...

5 მიზეზი თუ რატომ შეიძინა ბაიერნმა სანდრო ვაგნერი

მიუნხენის "ბაიერნმა" ჯერ კიდევ ზამთრის სატრანსფერო ფანჯრის გახსნამდე ერთ-ერთი მთავარი საკადრო პრობლემა მოაგვარა და რობერტ ლევანდოვსკის დუბლიორი დაიმატა.

"რეკორდმაისტერმა" "ჰოფენჰაიმიდან" საკუთარი აღზრდილი ფორვარდი, სანდრო ვაგნერი, დაიბრუნა და მას მეორე შანსი მისცა. რატომ მაინცდამაინც სანდრო ვაგნერი? ვნახოთ 5 მთავარი მიზეზი, რის გამოც "ბაიერნმა" არჩევანი სწორედ ვაგნერზე შეაჩერა.

1. ლევანდოვსკის დასვენების საშუალება ექნება

რობერტ ლევანდოვსკის ფიზიკური ფორმა და სტატისტიკა იმდენად შთამბეჭდავია, რომ იბადება ლოგიკური შეკითხვა: "რაში სჭირდება ამ მონსტრს შემცვლელი?" თუმცა პრაქტიკა საუკეთესო გამომცდელია - გასულ სეზონში ლევანდოვსკიმ თუნდაც მსუბუქი, მაგრამ მაინც დაზიანება, ყველაზე მნიშვნელოვანი თამაშების დროს მიიღო მადრიდის "რეალთან" მიუნხენურ გრანდს საუკეთესო ფორმაში მყოფი ლევანდოვსკი დააკლდა. მიმდინარე სეზონის მსვლელობისას კი 29 წლის პოლონელმა დუბლიორის მოყვანა თავადაც მოითხოვა.

"გასული სეზონი ჩემთვის ძალიან რთული გამოდგა. "ბაიერნის" ან პოლონეთის რიგებში ყოველ სამ დღეში ერთხელ პირველივე წუთებიდან მიწევს თამაშის დაწყება. მთელი სეზონის განმავლობაში ყოველ შეხვედრაში 90 წუთს ვერავინ ჩაატარებს. ჩემთვის მოედანზე 15-20 წუთით ნაკლები დროის გატარება ნამდვილად სასიკეთო იქნება. ვფიქრობ, ეს გუნდს გამოადგება იმისათვის, რომ სეზონის გადამწყვეტ პერიოდს საუკეთესო ფორმაში შევხვდე, თანაც ყოველი შემთხვევისთვის, სკამზე ჩემი შემცვლელი იყოს", - განაცხადა ლევანდოვსკიმ, რომელიც კარლო ანჩელოტის ხელმძღვანელობით იყო მოთამაშე, რომელმაც "ბაიერნის" მაისურით მოედანზე ყველაზე დიდი დრო გაატარა.


მეორე პრაქტიკული გამოცდილება "ბაიერნმა" უკვე ამ სეზონში მიიღო, როდესაც ბუნდესლიგის მე-10 ტურში, "ლაიფციგთან" საშინაო შეხვედრაში, რობერტმა კუნთის დაზიანება მიიღო და მოედანი დატოვა. იმ დროისთვის თომას მიულერიც ტრავმირებული იყო და იუპ ჰაინკესი ნომინალური ცენტრალური ფორვარდისა და მისი როლის შემსრულებლის გარეშე დარჩა. სწორედ ამიტომ, ჩემპიონთა ლიგაზე "სელტიკის" წინააღმდეგ ეს პოზიცია კომანმა და ხამესმა ერთდროულად აითვისეს.

ლევანდოვსკის არყოფნა "ბაიერნს" სერიოზულად დაეტყო, უფროსწორად, ცენტრალური ფორვარდის არყოფნა. ახლა კი რობერტს ნომინალური შემცვლელი ეყოლება და მისი არყოფნის შემთხვევაში მთავარ მწვრთნელს ტაქტიკის გადაწყობა აღარ მოუწევს და სხვა მოთამაშეებისთვის საუკეთესო თვისებების დაკარგვაც აღარ მოხდება. გავიხსენოთ ტრიუმფალური 2012/13 წლების სეზონში, როდესაც ჰაინკესს ამ პოზიციაზე არა ორი, არამედ სამი ალტერნატივა ჰქონდა: მარიო მანჯუკიჩი, მარიო გომესი და კლაუდიო პისარო. მანჯუკიჩი პირველი არჩევანი იყო, გომესი - მეორე, ხოლო პისარო - მესამე და იუპი სამივე მათგანს ჩინებულად იყენებდა. 2012/13 წლების სეზონში გომესმა და პისარომ არაერთი გოლი გაიტანეს და რეკორდებიც კი დაამყარეს (მაგალითად: მარიო გომესმა გერმანიის თასის ნახევარფინალში "ვოლფსბურგთან" (6:1) ტურნირის ისტორიაში ყველაზე სწრაფი ჰეთ-თრიქი გაიფორმა - 6 წუთში სამი ბურთი).

2. საჭირო გოლების გატანის გამოცდილება

სანდრო ვაგნერს ბევრი კარგი თვისება აქვს, რომელთა შორის საკუთარი თავის რწმენა და თავდაჯერებაც არის. "ჩემი გადმოსახედიდან, ახლა საუკეთესო გერმანელი ცენტრფორვარდი ვარ", - თამამად განაცხადა ვაგნერმა გასული სეზონის შემდეგ, როდესაც "ჰოფენჰაიმმა" ბუნდესლიგაში მე-4 ადგილი დაიკავა და ჩემპიონთა ლიგის საგზური ისტორიაში პირველად მოიპოვა. თანაც, იმავე პერიოდში "ლაიფციგის" მაისურით ახალგაზრდა ტიმო ვერნერი ბრწყინავდა, მაგრამ ვაგნერს საკუთარ ძალებში ეჭვი მაინც არ ეპარებოდა.

ასეთი მტკიცე ხასიათის წყალობით ვაგნერს კარიერაში არაერთი მნიშვნელოვანი გოლი აქვს გატანილი. 2009 წელს გერმანიის 21 წლამდელთა ნაკრებმა ევროპის ჩემპიონატი მოიგო და ფინალში ინგლისი 4:0 გაანადგურა. გადამწყვეტ შეხვედრაში სანდრომ დუბლი გაიფორმა და ტიტული "ბაიერნის" ამჟამინდელ ლიდერებთან, მანუელ ნოიერთან, მატს ჰუმელსთან და ჟერომ ბოატენგთან, ერთად მოიპოვა.


მისი რეალური აღმასვლა 2015/16 წლების სეზონში, ბუნდესლიგის დებიუტანტი "დარმშტადტის" შემადგენლობაში, დაიწყო. იმ სეზონში ვაგნერმა 38 თამაში ჩაატარა და 14 გოლის გატანა მოახერხა. "ლილიებმა" ეროვნულ ჩემპიონატში ადგილი მშვიდად შეინარჩუნეს და ამაში ყველაზე დიდი წვლილი სწორედ სანდრომ შეიტანა. იმ სეზონში მან ერთი გოლი მშობლიურ კლუბ მიუნხენის "ბაიერნსაც" გაუტანა, როდესაც "დარმშტადტი" მიუნხენში 1:3 დამარცხდა.

გერმანიის ეროვნული ნაკრების მაისურით კი 2018 წლის მსოფლიო ჩემპიონატის საკვალიფიკაციო ეტაპზე ვაგნერმა 7 თამაშში 5 გოლის გატანა მოახერხა.

3. ახალი გეგმა "ბ"

"მას ჩვენთვის რაღაც განსხვავებულის შემოთავაზება შეუძლია", - აღნიშნა ვაგნერის ოფიციალურად გაფორმების შემდეგ კლუბის სპორტულმა დირექტორმა, ჰასან სალიჰამიჯიჩმა. ხოლო მანამდე ანალოგიური შინაარსის კომენტარი გერმანიის ეროვნული ნაკრების თავკაცმა, იოახიმ ლიოვმა, გააკეთა: "მას განსხვავებული სათამაშო სტილი აქვს და თამაშში ახალი ელემენტების შეტანა შეუძლია." ასე, რომ ვაგნერის დაბრუნება ავტომატურად იმას ნიშნავს, რომ იუპ ჰაინკესს შეტევაი ახალი გეგმა "ბ" გამოუჩნდება.

დამაინც, რა არის განსხვავებული სანდრო ვაგნერის თამაშში? მოდი კიდევ ერთი ციტატა გავიხსენოთ და ამჯერად "ჰოფენჰაიმის" ახალგაზრდა დამრიგებელს, იულიან ნაგელსმანს, მოვუსმინოთ: "მას გამარჯვების არანორმალური წყურვილი აქვს. ის მოედანზე პრაქტიკულად ყველგან არის და თანაგუნდელებისთვის თავისუფალ სივრცეებს ქმნის." ვაგნერი 1.94 მეტრი სიმაღლისა და 92 კილოგრამი წონის ფორვარდია, რომელსაც მეტოქის საჯარიმოში მცველების დაფრთხობა ყოველთვის შეუძლია, რასაც ლევანდოვსკიზე ვერ ვიტყვით. რობერტი, რა თქმა უნდა, სრულყოფილი ცხრიანი და ნამდვილი შემსრულებელია, მაგრამ ვაგნერი ტიპიური ცხრიანია, საოცარი ფიზიკური მონაცემებით.


მიუხედავად იმისა, რომ ლევანდოვსკის არავისზე ნაკლები აღნაგობა არ აქვს, მისი ძლიერი მხარეები მაინც უფრო ფეხებსა და მიწაზე თამაშს უკავშირდება. ვაგნერი კი მეტოქის დაცვის გასატეხად ახალი გასაღები იქნება - თამაშის ბოლო წუთებზე ტანმაღალი, ფიზიკურად ძლიერი ფორვარდის თამაშში ჩართვა და მასზე ჩაწოდებებით შედეგის შეცვლა საკმაოდ პრაგმატული, მაგრამ არც თუ ისე ურიგო მეთოდია, რომელიც "ბაიერნისთვის" რეალურად ახალი გეგმა იქნება. იუპ ჰაინკესი გენიალური ტაქტიკოსი და სტრატეგოსია, ამიტომ მისთვის ყოველი ვარიანტი მისაღები იქნება და სათავისოდ გამოიყენებს. აღსანიშნავია ისიც, რომ საჭიროების შემთხვევაში ვაგნერი ლევანდოვსკის გვერდითაც თავისუფლად ითამაშებს, ვინაიდან განსხვავებული ტიპის ფორვარდია.

ასე, რომ ვაგნერი არამხოლოდ გეგმა "ბ" იქნება, არამედ ახალი ტაქტიკური შესაძლებლობაც - 4-4-2 სქემა დაცვაში ჩამჯდარი მეტოქეების წინააღმდეგ, ფლანგებზე სწრაფი ვინგერებით, ცენტრიდან ხამესით და წინ ვაგნერი-ლევანდოვსკის დუეტით საკმაოდ მძლავრად და ეფექტურად გამოიყურება.

4. საჰაერო საფრთხე

ახლა კი გეგმა "ბ-ს" თემას მივყვეთ და გავიცნოთ სანდრო ვაგნერი, როგორც საჰაერო მონსტრი! ვაგნერს ბუნდესლიგაში ბოლო ორი სეზონის განმავლობაში გატანილი 36 გოლიდან 50% ანუ ნახევარი თავით აქვს გატანილი, რაც ლევანდოვსკის მიმდანარე სეზონის მაჩვენელებს (7%) გაცილებით აღემატება. სანდროს ერთ-ერთი პლიუსი სწორედ თავით თამაშია და როგორც უკვე აღვნიშნეთ, ამ კომპონენტში რობერტს აღემატება.

გარდა ამისა, აღსანიშნავია, რომ ვაგნერს გასვლაზე გოლების გატანაც ეხერხება და "ბაიერნს" არამხოლოდ მიუნხენში არამედ მის გარეთაც დაეხმარება.

5. მშობლიური ბიჭი

ყველაზე მნიშვნელოვანი კი ის არის, რომ სანდრო ვაგნერი მიუნხენში დაიბადა და "ბაიერნის" ახალგაზრდული აკადემია აქვს გამოვლილი. 2007/08 წლების სეზონში ის პირველ გუნდში უკვე ირიცხებოდა, მაგრამ მხოლოდ 4 მატჩი ჩაატარა და სეზონის ბოლოს კლუბი დატოვა. მანამ, სანამ ვაგნერი ვითარდებოდა და "ჰოფენჰაიმში" კარიერის საუკეთესო ფეხბურთს აჩვენებდა, მისი ოჯახი კვლავ მიუნხენში ცხოვრობდა და სანდრო ოჯახს როგორც პირდაპირი ისე, ირიბი გაგებით დაუბრუნდა.

ეს ფაქტი კი საკმაოდ მნიშვნელოვანია, ვინაიდან სანდრო არამხოლოდ ბუნდესლიგას, არამედ "ბაიერნსაც" კარგად იცნობს და ადაპტაციისათვის გაცილებით ნაკლები დრო დასჭირდება. გარდა ამისა, ვაგნერის ტრანსფერი კლუბის ახალ მიზანს ამყარებს, რომელიც საკუთარი აკადემიის მოთამაშეებისათვის მეტი შანსის მიცემას გულისხმობს. აგრეთვე, ვაგნერი "ბაიერნის" შემადგენლობაში კიდევ ერთი გერმანელი, ხოლო ზაფხულიდან მოყოლებული რიგით მეოთხე გერმანელი ახალწვეული იქნება.


30 წლის გერმანელი ცენტრალური თავდამსხმელი შესაძლოა უმაღლესი კლასის ფორვარდი არ იყოს, მაგრამ მას "ბაიერნისთვის" კარგი სამუშაოს გაწევა ნამდვილად შეუძლია.

ბოლოს კი მინდა გითხრათ, რომ ვაგნერს 2 ნომრიანი მაისური, რომელმაც ქომაგებში ალბათ ირონიული რეაქცია გამოიწვია, შემთხვევით არ აურჩევია. ვაგნერმა "ბაიერნში" თავის წარმოჩენის ერთი შესაძლებლობა დაახლოებით 10 წლის წინ უკვე გაუშვა, ეს კი მისი მეორე შანსი იქნება და მის ზურგზე გამოსახული ციფრიც ამის აღმნიშვნელია.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბლოგი სანდრო ვაგნერი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა