ჰუმელსის შემდეგ ბოატენგიც მისთვის ამერიკული ტური დროზე ადრე დამთავრდა

ბოატენგი ამერიკული ტურიდან კვირას დაბრუნდა პირადი მიზეზები გამო, რამაც მედიაში დიდი გამოხმაურება ჰპოვა - მისი "ალიანს არენა"-დან აბარგების შესაძლებლობის გამო.

მისი სხვა გუნდის მაისურით ნახვა სეზონის დასრულებისთანავე მოსალოდნელი იყო, მისი და "ბაიერნის" დამრიგებლის, ნიკო კოვაჩის, ურთიერთობის გამო.

მიუხედავად ამისა, რუმენიგე გულშემატკივრებს აწყნარებს და დასძენს, რომ ბოატენგის ბედი ჯერ კიდევ არაა გადაწყვეტილი.

NASA-ს ბაზაზე, ჰიუსტონში, მიცემულ ინტრევიუში ის აღნიშნავს: "ჩვენ ჯერ კიდევ ვაკვირდებით სატრანსფერო სიახლეებს, მხოლოდ ამის შემდეგ ვიმსჯელებთ შესაძლო ტრანსფერის შესახებ".

აღნიშვნის ღირსია ფაქტი - ბოატენგი წინა "ბუნდესლიგის" სეზონში მხოლოდ 20-ჯერ გამოჩნდა მოედანზე. თუმცა წინა სეზონის ცენტრის ბურჯმა - მატს ჰუმელსმა - უკვე დატოვა მიუნხენი და შესაძლოა, ამის გამო ბოატენგი კიდევ ერთი წლით დარჩეს "ალიანს არეანზე".

აქვე შეგახსენებთ, რომ მატს ჰუმელსი 38 მილიონი ევროს სანაცვლოდ დორტმუნდის "ბორუსიაში" დაბრუნდა.

თავის მხრივ, ნიკო კოვაჩიც კმაყოფილია ბოატენგის თამაშით და აღნიშნავს: "მე ისეთივე კმაყოფილი ვარ ბოატენგით, როგორც შემადგენლობის ნებისმიერი წევრით, ის ძალზედ ფოკუსირებულია, რაც "არსენალთან" მატჩამდე ვარჯიშზე კარგად გამოჩნდა".