ცნობილმა ჟურნალმა "Forbes-მა" 50 ყველაზე ძვირადღირებული სპორტული კლუბის რეიტინგი გამოაქვეყნა.
ტოპ 50 სპორტულ კლუბს შორის 8 საფეხბურთო კლუბი მოხვდა.
სიის სათავეში ამერიკული ფეხბურთის კლუბი "დალას ქოუბოისი" მოექცა, რომლის ღირებულებაც 5 მილიარდი დოლარით ფასდება.
მეორე ადგილზე კი ბეისბოლის ამერიკული კლუბი "ნიუ იორ იანკისი" გავიდა - ღირებულება 4,6 მილიარდი დოლარი.
სამეულში ფეხბურთის პრესტიჟი დაიცვა მადრიდის "რეალმა", რომელიც 4,24 მილიარდი დოლარით შეფასდა.
საფეხბურთო კლუბებს შორის "რეალის" შემდეგ მოწინავე პოზიციაზე "ბარსელონა" და "მანჩესტერ იუნაიტედი" გავიდნენ, ხოლო ინგლისურ გრანდს მიუნხენის "ბაიერნი" მოჰყვა.
"რეკორდმაისტერის" ღირებულება 3,02 მილიარდი დოლარია და საერთო რეიტინგში მე-17 ადგილს იკავებს.
მსოფლიოში 6 ყველაზე ძვირადღირებული სპორტული კლუბის სია კი ასეთია:
1. დალას ქოუბოისი (ამერიკული ფეხბურთი) - 5 მილიარდი დოლარი
2. ნიუ იორკ იანკისი (ბეისბოლი) - 4,6 მილიარდი დოლარი
3. მადრიდის რეალი (ფეხბურთი) - 4,2 მილიარდი დოლარი
4. ბარსელონა (ფეხბურთი) - 4,02 მილიარდი დოლარი
5. ნიუ იორ ნიკსი (კალათბურთი) - 4 მილიარდი დოლარი
6. მანჩესტერ იუნაიტედი (ფეხბურთი) - 3,81 მილიარდი დოლარი
...
17. მიუნხენის ბაიერნი - 3,02 მილიარდი დოლარი
25. მანჩესტერ სიტი - 2,69 მილიარდი დოლარი
32. ჩელსი - 2,58 მილიარდი დოლარი
42. არსენალი - 2,27 მილიარდი დოლარი
45. ლივერპული - 2,18 მილიარდი დოლარი