი ლიონის ფეხბურთელია. მიუნხენის ბაიერნის აწ უკვე ყოფილმა მცველმა ფრანგულ კლუბთან 2-წლიანი კონტრაქტი გააფორმა.
32 წლის ფეხბურთელსა და კლუბს შორის მოლაპარაკებები ხელფასის გამო გაიწელა, თუმცა სატრანსფერო ფანჯრის ბოლო დღეს, მხარეებმა შეთანხმებას მაინც მიაღწიეს.
ბოატენგმა ბაიერნში 10 წელი გაატარა, წელს კი რეკორდმაისტერმა მას კონტრაქტი არ გაუხანგრძლივა. აღსანიშნავია, რომ გერმანელი მცველის გადაბირებას იტალიური ფიორენტინა და ლაციო ცდილობდნენ.
ლიონმა ჟერომ ბოატენგი თავისუფალი აგენტის სტატუსით დაიმატა და ის დღეს ოფიციალურად წარადგინა.