ზიულე ვარ თუ არა საუკეთესო გერმანელი მცველი

მიუნხენის "ბაიერნისა" და გერმანიის ეროვნული ნაკრების ცენტრალურმა მცველმა, ნიკლას ზიულემ, თავის სტატუსსა და თამაშზე ისაუბრა.

ბოლო პერიოდში გერმანულ პრესაში აქტიურად განიხილება "ბაიერნიდან" მატს ჰუმელსის წასვლის თემა და ჩნდება კითხვა თუ ვინ არის ქვეყნის საუკეთესო მცველი - ზიულე თუ ჰუმელსი?

ამ თემაზე "ლივერპულის" თავკაცმა იურგენ კლოპმა და "ბაიერნის" მთავარმა მწვრთნელმა, ნიკო კოვაჩმაც, ისაუბრეს.

"დებატებში ჩაბმას არ ვაპირებ, მაგრამ მიხარია, რომ ჩემს თამაშს განიხილავენ და ჩემს მოქმედებებზე საუბრობენ.

თუ ხალხი ამბობს, რომ კარგი მცველი ვარ, ესეიგი სწორი მიმართულებით მივდივარ.

დღეს ფეხბურთი ისეა მოწყობილი, რომ მცველი მეკარესთან ერთად ჩართულია თამაშის შექმნასა და ბურთის ატანაში", - განაცხადა ზიულემ.

23 წლის გერმანელმა გასული სეზონი წარმატებით ჩაატარა და "ბაიერნის" ძირითადი მცველი გახდა. ამ ზაფხულს კი კლუბი მატს ჰუმელსმა დატოვა და დორტმუნდის "ბორუსიას" დაუბრუნდა.

2018/19 წლების სეზონში, ყველა ტურნირზე ერთად, ნიკლას ზიულემ 42 თამაშში მიიღო მონაწილეობა და 2 გოლიც გაიტანა.